(سيلان ) ارهقني حبك

الفصل السابع

بقصر الراجحي
علي طاولة الافطار صدم الشباب عندما علموا من نوال ان قصي غادر مبكرا

ياسين بهمس لعدي : متنساش عربية السباق اللي محتاجه صيانه انا هسبقك علي المصنع وانت ابقي بلغني بالتطورات لان شكل قصي بيه مش في حالته الطبيعية ومش مهتم بالمصيبه دي

ليرحل الشباب كل واحد في وجههته

في الجامعه كان يجلس بداخل سياراته لا يريد الخروج ولا يريد الوقوف مع احد فقط يجلس وعيناه معلقه على الباب الرئيسي للجامعه ينتظر قدومها منذ الصباح الباكر

اخيرا وصلت عند باب الجامعة ليخرج من سيارته بابتسامة قوية

قصي بشقاوة : كنت عارف انك هتيجي الجامعة
انتبهت سيلان لصوته خلفها لتكمل طريقها وهي تتحدث بنبرة عادية : مش فاكرة اني قولت  مش هاجي
قصي وهو يسرع خطواته ليقف امامها : مكملناش كلامنا
سيلان وهي تنظر في عيناه : انا قولتلك انها كانت صدفه وخلصت
قصي بتصميم : مخلصتش في بينا كلام كتير
سيلان بنفس التصميم : مش ملاحظ انك بتدخل في حياتي بطريقة مش مقبولة مفيش بينا كلام واظن انا قولتلك الكلام ده امبارح

قصي بعناد وتصميم : اسمعي بقي لو كنتي عندية فأنا اعند منك ومش هسيبك الا اما اعرف انتي حكايتك ايه
سيلان ببرود : اسمعني يا قصي لينتبه علي اسمه الذي خرج منها بحلاوة اذابته لتكمل : انا لا عندي حكاية ولا روايه وكمان بحب اكون دايما لوحدي انا مش بالنسبة لك سباق داخله تحدي ولا بنت خارقة الجمال هتضحك عليها وتوقعها انا مش للتسلية ولا زي البنات اللي تعرفهم
قصي بابتتسامه يداري ارتباكه بها : انتي خيالك صور لك امور مش حقيقية اطمني انتي مش البنت اللي بحلم بيها ولا انا بتسلي صدقيني لاول مره فضولي يكون قوي كدة انا مش عاوزاوقعك لوده هيريحك انا بس حابب نكون اصحاب واعرف عنك كل حاجه

سيلان باستسلام : سيبها للصدف لتتركه وترحل

وقف ينظر لها بغموض وتصميم بأن يعرف كل شئ عنها

دخلت المحاضرة لتعوض ما فاتها

بعد انتهاء المحاضرة لاكثر من ثلاث ساعات وهي خارجه قابلت نغم التي نهرتها علي غيابها
نغم بعتاب :بقي كدة يا سيلان لا رقم تلفون ولا عنوان وغياب من غير متقولي
سيلان وهي تضحك بداخلها : ما بال الجميع فجأة اصبحوا مهتمين بأخبارها : كان عندي ظروف قويه منعتني اني احضر لكن متقلقيش عليا هعرفك رقم تلفوني
لتبتسم نغم لتلك الرقيقة قليلة الكلام

خرجت سيلان مع نغم لتقف مع صديقاتها التي شعرت بالألفة معهم

كانت تنظر للسماء ذات السحب والغيمة السوداء بشرود

بينما في الجهه المقابلة يجلس علي سيارته وحوله اصدقائه وبعض الفتايات يتحدثون في امور تافهه عيناه ملتصقة بها بتوهان كحاله منذ امس