قومي ياسمر يلا حضريلى الفطار
سمر بنعاس: فيه ايه ياياسين اشحال مكنتش هتشحططني فى محكمة الاسرة امبارح
ياسين: يبنتي فوقي بقي هو انا كل مابكلمك على الصبح تهلوسي
سمر: بقلك ايه ياياسين الساعة لسه سبعة يعني زمان امة لا اله الا الله نايمة
ياسين: دول الكسلة اللى زيك وبعدين قومي يلا انا عاوز افطر وامشي
سمر: بقلك ايه انا مش قايمة
ياسين: هو ايه اللى مش قايمة اخلصي ياسمر امال مين اللى هيحضرلى الفطار
سمر: شششش... هتودشني ع الصبح بقلك ايه انت طالق
نظر لها باستغراب مطولا ولم يفهم ثم قال: عوضي على الله
خرج وذهب للمطبخ فوجد طرقات الباب
ذهب وفتحه ليجد خالته وابنتها
سميه: ازيك ياياسين يابني امال فين مراتك المحروسة!
ياسين: نايمة ياخالتوا
سمية باستنكار: ناايمة!!...دانا بنتي ميار بتصحي من فجاري ربنا يحبيبة قلب امها عشان تحضرلنا الفطار وتمسح الشقة وتقرأ لابوها الجرانين
صدح صوت من ورائها ليقول: مش بتمحرلكم السقف بالمرة
نظرت لها وقالت باقتضاب: اهلا وسهلا مرات ابن اختى
ابتسمت سمر وقالت: اهلا مرات حمايا
سمية: الا قوليلى ياسمر يبنتي الا مشفناكيش يعني جايبالنا اخبار حلوة
سمر: حاضر هروح لحلوانى العبد واقله يجيب كيلو ونص
سمية: شفت يا ياسين الا مراتك حتى مش بتضايفنا حتي بالكلمة الحلوة
كان ياسين يكتم ضحكة فهو يعلم ان سمر مهما كانت مهملة فى حقه الا وانها تغار عليه
ياسين: احم.. معلش بقي ياخالتوا لسه عروسه جديدة
سمر: اتفضلوا فى اوضه الصالون اضايفكم
جلسوا فامسك ياسين بيد سمر وجذبها الى المطبخ
ياسين: يبنتي حرام عليهم جبهتهم هتمسحي بيها الشقة
سمر: اصل كل ماتيجي تقولك اصل مراطك مش من مصطوانا.. اصل مراطك مش شانتي «چانتى» هو انا ناقصاها دانا بصحي م النوم مش بتفكر انى اتجوتك ياياسين
ياسين: طب يلا يالمضه حضرلهم حاجة
سمر: من عيوني
ياسين بغمزة: تسلملى عيونك
•••••••
جلست فى الغرفة مع ابنتها
كانت غزل تلعب بألعابها
طرقات الباب ودخل ادهم
ادهم: عصام بيه سافر
لم ترد مليكا فذهب ادهم الى غزل وقال: انا هسافر لايطاليا وهاخدكم معايا
مليكا: انا مش عاوزه اسافر
ادهم:مش بمزاجك يامليكا انا مسافر ومضمنش انى اسيبكوا
مليكا بسخريه: ودا من امتى!
ادهم: من الوقتي يامليكا
جلس امامها فتحاشت النظر اليه
ادهم بتنهيدة: انا عارف انى مش الشخص اللى كان لازم تحاربي عشانه وتوثقي فيه.. بس صدقيني انا متغيرتش اانا لسه زي مانا.. الانسان اللى حبك وهيفضل يحبك طول عمره
لم ترد مليكا فقال: انا عارف يامليكا انى غلطت فى حقك وعذبتك سنين طويلة ومن حقك تعملى ما بدالك فيا وانا راضي.. انا لو فاضل فى عمري دقيقة واحدة هستغلها عشان نرجع ولو بنسبة واحد فى المية من زمان... وهتشوفي يامليكا هثبتلك انى كويس وبقيت احسن وهخليكي تثقي فيا بس المرادى انا عمري ماهسيبك ابدا... انا هسافر عشان اعمل عملية تجميل عشان التشوه دا...صدقيني هخليكي تفتخري بيا...
قبل غزل من جبهتها وخرج
مليكا فى سرها: انا حاسه انك اتغيرت فعلا يا ادهم بس خايفه... خايفه تعيد نفس اللى حصل زمان وخصوصا ان فيه غزل فى النص
••••••••••
صفية بابتسامة: ازيك يا حمزة بيه!
حمزة: انا بخير يا انسه صفية
صفية: يارب دايما
حمزة: شكرا.... بصي انتى هتشتغلى فى المزرعة مع العمال ووصتهم عليكي هيعاملوكى بكل طيبة هما اصلا ولاد اصول وشايلين المزرعة من ساعة ماتعملت وعشان كده انا بكافئهم
صفية باستغراب: بتكافئهم؟
حمزة: اه نسيت اقلك.... مانا صاحب المزرعة
صفيه باندهاش: والله!!
