أدهم ومليكا

part 8

..ألا تري أن قلبي محطم؟!.... لماذا تلمسه؟
$$$$$$$$$$$$$$$$$$$$$$$$$$

هويدا: اسعاد... دا شئ شخصي وليهم حرية الاجابة
مليكا: شكرا ياطنط هويدا..... وشكرا على العزومة الحلوة دى... احنا لازم نمشي دلوقتي
هويدا بابتسامة: ليه يبنتي دا لسه هنعمل الشاي
مليكا: اصل شريف واعدنى بخروجة
هويدا: ربنا يسعدكم يارب
كان ادهم يجلس وهو يشعر بجمر نار قد وضع فى صدره ولاكن لم يتحدث
ادهم: شريف انا كنت عاوز اتكلم معاك بالنسبة للمشروع
شريف: ايوا بس بالنسبة لفسحة مليكا وغزل!؟
مليكا: شريف شغلك اهم وقت تانى تعوضها
كانت تمسك بيد شريف بينما ادهم ينظر ليدها وكأنه يريد قطعها
ادهم: معلش يامدام مليكا بس الشغل شغل
مليكا: وانا مقلتش حاجة يابشمهندس ادهم
شريف وهو يقبل رأس مليكا: معلش يحبيبتي وقت تانى
اسعاد بخبث: ازاى ياطنط ليلى سامحة ليها انها تاخد مكان بنتك!؟
ليلى: والله يبنتي انا بحب مليكا زي بنتي بالضبط
ادهم باستغراب: مش فاهم!؟
اسعاد: اصل الاستاذ شريف متجوز مليكا ومتجوز بردوا بنت طنط ليلى
ادهم باحراج وهو يفكر فى انه تزوجها ليتستر عليها: ملناش دعوة يا اسعاد
ليلى بغضب: اظن انك قاعدة بتدخلى فى اللى ملكيش فيه
اسعاد: والله انا اتدخل براحتى دا بيتي
ليلى: وبما انه بيتك بقي فاحنا ملناش قعاد هنا يالا يامليكا
هويدا: معلش ياليلى حقك على راسي والله
ادهم بغضب: استنوا هنا... دا مش بيتها ولا هيكون بيتها... ولو محترمتيش الناس اللى حواليكي يبقي تطلعى الاوضه وتقفلى على نفسك
اسعاد بغضب: انت بتكلمنى كدا ليه يا ادهم
ادهم: اسكتي خااالص انتى فاهمماا!!!
مليكا: استهدوا بالله يجماعة.. احنا اصلا كنا ماشيين... شريف انا هاروح مع سهير نشترلها لبس عشان دخول الجامعة
شريف: طب يحبيبتي
دخل سامر من الباب ليقول: متجمعين عند النبي
نظر لمليكا وليلى فى صدمة ليقول: احم... اهلا وسهلا
رحب الكل به
هويدا: هى صحيح مايسه وسهير مجوش ليه!؟
ليلى: سهير جابت المراجع قبل ماتدخل سنه خامسه عشان تذاكرها... لان هى عاوزة تفرغ نفسها لمشروع التخرج عقبل سهي يارب منفرح بيها وهى داخله هندسه
ليلان بابتسامة: دى على كده تبقي قدى بقي بس انا اتجوزت بدري وخلفت سهي
ليلى: انا حملت فى سهير قبل مامتك متحمل فيكي بشهرين وكنت انا هويدا عشرة عمر واعز صحاب لحد ما «طه» جوزى قرر انه يسافر وبعدنا عن بعض
ادهم: ولحد ماجيتوا هنا تانى ومعاكم مليكا... اقصد مدام مليكا
ليلى وهى تنظر له : استأذن انا بقي ياهويدا
هويدا: اتفضلى ياليلى واكيد هتكرروها.... دا حتى فرح ياسمين هيبقي بعد ٤ايام
ليلى: انا كنت هدعيكي بس لسه معملناش الدعوة
هويدا: تدعيني دا ايه دانا اصلا جايه انتى ناسيه انها هتتجوز سامر اخو ادهم
ليلى بصدمة: ايه!!!؟... دى قالتلى انها هتتجوز واحد اسمه عز المنزلاوى
الجميع فى صدمة: مين!!!؟؟؟؟؟
سامر بغضب: لو سمحتي يطنط ليلى انا لازم اروح واشوف ايه التخلف اللى ظاهر فى كلامها دا
مليكا: احترم نفسك لو سمحت
