Unicode font
ချစ်၍ ချစ်သော [ Lovely Gentleman ]
အပိုင်း (၄)
"အိမ်မှူး"
ဝေဆာရဲ့ခေါ်သံကိုလဲ မကြားနိုင်တော့ပါ။ အောက်နားမှာပုံကျနေတဲ့ ဂါဝန်ရှည်ကို မ,ရင်း ကားဆီသို့သာ ပြေးလာခဲ့မိသည်။
ဝေဆာ အိမ်မှူးနဲ့အတူ ကားပေါ်ကို ပြေးတက်လိုက်ရသည်။ သူ့ကို တစ်ယောက်ထဲ သွားခိုင်းဖို့ စိတ်မချနိုင်ပါ။
သူတို့နှစ်ယောက်ကို အံ့သြတကြီးပြေးထွက်ကြည့်နေတဲ့ လင်းညိုကိုလဲ ဝေဆာ ဘာမှမရှင်းပြနိုင်တော့ပဲ အရှိန်ပြင်းစွာ ဝေါခနဲ မောင်းထွက်လာတဲ့ကားပေါ် ဘုရားတရင်း ပါလာခဲ့ရသည်။
အိမ်မှူး ကားမောင်းနေရင်း ကိုကိုဆီဖုန်းပြန်ခေါ်လိုက်သည်။ ဖုန်းကိုင်ပါ ရှင်ကြီး အိမ်ကို ဘာတွေညာထားတာလဲ ကိုဘုန်းသန့်ရယ်။ မျက်နှာချင်းဆိုင်တွေ့ပြီး မေးချင်တယ်။ မဟုတ်ပါဘူးဆိုတဲ့ စကားကိုလဲ ကြားချင်တယ်။ အိမ်ကလေးကို စိတ်ဆင်းရဲအောင် ဘယ်တော့မှမလုပ်ဘူးဆိုတဲ့ကတိစကားလေး တည်မှာမဟုတ်လားဟင်။
"ကိုကို အခုဘယ်မှာလဲ ဘယ်မှာလဲလို့မေးနေတယ်လေ"
အိမ်လေး ဘုန်းသန့် ရန်ကုန်ပြန်ရောက်နေတာ သိသွားပုံရသည်။ စိတ်ဆိုးကာ အော်ပြီးမေးနေပုံအရ ခက်ပန်းနွယ်အကြောင်းပါ သိသွားပြီထင်ပါရဲ့။ သူ့ ဘေးနားမှာ ထိုင်နေတဲ့ ခက်ခက်ကို တစ်ချက်စောင်းငဲ့ကြည့်ကာ သက်ပြင်းချလိုက်မိရင်း
"အိမ်ပြန်နေတာ"
ဘုန်းမိုး ကားမောင်းနေရာမှ ဘက်မှန်ကနေ ဘုန်းသန့်ကို တစ်ချက်လှှမ်းကြည့်လိုက်ရင်း ကြိတ်ကာသက်ပြင်းချလိုက်မိသည်။
အခုပဲ ဘုန်းသန့်တို့ကို လေဆိပ်ကနေကြိုခဲ့ပြီး အိမ်ပြန်တဲ့လမ်းမှာပါ။ လုံးဝ မထင်မှတ်ထားတဲ့ အဖြစ်အပျက်ကြောင့် အိမ်မှူးသွေးပျက်မတတ် ခံစားရမှာကို ကြိုမြင်မိပြီး ခက်ပန်းနွယ်ကို စိတ်ဆိုးချင်ပေမယ့် သူမပုံစံကလဲ ခပ်အေးအေးသာမို့။
ချွေးမဖြစ်သူကို မေမေတွေ့ရင် ဘယ်လိုနေမယ်မသိ။ မနေ့ညကတော့ သူရော မေမေပါ အိပ်လို့မပျော်သလို အိမ်မှူးမိဘတွေလဲ အိပ်ပျော်မည် မထင်ပါ။ မေမေက ဘုန်းသန့်အကြောင်းကြားပြီးတာနဲ့ အန်တီဝေဇင်ဆီ ဖုန်းဆက်ပြောပြီး အိမ်မှူးကို သနားလွန်းလို့ ငိုခဲ့ပြီးပါပြီ။
YOU ARE READING
8️⃣ ချစ်၍ချစ်သော [ Lovely gentleman ]
Romanceလူတိုင်း လူတိုင်းမှာ အချစ်ဦးဆိုတာ သေချာပေါက် ရှိခဲ့ဖူးကြမှာပါ။ အဲ့ဒီအချစ်ဦးနဲ့ ကွဲသွားကြတဲလူတွေရှိသလို ထာ၀ရလက်တွဲသွားနိုင်တဲ့လူတွေလဲ ရှိပါတယ်။ ဖူးစာဆိုတာက ကံတရားက သတ်မှတ်ပြီးသားလား၊ ကိုယ်ရွေးချယ်လို့ ရသလားဆိုတာ .... သည်ဇာတ်လမ်းလေးထဲမှာ နှင်းအိမ်မ...
![8️⃣ ချစ်၍ချစ်သော [ Lovely gentleman ]](https://img.wattpad.com/cover/286174048-64-k445940.jpg)