(سيلان ) ارهقني حبك

الفصل الخامس

جالس في المحاضرة بتملل شديد ليقرر ان يترك المحاضرة ومازال متبقي منها ساعة على الاقل ليخرج دون ان يهتم لدكتور المادة بالاساس من يتجرأ ان يتحدث معه حتي لو كان دكتور المادة  فهو معروف  وسط الدكاترة

كان يسير في الممر الخالي من الطلاب فالقسم عبارة عن ممر طويل يوجد به غرف حجمها متوسط لاتأخذ اكثر من عشرون طالب فقط فهذا القسم من يلتحق به قليلون بجانب انه مميز لانه مخصص لابناء رجال الاعمال فقط
ظل يسير بالممر شارد في وضعه ليلفت انتباهه بالغرفة المجاورة  تلك الغامضة كانت جالسة مندمجة بالكتابة وراء الدكتورة

الدكتور وهو ينادي عليها : سيلان عز الدين
سيلان بتصحيح : قولت لحضرتك اسمي سيلان العشري
اكمل الدكتور : لكن مكتوب عندي في الكشف اسمك سيلان مجد عز الدين
سيلان : لكن انا بقولك اسمي سيلان العشري وانا اكتر شخص ادري باسمي
قصي بابتسامة متعجبة وهو يردد اسمها بداخله ازداد فضوله اتجاه تلك الفتاة التي اثارت غضبه بسبب وقاحتها وجرأتها تبدو فتاة بسيطة من مظهرها   ربما هي حصلت علي منحة دراسية لهذا القسم فالمظهر الخارجي لا يوحي بالغني  
انتبه علي صوت الطلاب الخارجين من المحاضرات الاخري ليقرر الخروج للخارج

#كلية الهندسة

سليم : اي يابني مالك ماتهدي كدة ايه يعني حتة بنت اخدت منك الترتيب الاول في الكلية

حمزة بغضب : اسكت ياسليم متولعهاش انت عارف اني بزاكر طول الاجازة وكمان كل سنة بطلع بتقدير جيد جدا تيجي بنت او بمعني اصح دبدوبة تجيب امتياز وهي تبقي في المرتبة الاولي وانا الاول مكرر لا مستحيل يحصل اكيد في حاجة غلط

سليم : لا ياحمزة مفيش حاجه غلط انت عارف انك ضعيف في مادة الديناميكا وهي اللي بتنقص درجاتك وواضح من درجاتها انها مقفلة كل المواد
حمزة بصمت وهو ينظر علي شئ ما امامه

كانت اسيا واقفه مع اصدقائها في نهاية الممر
نسرين بضحك : مبروك يا سو درجاتك تشرف بحق وحقيقي انتي بقيتي الاولي علي الدفعه وعلي حمزة الراجحي نفسه
اسيا بعدم اهتمام : هو بس اللي مكانش بيزاكر كويس ودي درجاته علي قد مجهوده

: وانتي بقي كنتي بتشوفيني وانا في البيت بزاكر او بلعب
كان هذا صوت حمزة من خلفها
التفتت اسيا لتنظر له
اسيا ببرود : انا اه مش شوفتك اذا كنت بتذاكر او لا لكن انا واثقه جدا ان كل واحد اخد علي قد مجهوده
لينظر لها حمزة باستعلاء وينظر علي مظهرها فتاه ممتلئة ليتحدث بسخرية : لو علي قد مجهود كل شخص فأنا شايف انك علي ماتقلبي الصفحة التانيه هتكوني بتنهجي وعلي ماتخلصي مزاكرة الكتاب اكون انا زاكرت تلاته
اسيا بغضب من سخريته : بالظبط هو ده اللي كنت بقوله من شويه ان كل واحد بياخد علي قد تعبه ومجهوده وزود كمان ان في عقول فاضيه ولا مليون كتاب هيخليها مثقفه لان الرقي في الكلام دليل علي  ثقافة العقل واسمحلي يعني اقولك انك ميييح وكتير عليك اول مكرر كمان
لتتركه وترحل
ليقف حمزة ينظر في اثرها بغضب وتوعد
:مبقاش غير الست الدبدوبة هتعلمني اتكلم ازاي كمان