Saving Amy ( A Justin Bieber Love story بالعربي )

.. 26 ..

.

.

الرحله الصامته اللي اخدتها في العربيه كانت الأصعب

عدينا اماكن كتير و واضح ان مارك حافظ السكه كويس جدا , مانكرش حاولت احفظها لاكن كان صعب الطريق كلو شجر و مطبات و طلوع و نزول انا لسه مقتنعه اننا في كاليفورنيا معرفش ليه

وصلنا مكان حواليه شجر و هو المكان يشبه القصر لونه ابيض , رسيت العربيه قدام البوابه و مارك قفل العربيه

- هممم وصلنا يلا

بصيتله و عملت شعري ورا ودني و فتحت الباب و نزلت

ياتري الساعه كام ياتري انا فين ..

مشيت جنبيه لحد الباب جوه , الباب ده يصادفه سلم السلم ده لو طلعناه نوصل للدور التاني من البيت لاكن لو مشينا من جنبه نوصل للباكيارد و الدور الارضي

ماشيه بتفحص مكاني الجديد زي القطط .. تشبيهي بالقطط يشبهني جدا انا فعلا بتلفت زي القطط و اكاد اكون بشم المكان . بحب اربط كل حاجه بحاسه الشم

حاليا في الدور الارضي بالتحديد الليفنج رووم قاعده علي كنبه بخطط ازاي هاهرب من مده السجن اللي معرفش هقعد فيه قد ايه , انا لازم اخدعهم مش لازم ابان اني ضعيفه قدامهم و هاتغلب عليهم و هاهزمهم و هاخرج من هنا و انا مصممه

.

.

جاستن بعد خروج الشرطي علي طول

- انننت ازاي ما تقليش حاجه زي دي

الفريد لفله و هو نبره صوته حزينه - يعني عايزني اعمل ايه , انا ماكنتش مرتب ان ده يحصل كان يومين و هاتبقي معايا ..

- ألفريد ...

بص الفريد ل جاستن عينيه قابلت عينه .. الفريد عينيه حزن حزن الاب علي بنته يمكن مش ده اللي كان نفس اللي ف عين كريس الفريد مكسور في نفسه بيقول انا ضيعت مني ميليسيا و دلوقتي ضيعت بنتنا ..

- الفريد هي ايمي بنتك ازاي .

جاستن قاله بصوت واطي

- هاتصدقني لو قلتلك معرفش , ... بص انا هاقلك

اتنهد تنهيده طويله و قال

انا عمري ما كنت افتكر اني هاخلف من ميليسيا اصلا .. كنت بتعمد امحي اثر كريس منها بعد ما بتشوفه او اا....

جاستن انقذه بسرعه - فاهم فاهم

- ماكنتش اتوقع انها تبقي بنتي فاهم ..

- طيب التحليل ده عملتو ازاي

- يوم ما رجعنا من مونتانا نامت هي و انا جنبها جبت شانا و سحبت منها عينه دم .. معرفش ايه اللي دفعني اعمل كده بس لقيت جوايا بيقولي اعمل كده