أدهم ومليكا

part 10

صدم مما سمع
ادهم:  از... ازاى!!!؟«ثم قال بعصبية»: يعني انا عندى بنت وانتى مخبية بقالك ست سنين... واكيد مفهماها ان شريف هو ابوها «امسك ذراعيها وهزها فى عنف ليقول: لييييه!؟
نفضت يداه لتقول بعصبية:  ليييه!؟؟؟؟؟؟... ليه ايه يا استاذ بعد كل دا تقولى ليه.. عاوزنى اقلك ايه.. اتجوزنى والنبي واتستر علي فضيحتي اللى بسببك!!!.... عاوزنى اقولها ايه.. حملت من غير جواز!!؟... تصور كده لما تكبر ويتقدملها واحد تخيل لو اتخانقوا مع بعض ممكن يقلها ماه. مامتك غلطت زمان مش بعيد انتى تطلعلها وتعمليها!!!!؟؟؟
ادهم: زمان زمان زمان... بقت لبانة فى بقك.. انتى عايشه فى الماضي... عمرك ماهتاخدى خطوة لقدام ابدا... قلتلك ظروفي قلتلك انى كنت مضطر وعمري فى حياتى ماحبيت غيرك...لو شريف عرف هيطلقك وانا اتجوزك ونربي بنتنا سوي ونبقي مع بعض ونحقق احلامنا اللى تمنيناها زمان
مليكا باستهزاء: وعاوزنا نرجع زي زمان... قول للزمان ارجع يا زمان... انت معشتش اللى عشته لما سبتني يا ادهم.... متذلتش زيي... مشفتش الصعوبات اللى واجهتها... بالعكس دانتا اتجوزت.. اي نعم مش عارفة انت ليه مخلفتش لحد دلوقتي بس اللى اعرفه انك قاعد ومتهني وكل شئ بتتمناه بيحصلك... حواليك اهلك وناسك اللى بيحبوك... مليونير وتقدر تجيب اللى محدش يقدر يجيبه... لاكن انا طفحت الدم من صغري... شبعت شحاتة حنية... مشفتش رحمة من حد.. وحتى الانسان الوحيد اللى حبيته زمان سابني اي كانت الظروف
ادهم:  انا مش هسيب بنتي يامليكا... هاخدها.. وياتطلقى واتجوزك يأما أرفع قضية عليكي وساعتها انتى اللى هتتفضحي ومش بعيد الفقلك تهمة واقول انك شربتيني حاجة وكمان هتبقي قضية مشهورة لانى رجل اعمال مشهور وغزل هتتفضح
ارتدت مليكا للخلف فى صدمة: انا... انا عمري فى حياتى متصورت انى حبيت انسان قذر بالشكل دا... انا عمري ماشفت بقذارتك.. عاوز تفضحني وتفضح بنتك
ادهم:  ولو طلت افضحني هعملها... انتى لسه مشفتيش الوش التانى لادهم... انت كنتى شايفة الانسان المذلول اللى واقع فى حبك وجاري وراكى بلاد عشان يفوز بقلبك... بس مشفتيش الوش اللى ممكن يدمرك... اللى هيحول حياتك جهنم
مليكا بغل:  انا بكرهك يا ادهم... وغزل مش هتبقي ليك هثبت انها بنت شريف بالادلة بتاعة شهادة الميلاد وهزور تحليل dna واطلع انها بنته.. اما انت هتعيش وحيد وهتموت وحيد يا ادهم حتى وانت حواليك ناسك.... افتكر كلامى يا أدهم.. الظلم ظلمات
ادهم:  هتندمى يا مليكا والله هتندمى
خرج ادهم من بيتها لتجلس بصدمة:  معقولة.. معقولة هو دا الانسان الطيب اللى حبيته زمان!!!!!
•••••••••••••••••••••••
شريف بصدمة وهو يمسك لياقته:  انت بتقووول ايييه!؟
الطبيب:  انا اسف دى اعمار ادعيلها بالرحمة وياريت تمضي على اقرار استلام الجثة عشان تسرع فى اجراءات الدفن
شريف:  دف... دفن ايييه.... مايسه ماماتتش
دخل وقال: مايسه؛!!!!..... مايسه فوقى... انتى ممتيش مايسه
الطبيب:  مينفعش كده يا باشمهندس العويل بيعذب الميت
شريف:  اسكت انت مفيش ميت هنا... مفيش ميت!!!... مااايسه فوقى.... فوقى يلا ابننا مستنينا فى البيت قوومى.... هتفوقى يلا وهنسافر نعمل العملية وهتروقي والله هتروقي
الطبيب وهو يبعده عنها:  مينفعش كده
شريف:  هى... هى هتفوق انا عارف انها هتفوق هى وعدتنى متسبنيش
الطبيب: لكل آجل كتاب.... خلاص ياباشمهندس شريف.
