أدهم ومليكا

part 14

هتعرفي يبنتي تردي على الكلام الحلو!!
سمر: بص هبهرك
ياسين: متكسفنيش انا قاعد قدام اهلى وخصوصا خالتى كانت عاوزة تجوزنى لبنتها
سمر: قال يعني هتتجوز اينشتاين يعني يابو المساجين ششش انا هشرفك متقلقش
سمر: الاكل كان حلو ياميرنا
ميرنا: صحة وعافية
سمر: امك حافية
نغزها ياسين وقال: احم.. تقصد الله يكرمك
ضحك والد ياسين بخفة لكى لا تغضب سميه
سمر وهى تميل على ياسين: ياااه ياياسين لو كنت اتجوزت بنت خالتك.. ياااه.. تخيل كده ابوك اصلا متجوز خالتك فلو خلفوا واد هيبقي اخوك انت ومراتك... ولو انت خلفت ولد بقي الله بجد
هيقوله يخالوا ويعموا فى نفس الوقت ويتعقد نفسيا هههههه
ياسين: يخرااابي متجوز مجنونة
سمر: عاتشي
•••••••••
دخل وفى يده جريدة
عز: للاسف يامدام مليكا عندى خبر مش كويس!
مليكا: ايييه!
عز: ادهم.... عمل حادثة شديدة و... فقد الذاكرة
مليكا بصدمة: حضرتك بتقول ايه؟
عز: انا مش قادر استوعب.. دا غير ان اللى شافوه قالوا انه.... اتشوه
مليكا بشهقه: لا... ادهم لا
عز: بصي انا رايح المستشفي لو حابة تيجي معايا
مليكا بللهفة: اكيد... بس هسيب غزل فين!
عز: هاتيها معانا
مليكا: لا... زي مانتا فاهم مينفعش
عز: خلاص هنخليها عند جارتي هى ست امينه وهتخليها عندها
مليكا: تمام
•••••
وبعد ساعة وصلوا الى المشفي ودخلوا
الدكتور: حضراتكم تبقوا مين!
عز: انا صديقه ودي تبقي
الدكتور وهو ينظر لها: هو انتى!!
مليكا: انا ايه!
الدكتور: احنا كنا منتظرين ظهورك...
مليكا باستغراب: ظهوري انا!
الدكتور: لما المريض اللى جوا عمل حادثة دورنا على اي حاجة تثبت شخصيته ملقيناش غير صورتك
مليكا بصدمة: صورتي!؟؟!!!
الدكتور: بصي انتى هتدخليلوه دلوقتي وتتعاملى معاه على حسب الزمن اللى فاكرك بيه
مليكا: استاذ عز ينفع ادخله لوحدى!!
عز: اه طبعا اتفضلى
دخلت مليكا واغلقت الباب لتصدم وتتشنج عضلاتها من مظهره
وقف ادهم ثم هرول اليها فبعدت
ادهم بللهفة : متخافيش مني يامليكا... ارجوكي متخافيش انا.. انا معرفش ايه اللى حصل والله خلانى كده بس انا فاكر شكلى مكانش كده زمان... انتى حبتيني كأدهم محبتيش شكلى صح... و.. و على فكرة.. انا هعمل عمليه وهرجع احسن كمان من الاول
مليكا وهى تجاهد فى تخفيف ذعرها: انت ايه اللى وصلك لكده... واخر حاجة فاكرها ايه!
ادهم: انا مش فاكر غيرك يامليكا وفاكر انه انا كنت فى عربيه وفجأة لقيت انه مفيش فرامل دا اللى انا فاكره
مليكا: مش فاكر انك اتجوزت؟
ادهم باستغراب: انتى بتقولى ايه... مين الاهبل اللى قالك كده!!!!!
مليكا: فوق يا ادهم انا شاكة فى الموضوع... حاسة انك مش فاقد الذاكرة ولا حاجة
ابتسم ادهم ليقول بشر: دا حقيقي
ضحك ادهم ثم قال: بس ايه رأيك فى اللعبة... على فكرة الدكتور معايا والممرض معايا... واوعى تكونى مفكرة انى مش عارف انتى رحتى فين.. لا دانا عارف وعارف كمان ان شريف طلقك.. عارفة شريف طلقك ليه!... لان انا قلتله انه لو مطلقكيش هأذيه فى ابنه وطبعا هو خاف علي ابنه فطلقك.... دا حتى انا عارف ان اسعاد كانت زارعة ممرض فى المستشفي فخليت الدكتور هو والممرض كل مايتكلموا عنى يقولوا انى فاقد الذاكرة... زائد ان هما عملوا الاعلان ونشروا رقم عربيتي فاسعاد بعتت هويدا... انا مش غبي انا مخطط لكل شئ.. وبما انك جيتي هنا عشان تشوفيني فانتى بتحبيني... شفتي بقي انك ساذجة.. كل حاجة كانت كدبة الا التشوه
مليكا وهى تبصق فى وجهه: اتفوا عليك يا أخى اتفوا عليك بجد... انا بكرهك ومش هقعد معاك
ادهم: تؤ تؤ تؤ كده تزعليني منك!! نسيتي غزل ونسيتي ليلتنا
امسكته من لياقته لتقول: انت اييييه شيييطان... اا عمري ماشفت و••••كده ابدا عمري ماشفت قذارة بالشكل دا.. منك لله على كل اللى عملتوا ربنا ينتقملى منك
ادهم: بعيدا عن كل الكلام دا سواء قبلتى او لا هتجوزك... وغزل هتبقي بنتي.. وكمان انا رفعت عليكي
قضية... قضية حضانة
مليكا: وهو انت اصلا اثبت ان دي بنتك!!
ادهم بضحكة: مش قلتلك انك ساذجة.... فاكرة يروح قلبي لما كنا بنعمل ورقة الاحلام وقلتلك نمضي عليها.. دى ماكانتش ورقة الاحلام دى كانت ورقة عادية... ورقة بيضا.. اي نعم مكانش فيها نية ابدا لللى عملتوا دلوقتي
مليكا: عملت ايه!!!؟؟؟
ادهم: خلتها ورقة جواز عرفي.. زائد ان انا خدت عينه من شعر غزل وهثبت بتحليل الdna انها بنتي
مليكا وهى تهم بضربه: ااااه يا زبالة
ادهم وهو يمسكها: شششش خليكي ريلاكس عشان عزوز ميسمعش.. ينفع كده يسمع واقوم انا زعلان
بصي ياحبيبة قلبي انتى هتروحي مع عز تجيبي شنطة هدومك زي الشاطرة كده وتيجي على قصري اكيد فاكراه وازا كان على جدي فمش هتقابليه ليكي جناح لوحدك دا اولا... ثانيا انا هاروح اطبع كروت الدعوة عشان الفرح وثالثا ودا الاهم: متنسيش تفهمى غزل انى ابوها... ودلوقتي انا مستنيكي وانا متأكد انك قلتى لعز الحكاية وتفاصيلها والا مكنتيش جيتي وخلتيه يستني بره
مليكا وهى تنظر له بحزن: انا مش عارفة انا كنت بحب واحد زيك ازاى!!!!!
ادهم وهو يدير وجهه: كله عشانك يا مليكا.. انا شوهت وشي عشان اشوفك... صدقيني انا مش قاسي... يمكن حبي هو اللى قاسي عليكي... لاكن انا والله العظيم بحبك
••••••••