حمزة: ايوا.. تعالى معايا افهمك القوانين هنا وافهمك الاقسام اللى بنشتغل عليها
•••••••
لا ماهو انتى لازم متقوميش
فاطمة: هو انا حامل يعني فى بندوزر يا فريد!!!
فريد: الدكتور قال انه لازملك راحة
طرقات الباب
فريد: اكيد جم
فتح الباب وجد سامر
سامر: ازيك يافريد عامل ايه!
فريد: لما افتكرت ان ليك اخ ياسيدي
سامر: والله يبني من ساعة ماتجوزت وانا مش سائل حتى فى نفسي
فريد: الحب وسنينه يا اخى ادخل اقعد
دخل سامر وقال: ازيك يامدام فاطمة
فاطمة: ازيك يا استاذ سامر امال فين ياسمين!
سامر: راحت للدكتور مع خالتها الحمد لله بدأت حالتها تتحسن وبدات تتكلم
فريد: حظك من السما طابخين الاكل اللى بتحبه وكمان عاملين عزومة لواحد بتحبه
سامر: مين!
طرقات الباب
فريد: اهو وصل
فتح الباب وجد مازن ووفاء وهما يمسكان هدية
وفاء: ازيك يا استاذ فريد
فريد: ازيك يا مدام وفاء
مازن: سموعلاليييكوا.. ايه دا سامر بنفسه عاش من شافك يراجل
ضحك سامر وسلموا على بعضهم
فريد: عشان بقي فاطمة حامل فيلا على المطبخ نغرف كلنا ومدام وفاء تقعد معاهم
ذهبوا الى المطبخ
وفاء: ازيك يا فاطمة
فاطمة: انا بخير ياوفاء انتى اللى اخبارك ايه؟
وفاء بسعادة: الحمد لله مازن شايلنى من على الارض شيل
فاطمة: يارب يهننيكي ياوفاء وتفرحي كده طول عمرك
وفاء: اللهم امين... احم. بقلك ايه يافاطمة ممكن اطلب منك طلب
فاطمة: اؤمري
وفاء: انا كنت عاوزة الانسيال بتاع جوازك اخرج بيه بكرة وهرجعهولك
فاطمة باحراج: بس فريد مش بيرضي اقلعه ابدا
وفاء: قوليله مثلا انك عايناه
فاطمة: طب مانا ممكن اديكي اى حاجة تانيه!
وفاء: لا انا عاوزة الانسيال
فاطمة: طب بصي خديه بس متقوليش لفريد وتجيبيه بعد ماتخلصي
وفاء بفرحة: حاضر
....
سامر: عشت وشفت ادخل المطبخ واحنا التلاتة ميييح
مازن: اتكلم على نفسك انا طباخ محترف جدا
فريد: يلا ياحبايبي يلا بلاش مناقرة فى بعض وودوا الاكل
خرجوا بالاطباق
مازن: خليكم قاعدين وانا والرجالة يتمرمطوا ماشي
جلسوا لتناول الطعام
مازن: اما بقي انا عندي ليكم حتة خبريه
سامر: قول ياسيدي
مازن: جالى فرصة عمل فى الخارج وهاخد وفاء ونسافر
وفاء: ازاى مقولتليش!
مازن: كنت عاملهالك مفاجئة يروحي
بهتت وفاء وقالت فى نفسها «لازم ابوظ السفرية لان كده مخططي هيبوظ»
سامر: انا بقي ياسيدي مقلكش حاربت عشان مراتى وفى الاخر اتجوزتها بس صعبان عليا اوى عز يعني مكانش ليه يد فى اي حاجة كله من ام ياسمين
مازن: اهى غارت ياسيدي
سامر: احسن دى تعبانة متنقلة على الارض
فريد: اهو ربنا خلصك منها
سامر: الحمد لله
فريد: كملوا اكل يلا عشان لما نخلص نلعب بلايستيشن
مازن وسامر: اشطا
فريد: كان ناقصنا ادهم وحمزة
سامر: ادهم مسافر عشان يعمل عملية تجميل! وهياخد مراته وبنته معاه
مازن باستغراب: تجميل!!!
فريد: هو اتجوز وخلف امتى!
سامر: انتم متعرفوش ولا ايه!
فريد: لا منعرفش هو ايه اللى حصل
سامر: هبقي احكلكم بعدين
مازن: طيب وانا مستني اسمع شكل الموضوع غريب
سامر: هو فعلا غريب جدا
•••••••••••••••
أنت تقرأ
أدهم ومليكا
Roman d'amourتركها هي وطفلته ليتزوج من أخرى بأمر من جده.... لكنه عاد ليستردهما بعدما عرف أنها قد تزوجت من آخر... فهل تعود له؟
