Saving Amy ( A Justin Bieber Love story بالعربي )

chapter 1

أيييمييييييي انتي يا زفته قومي اصحي

هههههههه لا عادي ده صوت مراه بابا لوتشيا بابا بيقولها لوتي

صاحيه علي صوتها بتزعق و خبط و رزع اصلنا ماشين من القريه اللي كنا قاعدين فيها و رايحين كاليفورنيا

اينعم اه هانعيش في ريف بردو بس حاجه تانيه خالص هوا حلو و بيت اوسع زي ما بابا قالي ... يارب يبقي وش السعد علينا

* الباب اترزع *

انتي يا زفته الطين انتي اتنيلتي صحيتي

هزيت دماغي : اه

يلا امسكي شنطتك دي لمي فيها كراكيبك ورانا سفر بليل و انتي لسه قاعده قاعدتك دي

مشيت لوتشيا من أوضتي و هي بتزعق و صوتها اللي بيسرسع ده خرم وداني و عماله ترزع و تضرب في عيالها اللي بيعيطو

ااااااه ريحني يارب

خرجت من أوضتي اللي هي مش أوضتي لوحدي , هي أوضتي و اوضت العفش المكسر بتاعنا , رحت التواليت المشترك بتاع البيت كلو غسلت وشي و سرحت شعري و لقيت بابا قاعد علي الترابيزه اللي هي تعتبر سفره بس علي قدها شويه و بيبص في الجرنال

جريتلو بستو من خدو اللي بقت الدقن مغطياه كلو و ابتسم

- صباح الخير يا بابا

= صباح النور يا أيمي , مستعده نمشي من هنا

- اي اي كابتن , هههههه

بابا ماضحكش ورايا و بصلي بصه سخريه و التفت للجرنال تاني

حاساه بيفكر في الشغل اللي اتقدملو و علي اساسه هانبيع بيتنا ده و نسكن في بيت بالايجار في كاليفورنيا

في لوتشيا و عيشتها اللي مش علي قدنا

جت لوتشيا هي و اولادها اللي يعتبرو اخواتي جريج و بايا و ادم و قعدتهم علي الترابيزه

بابا رفع دماغو ليها و باسها

انا اضتريت اعمل نفسي مش شايفه حاجه , قمه الجرح اني اشوف بابا بيبوس واحده تانيه غير ماما

و الواحده دي اوحش من ماما .. فينك يا ماما كنا عايشين في جنه معاها

بالمناسبه انا بس اللي بابا خلفها من ماما , و ماما ماتت منتحره

اه ماما شنقت نفسها بعدما بابا واجها انها خاينه و انو هايقتل اللي خانتو معاه لو عرف هو مين ف نزلت تحت أوضه التخزين و شنقت نفسها

كان عندي 11 سنه .. كنت فاهمه كل حاجه

ماعرفناش ان ماما ماتت الا بعد 3 ايام من حادثتها

كنت نازله اشوف حطب للدفايه لقيت جثه ماما متعلقه و مبيضه و مبتسمه .. حتي ابتسامتها مافرقتهاش و هي بتنتحر

اترعشت من الخوف و حاولت اطلع صرخه من قلبي ماعرفتش من الكتمه

و فجأه صرخت لحد اما صوتي راح , و لحسن الحظ طنط ميليا كانت معديه من جنب البيت نزلتلي و شهدت علي الواقعه

..

عدي شهرين و انا عندي 12 سنه بطبخ و بغسل هدوم بابا و انضف البيت , طلعني من المدرسه عشان يقدر يصرف عليا لان الشركه اللي كان شغال تبعها وقعت و خسرت اضترو يفضوها , بالمناسبه بابا مزارع مش عندو ارض لا بيشتغل باليوم في شركات و مزارعهم الخاصه بيحصد الزرع و كده شهرين و اتجوز لوتشيا
شكلها مقبول، طويله، بشرتها بيضا اوي و شعرها يميل للأحمر
بس شخصيتها زباله مافيش سنه و لقينا بيبي بيشاركني وحدتي و بيتي ، كده بقيت مع اسره غصب عني
..

اكلنا و خلصنا

اخدت الاطباق و دخلت غسلتها و طلعت علي أوضتي الم ( كراكيبي ) زي ما لوتشيا قالت

بصيت علي الاوضه و كأنها اخر مره هاشوفها فيها

حاولت اتمتع و ابصلها و املي عيني بيها عشان خلاص اللي هايشتريه هايهدو

حسيت بوغزه في قلبي كده فهزيت دماغي محاوله اطرد افكاري من دماغي و دخلت علي الدولاب

** الليل جه بسرعه **

و جت العربيه اللي هاتودينا محطه القطر عشان ممعناش نسافر بالطياره

لبست و جهزت كل حاجه و وققفت قدام المرايه و اخدت نفس عميق

اخر نفس اخدتو في البيت هنا و رفعت شنطتي من الارض و نزلت

البيت مترتب و كلو شنط و بابا و السواق بيحملو الشنط

بابا بسرعه سحب الشنطه من ايدي و وقفت استني لوتشيا و الاولاد عشان نقفل

لوتشيا قربت مني قوي و مسكت السلسله اللي لبساها

لوتشيا : اممم لا حلوه اوي السلسله دي , جيباها منين

انا : امم اييه جـ.. جبتها من سوق كانو بيعرضو فيه الحاجات القديمه و كده ف جبتها

* كدابه طبعا * دي اساسا سلسله ماما

السلسه دي الماظ اول مره البسها و انزل بيها عادي , محدش يعرف بموضوع السلسله ده غيري بس

لوتشيا كملت : اه بس حلوه اوي , و باينلها غاليه

انا بسرعه رديت : لا لاااا دي ب 50 دولار بس تستاهل

لوتشيا ابتسمت ابتسامه صفره : اه تستاهل اوي , يلا يلا عشان نمشي

حسيت ب سخونه غير عاديه لمجرد انها قربت من السلسله , ااااه لو اقتلهااا و اراتح

خرجو قدامي و انا بصيت علي البيت اخر مره و غمضت عيني عشان احفظ صورتو في قلبي .. و قفلت الباب

.. صوت قفله الباب ده اثر فيا اوي .. انا سايبه البيت اللي فيه روح امي المنتحره , سايبه ضحك و فرحه و صدي صوت امي فيه

مع السلامه ...