(سيلان ) ارهقني حبك

الفصل الثاني

لو اني اعرف ان الحب خطير جدا ما ابحرت
لو اني اعرف ان البحر عميق جدا ما ابحرت
لو اني اعرف خاتمتي ما كنت بدأت
الموج الازرق في عينيك يناديني نحو الاعمق
وانا ما عندي تجربة في الحب ولا عندي زورق
اني اتنفس تحت الماء ... اني اغرق
اني اغرق اغرق اغرق
ياكل الحاضر والماضي يا عمر العمر
هل تسمع صوتي القادم القادم من اعماق البحر
ان كنت قويا اخرجني من هذا اليم
فأنا لا اعرف لا اعرف فن العوم
لو اني اعرف ان الحب خطير جدا ما احببت
لو اني اعرف ان البحر عميق جدا ما ابحرت
لو اني اعرف خاتمتي ما كنت بدأت  ************

كان يجلس في مكان مخصص للجلوس امام المسبح بحديقة القصر وبجانبه راديو حديث يذيع اغنية رسالة تحت الماء لعبد الحليم حافظ  يستمع له بأمعان
من خلفه
ياعيني ياعيني علي الروقان والرومانسية شمس وشجر وسماء صافية وماية  وعبد الحليم حافظ ده احنا داخلين علي حب جديد بقي شكلنا
ضحك مجد بصوت عالي وهو يتحدث بصوت متقطع : حب ايه بس وبتاع ايه انا اقدر احب علي والدتك دي كانت قطعتني عشر قطع ورمتني في البحر ثم انتي واخواتك حبي الاول والاخير

اسيل بابتسامة : والله يا مجد بيه انت اللي حبي الاول و الاخير انا مش فاهمه انت مفيش منك اتنين ليه واحد لماما وواحد ليا

نادين من خلفها : لا ياحبيبتي هو مجد عز الدين واحد بس و حبيبي مينفعش يكون منه اتنين انتي بقي اتشطري ودوري علي عريس يكون فيه مواصفات ابوكي مع اني اشك
اسيل بحزن مصطنع : لا ياست ماما مين قالك اني عاوزه اتجوز انا هفضل عايشه علي قلبكم انا وهبت حياتي للعمل فقط

اسيا التي اتت لتجلس بجانبها وهي تمسك الساندوتش وتلتهمه بأقصي ما عندها وتتحدث بطريقه مضحكة والطعام في فمها : وانا يابابا وهبت نفسي للعلم والاكل

اسيل بتقزز من منظرها: ابلعي الاكل الاول في بنت رقيقة تاكل بالطريقة دي وتتكلم بالشكل ده

نادين بنفاذ صبر من ابنتها الصغيرة وتصرفاتها : اسيا ياحبيبتي اختك معاها حق كلي زي ماتحبي انا مش بحرمك من حاجه لكن في اسلوب في الاكل مش بالشكل الهمجي ده

مجد بدلال لابنته : ولا يهمك يا حبيبتي انا عارف انه ده من الاكتئاب لان الامتحانات علي الابواب
اسيا بفرحة : انت الوحيد اللي فاهمني في البيت ده وسيلان اختي هي اللي كانت بتفهمني

ظهر الحزن علي مجد ونادين اكتفي مجد بالصمت ليقوم ويرحل بهدوء دون ان ينطق بحرف ورحلت خلفه نادين بعدما رمقت اسيا بعتاب

اسيل بغضب : كان لازم تنسحبي من لسانك وتفكريه اهو القعدة الحلوة اتقلبت بغم يا برميل النكد انتي

اسيا بتبرير : منا ماخدتش بالي بقا اعمل ايه يعني
اسيل: انا اللي غلطانه اني بقولك متاكليش لتقوم بعد ان وضعت الساندوتش بفمها : كلي كلي احسن
اسيا بغضب : الله وانا مالي يا ست اسيل