[Unicode]
I'm tripping and I could not get over
ညှိတွယ်မိလို့ ကျော်မသွားနိုင်အောင်ပဲ တဲ့လား…
I feelin' lucky, like a four leaf clover
လေးလွှာမှော်မချဉ်ရွက်ကို တွေ့သလို ခံစားချက်မျိုးနဲ့ပေါ့…
thinking what, it could be You & Me .
စဉ်းစားကြည့်ပါဦး… အဲ့တာ မင်းနဲ့ငါပဲ မဟုတ်လား ။
…………
မိုကေမာ Mocama ဆိုသောစကားလုံး၏ အဓိပ္ပာယ်က ဆားငန်ရေ… တနည်း သမုဒ္ဒရာ တဲ့ ။
ဘီလီသယ်လာသော ပါဆယ်ကို လာယူကာ ပိုက်ဆံရှင်းပြီးသွားသည်အထိ ထိုအသားနီစပ်စပ် လူတစ်စုသည် ဘီလီ နှင့် သူ့ ကို စောင်းငဲ့ကြည့်ရင်း မျက်ခုံးတပင့်ပင့် လုပ်နေကြသည် ။ အယ်လ်ဖာများ၏ အာရုံစိုက်ခံရသော ဘီလီခမျာလည်း စွတ်ကျယ်လက်ပြတ်ဖြင့် ချွေးနံ့သင်းနေသော သူ့ရင်အုပ်ကျယ်ကျယ်ထဲသို့သာ ပိုတိုးဝင်နေရုံသာ တတ်နိုင်သည် ။
" စီနီယာက ဒီမှာ အလုပ်လုပ်တာလား… "
ဘီလီ သူ့ကို မော့ကြည့်ရင်း ခပ်တိုးတိုးမေးလိုက်သည် ။
" မိုကေမာက ကိုယ့်အပိုင်လေ… ဟဲ ဟဲ……"
ပါးချိုင့်ခွက်က ထင်းကနဲ ပေါ်လာသည်အထိ တဟဲဟဲရယ်နေသော သူ့ကို ဘီလီမျက်တောင်လေးများခတ်ကာ ကြည့်နေမိသည် ။
" ဘယ်တုန်းက မင်းအပိုင်ဖြစ်သွားတာတုန်း … "
သူ့ခေါင်းက ဖောင်းကနဲအသံတချက်နှင့်အတူ ငိုက်ကျသွားသည် ။ နားရွက်ကားကားများပင် ပြုတ်ထွက်သွားပြီဟု ထင်ရတော့မတတ် ။
" အားး … နာတယ်ဗျ !! "
စူးကနဲအော်ကာ ခေါင်းအနောက်ဖက်ကို ပွတ်သပ်နေသော သူ့ပုံစံမှာ ခပ်ဆိုးဆိုးကလေးတယောက်နှင့်ပင်တူသေးသည် ။
အနောက်မှထွက်လာသည့် သန်မာထွားကြိုင်းသော အယ်လ်ဖာကြီးက လက်ဖဝါးတပြင်ပြင်ဖြင့် သူ့ခေါင်းကို ထပ်ရွယ်နေသည် ။ထိုအယ်လ်ဖာကြီးက သူ့ ရင်ခွင်ထဲမှ ဘီလီ့ကို မြင်သွားတော့ မျက်ခုံးပင့်ကာ မေးသည် ။
" လိုရီ … ဒါက မင်းပြောဖူးတဲ့ လူဝါလေးလား…… "
အရှေ့တိုင်းသား လူဝါလေး ဟု သုံးနှုန်းခံလိုက်ရတော့ ဘီလီ နှုတ်ခမ်းလေးဝိုင်းကာ အယ်ကနဲ အာမေဋိတ်ပြုမိသည် ။ သူက တဟဲဟဲရယ်သည် ။
KAMU SEDANG MEMBACA
You & Me : Alpha & Omega (COMPLETED)
Fiksi PenggemarI'm tripping and I could not get over ညွိတြယ္မိလို႕ ေက်ာ္မသြားနိုင္ေအာင္ပဲ တဲ့လား... I feelin' lucky, like a four leaf clover ေလးလႊာေမွာ္မခ်ဥ္ရြက္ကို ေတြ႕သလို ခံစားခ်က္မ်ိဳးနဲ႕ေပါ့... thinking what, it could be You & Me . စဥ္းစားၾကည့္ပါဦး... အဲ့တ...
