تصلت به
ياسمين: انت فين ياسامر!!
سامر بتوتر: انا خلصت الاجتماع وهنزل اهو وجاي
ياسمين: طب كويس لانى فى الشركة
سامر بغضب: وانا سمحتلك تخرجي
ياسمين بألم : قلت اجى واخليهالك مفاجئة
دخلت ياسمين البار مع جاسم واغلقت الخط
سامر: ياسمين الو.. الووو
....
ياسمين: لو سمحت خليك واقف هنا
جاسم: تمام يفندم
دخلت ياسمين
ماجى: فيه ايه!
ياسمين: فيه انه متأخر لو سمحتي ولازم يروح عشان الشغل... دا لو هو مرحش الشغل زي النهاردة كده
صدم سامر عندما وجدها
ماجى بتوتر: احم.. انا ل.. لازم امشي
سامر: انت ايه اللى جايبك هنا!!!!!! وعرفتي مكانى منين
ياسمين:كان فيه مثل كده قالتوا ام روبانزل الوهميه...قالت انا مشيت ورا صوت الخيانة وكسر الوعود.....
سامر: انا... هشرحلك.. دى
ياسمين: يلا ياسامر لانى عاوزة انام
نزلا سوياً وركبا السيارة
أمسك المقود ثم قال: احم... مش.. مش هتقولى حاجة!!!
ياسمين: اقفل الازاز لو سمحت عشان الهوا
دخلا البيت بعد نصف ساعة فقالت: معلش ياسامر بقي مش هقدر احضرلك العشا انا لازم انام
سامر: احنا لازم نتكلم
ياسمين: بكرة
سامر وهو يقلب الترابيزة: اقفى هنا واسمعيني لما اتكلم تسمعيني
ياسمين: انت بتكسر الترابيزة ليه؟؟.. وقول اللى عندك عشان انا عاوزة انام بسرعة يلا
سامر بغضب: انتى.. انتى انسانة باردة
ضحكت بخفة وقالت: وايه كمان!
سامر بغضب : عارفة دي تبقي مين!!!... دى تبقي مراتى
ياسمين بضحك : ايه دا؟؟... بجد... الف مبروك مش كنت تقلى عشان اقف جمبك فى فرحك.. بس ملحوقة ممكن ابقي اعزمها على الغدا ولا حاجة
سامر بدهشه: انا بقلك دى مرااتى!!
ياسمين ببرود: وانا قلتلك الف مبروك
ذهبت الى النوم
سامر بغضب: تمام ياااياسمين.. تمام.. وانا اللى كنت شايل هم اليوم دا... طلع انى بالنسبالك ولا حاجة
خرج من البيت ثم اغلق الباب بقسوة افزعت ياسمين
•••••••••••••••••
ادهم: تعالى يامليكا
مليكا: نعم
ادهم: انا جبتلك دى
مليكا: ايه دا دا وشك بدأ يرجع طبيعي انا مش مصدقة
ادهم بابتسامة: الدكتور دا ممتاز جدا وبعدين احم.. خافى بقي لواحدة تخطفنى
مليكا بمرح: يسلام يسلام
ادهم: اوممااال... نرجع للجد... خدى الفستان دا انا عاملك مفاجئة
مليكا: ايه... وايه الجمال دا!
ادهم: قيسيه
مليكا بتوتر: بس!!
ترك ادهم الفستان بهدوء على السرير ثم قال وهو يمسك يدها: بصي يامليكا تعالى نعيش من الاول.. ننسي الماضى.. انا اتغيرت.. اتغيرت للاحسن.. صحيح مشاعري متغيرتش لانى بحبك بس اتغيرت فى طباعى معدتش جبان عشان اسيبك تانى
مليكا: بردوا لسه جوايا خوف
ادهم: اوعدك انى عمري ماهسيبك.. انا عمري ماوعدت بحاجة وخلفت
مليكا: لا وعدت... وعدت انك هتفضل جمبي
ادهم: ووفيت
نظرت له باستغراب
ادهم بتأكيد: ايوا.. وبالدليل انى معاكى.. حاربت عشان اوصلك.. اي نعم اذيتك واذتني معاكى بس عشان اوصلك وتكونى معايا..
مليكا بخجل: احم... انا لازم.. لازم اقيس الفستان جايز يعني ميكنش مقاسي
ادهم بابتسامة: لا مقاسك قيسيه
دخلت الغرفة واغلقت الباب ليدخل هو الى غرفة ابنته
غزل: باابا
ادهم وهو يقبل جبهتها: حبيبة قلبي عاملة ايه؟؟!
غزل: كويثة.. بس انت ليه هتثبني انت وماما النهاردة!
ادهم: ماما زعلانة منى ولازم اصالحها
غزل: انا ممكن اقلك تصالحها ازاى وهى هتصالحك على طول لانى كنت بعمل كده وبتصالحنى على طول
ادهم: عملتى ايه!