•••••••••••
بعد ثلاثة أيام
•••••••••••
ادهم وهو يتجه الى مليكا وسط الحشد الذى تجمع للتعزية:  مدام مليكا عاوز حضرتك
ذهبت ورائه فقال: دلوقتي انا معملتش حاجة عشان العزا.... بس آن الاوان بقي.... بكرة اسمع خبر طلاقك... يا أما مش هتشوفي الا كل وحش
مليكا: مانا شفتك اهو
ابتسم بشر وقال:  عندك حق... بس انا نبهتك... وقد اعذر من أنذر... واااه صحيح... معقولة كده يعني قبل ماتشتغلى تتطردي م الجريدة تؤتؤتؤ اما عبرو بصحيح ههههههه
مليكا بغضب:  اصل فى واحد مهزق وصي عليا
ادهم:  لييه بس وليه الغلط دا ماحنا كنا حلوين مع بعض.. ولا نسيتى الليلة اللى بسببها نورت الكتكوتة غزل
همت لتصفعه فأمسك يدها وقال:  ماعاش ولا كان اللى يمد ايده عليا...«نفض يدها وقال:  قبل ماتعملى كده ابقي شوفي الفرق يحلوة»
خرج لتقول: ربنا يهدك ياشيخ
•••••••••••
اسعاد:  يعني!!!
الطبيب: جوزك هو اللى مش بيخلف
اسعاد:  وكان مخبي عليا... اتجوزنى وهو مخبي عليا وكان بيغضب لما اقله عاوزه اكشف!!!!.... لا وكان مفهمنى انى اللى مبخلفش
الطبيب:  لا... الوضع مش كده يمدام.. الوضع ان هو مؤخراً حصله مضاعفات أدت الى أنه مش هيخلف تانى ابدا
اسعاد:  يعني انا كويسه!
الطبيب:  ولا فيكي اي حاجة نهائي
اسعاد:  شكرا يا دكتور
الطبيب:  العفو
خرجت اسعاد لتتصل على ادهم وتقول:  ادهم عاوزه اقابلك فى مطعم #####
««وبعد نصف ساعة»»
ادهم:  عاوزة ايه!
اسعاد: عاوزة اخلف
ادهم باستهزاء: والله... وانا مانعك ولا ايه!
اسعاد: ايوا.... انت اللى طلعت مبتخلفش.
ادهم بغضب: لااا.. دانتى هرمونات التخاريف عليت عندك اوى
اسعاد:  الدكتور قال انه حصلتلك مضاعفات ومش هتقدر تخلف تانى... وان انا سليمة
ادهم:  ازاى!!... ازاى الكلام دا
اسعاد:  يعني انت كان ممكن تخلف زمان... لاكن دلوقتي لا... وانا عاوزة اشوف حياتى ياادهم
ادهم:  وانتى طالق بالتلاتة يااسعاد.. انا اصلا مش طايقك عشان اكمل معاكى... انا اتجوزتك صورة كده لبرستيجي مش اكتر.. لاكن على الحب والكلام دا... انا بحب واحدة تانية ومخلف منها كمان وهترجعلى بكرة
اسعاد بصدمة:  ايييه!!!....بتقققول ايه.... طب وانا.. وانا كنت بتضحك عليا انا!!؟..... والله يا ادهم والله لاهندمك على اليوم اللى عملت فيه كده.. لاهندمك على كل ثانية عيشتني فيها معاك... والله لاهتندم
خرجت من المطعم فقال: كده نبدء بقي التخطيط على رواقة
اتصل على رقم ما ثم قال:  حضرتك اللى قلتلك عليه!
:.....
ادهم بابتسامة شر:  حلو اووي
•••••••••••••••••••••
ياسمين: معلش ياسامر اجلنا تانى ميعاد الفرح عشان مايسه
سامر:  انتى بتقولى ايه ياياسمين وانتى مفكرانى هعمل فرح وانتم كدا.... ابقي معنديش دم
ياسمين: خالتوا صعبانة عليا اوى لما جيت القاهرة واتصلوا قالولها ان مايسه  ماتت معدتش بتتكلم وفقدت النطق
سامر:  مسكينة... دا خبر محدش يتحمله اصلا
ياسمين:  ربنا يرحمها... دى كانت طيبة اوى عمرها ما أذت حد ولا جابت فى سيرة  حد
سامر: ربنا يرحمها
•••••••••••••••••
جلست امام قبرها لتقول:  كده يامايسه... كده تسيبيني
وانا معنديش غيرك بعد ربنا.. كنت اختى وامى ومل حاجة... طب هشكى لمين دلوقتي ومين هيسمعلى دلوقتي... عارفة يامايسه طلع عندك حق فى كل كلمة... ادهم دا واحد واطي... بس عشان كنت بحبه كنت بتجاهل عيوبه... انا ندامة انى قلتله ان غزل بنته... بس مقدرتش اخبي... مقدرتش اطمس هويته.. غزل بدأت تكبر وهتسأل على ابوها.... وشكلى لازم اطلق من شريف عشان احمى غزل والله ماطايقاه «بكت وقالت: بس بنتي يامايسه لازم اصون اسمها... لازم اصونها واصون كرامتها لما تكبر.. ادهم لو عمل اللى فى دماغه هتفتضح انا وبنتي... لازم اضحي بنفسي... بس انا مش هرجعله يا مايسه انا هشترط عليه لو عاوز اتطلق ونرجع نتعامل زي الاخوات وملهوش دعوة بيا.... هو دا الحل الوحيد يامايسه.. سامحيني!!!