كان يدور في غرفة مكتبه بغضب وهو يضرب قبضة يده اليمني براحته اليسري . زفر بضيق كبير وهو يتمتم من بين شفاه
مجد : انا السبب في كل ده لما وافقتها علي اللي في دماغها كان لازم اجبرها انها تفوق بالذوق او بالعافية
لكن انا قولت ده لمصلحتها ليوجه حديثه لذلك الجالس امامه ينظر له بهدوء : انا قررت ارجعها غصب عنها
كان الجالس امامه ينظر له لايعرف ماذا سيقول فمجد له كل الحق في الغضب ليتحدث اخيرا نديم بهدوء : اهدي يامجد وفكر بعقل انا جيت لك لما لاقيت الوضع بيسوء و مفيش نتيجة ...العنف هيزيد الامور تعقيد احنا ضروري لازم نفكر في حل عقلاني
مجد بغضب : عقلاني بتقولي نفكر في حل عقلاني وبنتي رجعت للكوابيس مرة تانية انت ناسي هي مرت بإيه
نديم بتفهم لغضبه : انا كلمتك علشان توصل لحل معايا يا مجد مش نتخانق سيلان بنتي زي ماهي بنتك وعلاقة الصداقه بينا اقوي من كده انا اكتر شخص جرب الم الفقد فمتفهم وضعك وعارف انك محق في غضبك
مجد وهو يحاول الهدوء وشعوره بألم صديقه يؤلمه فنديم صديق العمر منذ زمن وهو معه في كل شئ كان معه من نقطة الصفر ليعيش بجانبه لتصبح عائلاتهم كيان واحد الي ان حدث ماحدث لتيم وانهيار سيلان وتعرضها لانهيار عصبي وخضوعها للعلاج النفسي لاكثر من سنتين لم يقدر مجد علي البقاء في نفس المكان والزكريات المؤلمه لينتقل بمكان بعيد ولكن سيلان ترفض لتبقي هي مع نديم ليتحدث بندم وهو يجلس بجانب نديم : انا اسف يا صاحبي والله تيم الله يرحمه كان ابني اللي ربنا مأردش اني انجبه كان غالي عندي زي بناتي كفايه وجع قلبي علي فقدانه خايف علي سيلان وحالتها تسوء ونفقدها هي كمان
نديم بقلب موجوع علي فراق ابنه : صدقني يا مجد انا معنديش اي شك في كلامك انا اللي كلمتك وبلغتك بقراري لازم سيلان تبعد عن اي جو يفكرها بتيم وعلشان ننجح من غير اي خساير لازم يكون بالتفاهم والصبر وتشوف حل
مجد بابتسامة : وحشتني قاعدة زمان في المكان بتاعنا ياصاحبي ايه رأيك نقوم ونروح نعد عند عم حسين ونشرب احسن كوبايتين شاي بدوي ونتكلم بهدوء
نديم باعين دامعه من الوجع لم يستطيع ان يتخطي موت ابنه ولكنه يجب ان يكون الاقوي لأجل زوجته ليلي وسيلان وصديقه مجد
بالجامعه
قسم ادارة اعمال
كانت تسير في الممر لتجد نغم تجلس والسعادة تزين وجهها لتبادلها الابتسامة
سيلان : ضحكتك منورة يبقي اكيد في حاجه
نغم وهي تومئ لها بنعم
سيلان بابتسامة : ومسموح لي اني اعرف السبب ولا ده شئ خاص بيكي
نغم وهي تنهض من مكانها قائلة : لو مش حكيت لك انتي هحكي لمين المهم انتي خصلي محاضرتك وهستناكي في كافيتريا الكلية
#بمكان علي البحر عبارة عن قهوة صغيرة وجلسات علي الارض تدل علي تراث صاحبها البدوي
دخل مجد وخلفه نديم الذي نظر للمكان بسعاده لقد افتقده سنين طويلة لم يأتي هنا منذ وفاة تيم فقد الشغف باي شئ
أنت تقرأ
(سيلان ) ارهقني حبك
Romanceعندما نتحدث عن عائلة الراجحي التي تعتبر من اغني العائلات في الشرق الاوسط يجب علينا ان نذكر ذلك المستهتر الذي يعيش الحياة بقوانين صنعها لنفسه لا يخاف احدا الشغف هو حياته وحبه لسباق السيارات يفوق اي تخيلات يعشق المجازفة والتحديات جريئ الي اقصي درجة...