غزل: كنت.....
••••••
انتى طالق طااالق طاااالق
كان يهتف بها وهو يرتجف من الألم
أمسك بذراعيها ورجها: ازاااى... وللليه... ليه تعملى فيا كده.. انا عملتلك ااايه... انا اذيتك فى ايه
نزلت يده وقالت: انت عارف انى عمري ماحبيتك يامازن
مازن وهو يصفعها: تقققومي تحاااولى انك توقعي بين فاطمة وفريد عشان تروحيييله للدرجادى انتى رخيصة
وفاء: انا قلتلك من الاول انى مش بحبك... وانى بكرهك انت اللى اصريت انك تتجوزني ولولا اصرارك كنت زمانى مع فريد
مازن: فريد!!!.. فريد دا الوحيد اللى كسب.. يارتني كنت اتقدمت لفاطمة.. على الاقل كنت هلاقى حد يعاملنى بنفس معاملتى ولا حتى يديني واحد فى المية من مشاعري .. اطلعى برررره الشقة ومشفش خلقتك تانى
وفاء وهى تشير لفاطمة: مش هتتهنيبوا يا فاطمة.. وانت يافريد مش هتبقي لحد غيري
خرجت ووجد مازن يجلس وهو يضع يده فى وجهه
فريد وهو يربت على كتفه: انا اسف
مازن: اسف على ايه.. هي كده زبالة وهتفضل زبالة
فريد: تعالى بات عندى
مازن: لا انا هبات فى شقتي مقدرش ابات فى حتة غير بيتي
فريد: عشان...
مازن: ارجوك يافريد سيبني
فريد: انا هاجى بالليل اطمن عليك
اومأ له وقال: تمام
فريد: يلا يافاطمة
دخلوا الى البيت
جلست فاطمة وهى تبكي
فريد: مخلاص يافاطمة هى واحدة متستاهلش
فاطمة: مش عشان فاطمة
وقفت ثم قالت: مش عشانها... انت لازم تعرف
فريد بتوتر: في.. فيه ايه يافاطمة!
فاطمة: انا رحت للدكتور امبارح عشان اتابع حالة الجنين فكان معايا حالة تانيه بتعمل تحليل فأخدت الفكرة
فريد: تحليل ايه... الحمل كاذب ولا ايه!
فاطمة وهى تومأ برأسها بالنفي وتبكي: لا... الجنين عنده چين متوارث.... الجنين هي...هيطلع أعمى
••••••••••••
خرجت وهى ترتدي الفستان
نظر لها بانبهار
ادهم: ايه الجمال دا؟
مليكا: حلو؟
ادهم: قمر
مليكا: احنا.. احنا هنروح فين!
ادهم بمرح: على اساس انك عارفة ايطاليا هههه
مليكا: لا بجد هنروح فين!
ادهم: هنروح اجمل مكان ممكن تشوفيه
نزلا وركبا السيارة
ادهم: انا عارف انك بتحبي الاغانى وخصوصا بهاء سلطان
فتح اغنيه «صدقيني انا عايز اعمل اي حاجة عشان ارضيكي... عاوز ابقي حد يستاهل بجد يبقي ليكي..»
••••••••••••••
استيقظت ولم تجده فى البيت فارتدت ملابس لكى تخرج ثم ذهبت الى محل ورد
دخلت المحل ثم قالت: لو سمحت
العامل: اؤمري يافندم
ياسمين: انا كنت عاوزة بوكيه ورد لطيف
العامل: تمام يافندم باسم مين!
ياسمين: باسم ماجى ابو العز
العامل: تمام يافندم
ياسمين: واكتب عليها جملة واحدة «مبروك لاحلى عروسه»
العامل: حاجة تانيه!
ياسمين: لاشكرا
العامل: تمام
•••••
جلس فى مكتبه
نظر لصورة زوجته وهى موضوعة على المكتب فأخذها وقال: مش عارف.. ومش داري باللى بعمله... بس لما لقيت ادهم القوي ضعف من حبه... قررت انى الغي حبك ياياسمين... بس مش قادر... وقررت انى اسيب نفسي اضعف.... صدقيني
السكرتير: سامر بيه... المناقصة اللى حضرتك كنت عامل الاجتماع علشانها الشركة اللى كانت هتستلمها لغت التعاقد
سامر: ليه!
السكرتير: انا اسف بس حضرتك مشفتش الجريدة
سامر: جريدة ايه!
السكرتير: احم... حضرتك بقيت ترند... فيه مصور لقطك وانت... بترقص فى البار امبارح مع واحدة
••••
أنت تقرأ
أدهم ومليكا
Romansaتركها هي وطفلته ليتزوج من أخرى بأمر من جده.... لكنه عاد ليستردهما بعدما عرف أنها قد تزوجت من آخر... فهل تعود له؟