سامر بعصبيه: هو ايه اللى احترم نفسي.. واحده هتجوزها بعد ٤ ايام وافاجئ انها بتقول لعيلتها انها هتتجوز واحد تانى دا يبقي اسمه ايه... تخيلى كده تكونى هتتجوزى واحد وفجأة تلاقيه اتجوز
بهتت مليكا وظنت انه يلمح لها ولم يكن ادهم بأقل حال من حالها
ليلى بغضب: لاااا... دانتا زودتها اوى يلا يابنتي من هنا
ذهبوا الى بيتهم بعدما نادوة غزل
بينما صعد سامر الى غرفتخ ليتصل بها والشرار يكاد ان يتطاير من عينيه
••••••••••••••••••
انتى مدركة لللى بتقوليه!!!؟
فاطمة: ايوا يافريد... انا مش قادرة اتأقلم هنا ابدا
فريد: ايه اللى غير رأيك مش كنتى بتحبيني وقلتلى كده امبارح واحنا على الفطار!
فاطمة بكدب: كنت بضحك عليك... بحاول اتأقلم على الوضع اللى احنا فيه بس مقدرتش
فريد: انتى كدابة.. عيونك بيقولوا انك بتكدبي... انا عارفك لما تكدبي مبتقدريش ترفعي عينك فى عين حد
فاطمة: لا انا عيني بتوجعنى مش اكتر لاكن انا مش بحبك يفريد انا بحب واحد تانى
وفجأة دوت صفعة على وجهها لتصدم مما حدث
فريد: انا مش سوسن قدامك عشان تقوليلى كلمة زى دى واقوم اتجرح فى كرامتى واطلقك... لا... دانا اشرب من دمك.... دانا اموتك ولايرمشلى جفن حتى سااااامعة... وامور نكد الستات اللى بيظهر دا.. مش عليا يافاطمة.... انتى مش وفاء عشان اقول دا طبعك... لا... ماهو يا اكيد حد لعب فى مخك.. يا اكيد فى حاجة تانيه
فاطمة: سبني
فريد: مش سايب الا لما تقوليلى ايه اللى جاري..
فاطمة: انا قلتلك اللى عندى ومش بكدب
فريد: ماشي يافاطمة.. هطلقك.. بس بشرط... اللى انتى بتحبيه يجي قدامى والنهاردة بالليل يكون مخبط على بابي يا أما مفيش طلاق
خرج واغلق الباب بقوة
فاطمة باستغراب: ازاى يقول كده.... اكيد فريد بيفكر فى حاجة.. فريد مش من النوعية المتساهلة كده.... وبعدين اجيبه منين دا!!!؟...
••••••••••••••
واخيرا يبشندي نقينا القاعة
سمر: بس بقلك ايه يسطا.. عاوزة الفستان يكون مفتوح دا ليلة العمر
ياسين: شكلها هتبقي يوم وفاتك يعمري.. قال ايه مفتوح... لما نبقي نغير الديانة حاضر هبقي البسك مفتوح واكتمى بدل مالبسك كشاف فى وشك ياسمر
سمر بغمزة وهى تقول له بمرح: بتغير يولا ههههه... وبعدين مفتوح ايه يسطا دانا بشمر كم التيشتيرت ببقي حاسه انى شويه وهربطه على بطنى من طوله
ياسين: مانا عارف يجدع... وبعدين عاوز بقي يستي اتفسح فوسيحة معاكى
سمر: فين!؟
ياسين: بما اننا حاليا فى دمياط فالجو على البحر دا حاجة تحفه
سمر: اشطا
صمت ياسين ولم يتحدث لمدة ربع ساعة
سمر: تصدق وتؤمن بالله انت بتفكرنى بالاعلان بتاع «أمجد اونلاين... راح اوف لاين مبروك يا أمجد خسرتني»
ياسين بضحك: يمجنونة بفكر ايه الحاجات اللى لسه مكملتش بحيث اكملها.... وبعدين خلى فى معلومك انك هتحضريلى الفطار كل يوم.. ولا انزل بقي المحلات السورية واخلى بنت منهم تفطرنى
سمر: بقلك ايه يبو المساجين.. والنعمة تبقي جميلة لو تفطرونى معاكم
ياسين: ههههه.. دانا ربنا مبتليني بمجنونة
سمر: الاه... وانا هكدب بقي ولا ايه... وبعدين لازم تيجي معايا النهاردة
ياسين باستغراب: فين!
