Saving Amy ( A Justin Bieber Love story بالعربي )

Chapter 24

و يمر يومين علي كابوس بابا و هوبيصارحني بالحقيقه .. حقيقه جوازي اللي انا ماليش يد فيها

يومين عدو و انا نايمه في السرير بس كل اللي بعمله أني بعيط بس بقيت ساكته حتي عياطي ساكت يعني مش بطلع صوت ..

يعدو اليومين و بدل ما كانو 5 cuts بقو 30 او 36 i can't remember اتأكدت فعلا اني بكرهني بكره نفسي بحاول ابوظ شكلي لانه بيتباع بالفلوس و بالنفوذ بس ..

صحيت مفزوعه علي صوت خبط علي الباب

- أيمي احنا نازلين

لوتشيا هي اللي علي الباب , بمجرد سمعت صوتها استحضرت صورتها و هي بتصرخ و بتقول ل بابا هاتموتها في ايديك .. ف دمعت

- أيمي طيب ردي عليا انتي كويسه ولا لا

اه كويسه يا لوتشيا كويسه .. بكلم نفسي

- طيب بصي انا سبتلك اكل تحت يمكن تفتحي و تاكلي حاجه , ياريت تاكلي ..

سمعت صوت خطواتها و هي ماشيه .. من امتي و هي حنينه كده و بتقولي كلي و خايفه اكون مش كويسه ! عشان انا كشفت سرها يمكن , وغز مؤلم في راسي مكان ما هو شده

تسارعت ضربات قلبي فجأه بعد هزه التيليفون

نوتيفكيشنز من كل اللي اعرفهم بس اللي شدني رساله جاستن ليا

" هاشوفك انهارده "

انا مش عايزاك تشوفني .. انا عايزه اشوفك بس مش و انا كده انا بقيت حمل تقيل عليه و انا عارفه هو يستاهل بنت تحبه و تلاعبه و يخرجو انا لا .. حبيت ارد عليه بس تراجعت و قفلت الموبايل و حطيته جنبي

و قمت اشرب سيجاره

فضلت اخر سيجاره في العلبه , ولو اني عارفه انها اخر واحده لكني هزيت العلبه يمكن تنزلي واحده و تنتشلني من الضياع ولكن احلامي انهارت

طبقت العلبه ب قبضت ايدي و رميتها

قدام شباك أوضتي بدخن السيجاره اللي ملاني دخانها راحه نفسيه مسممه

بتمشي في الاوضه و بحاول اتجاهل ظلي اللي بيجي و يروح مع مشيتي في المرايه . مش عايزه ابص علي شكلي .. ولكن فضولي دفعني اني ابص علي نفسي

بصيت علي واحده تحت عنيها اسود بشرتها شاحبه مصفره .. بصيت علي سويت شيرت طويل مغطي دراعاتي اللي بقت شبه مشرحه .. بصيت علي أيمي اللي مش ايمي ..

حبيت اوي اقلع الشيرت فقلعته .. بصيت علي my cuts دراعاتي لحد فوق متعوره

العضم اللي عند صدري بارز و كذلك اللي عند my hips ..

شعري .. شعري البني المحمر اللي كنت بحبه في يوم من الايام بقي سبب انه يقدر يمسكني منه و يخبطني في الباب 3 خبطات يعملو ارتجاج في المخ