سمر: رايحة عزا
ياسين: هتفضحينى وهتضحكى زي عوايدك!!!
سمر: لا. متخافش مانا هقعد جمبك وابقي اقرصني لو ضحكت
ياسين: هو الحريم مع الرجالة ولا ايه!
سمر: ايوا لان هيبقي فى الشارع والبيت بتاعه ضيق لانه اوضه وصالة
ياسين: بيت مين!
سمر: دا صاحب جدى الله يرحمه ولازم اروح
ياسين: طب تعالى يلا
••••
دخلوا العزاء وجلسوا
سمر: هو مفيش حاجة نشربوها ولا ايه دول حتى معزموش علينا بعصير مانجا
ياسين: عصير مانجا ايه الى هيعزموه عليكي فى فرح
يااااالااااهوووووووااااي... يخرررابي
سمر بخضه : بسم الله هو المرحوم فاق ولا ايه
ضحك ياسين رغماً عنه وقال: منك لله هتفضحيني
سمر بتنهيدة: الوليه دى ايه بس منها لله... تصدق وتؤمن بالله ممكن اصلا متكنش شافت المرحوم اصلا وجايه توجب
ياسين بضحك: ممكن
نظرت سمر للولية... اقصد المرأة لتقول: ايه دا بس!!!؟
••••
خلاص ياباشمهندس شريف.... على اتفاقنا
شريف: خلاص يافندم هحضر الشنط وعلى الفجر هكون مسافر بأذن الله
ادهم: مش عاوز اوصيك... فرصة وجتلك انتهزها بقي
شريف: بأذن الله استأذن انا بقي
خرج شريف بينما قال ادهم فى سره: انا اسف... بس لازم ابعدها عنك
••••••••
سامر بغضب: فهميييني يعني ايه!؟
ياسمين ببكاء: والله معرف ياسامر غير النهاردة... مامتى اللى عملت كده... حطت ورقة فوق ورقة كتب الكتاب وخليتك تمضي وقامت شايلة الورقة ولا كأنك عملت كده
سامر: لازم نسافر لمامتك لازم
ياسمين: امتى دا الفرح بعد.... فرح ايه بقي مخلاص
سامر: لا مش خلاااص وبعدين ازاى تعرفي ومتجيش تقوليلى
ياسمين: خفت لتقول انى عملت انا كده.. خصوصا بعد اخر شكله
سامر: انتى متخلفه!... وانا ازاى اشك فيكي فى حاجة زي كده ازاااى!
ياسمين ببكاء: اهو اللى حصل بقي.... هتعمل ايه!
سامر: قومى حضري شنطتك.. من ساعة ماجينا الاسكندرية والمصايب فوق راسنا محاوطانا
ياسمين: اه والله
سامر: اقفلى ياياسمين... اقفلى وقومى حضري شنطتك يلا مفيش وقت
ياسمين: طب هنعمل ايه؟
سامر: هنطلع على اقرب مأذون وهنعمل عقد ونفهمه ان العقد القديم اللى اتعمل دا باطل لانه مكانش بموافقتك وبعدين هنطلع على مامتك
•••••••••••••