Saving Amy ( A Justin Bieber Love story بالعربي )

Chapter 46

.

.

.

الموت عامل احتفال في رأسي
قلتله ..
انت حزنُ وخوفُ ليه عامل فرح و ابتهاج

فأجابني: ... انتي

كل البشر ب يصابو بلذعر بس من ذكر اسمي حتى اليائس اللي بيردد عايز اموت بيرتجف و يلتفظ انفاسه بصعوبه بس اول ما اقرب منه ..

اما انتي.. انتي سلمتي روحك و يااما كانت بيننا خطوة واحده ووصل قربنا حتي الشعّره و ماتردتيش في قربي و لقائي ، عشان كده عامل احتفال
انتي عشيقتي
انتي هيكل من الاوجاع صنعتها الدنيا بعد ما انتزعت منك كل احساس بلـ خوف او انوثة في المشاعر او رحمة

انتي حبيبتي الازليه اللي دايما كنت بدور عليها  ،انت ميته على قيد الحياة...
جسدك مع الاحياء... .روحك معي .....

مااجملك  عشيقه وانتي ابنة 18 سنه.. : )

... 

ده اللي كتبته في النوت انهارده لما جيت انام ...

الايام بتعدي و انا زي ما انا مكاني المفضل السرير 

مهدئي المفضل بقي تبغ ممزوج بالدموع 

ادماني الاغاني الحزينه مع الكتب

بقيت كئيبه .. بقيت لوحدي .. بقيت ساكته و منعزله 

بسميه دلوقتي حاله الاكتئاب العاطفي .. أيوه , اضطر اضحك مع الناس كلها ده لو قابلتهم و اسمعهم  و اكلمهم و جوايا نار مش بتهدي .. جوايا صور لكل مكان كنا فيه او عدينا عليه .. 

احتراق داخلي  يسبب اختناق حتي النوم 

عدي  50 يوم و 9 ساعات و حوالي 34 دقيقه علي اخر مره سمعته بيتكلم , كل اللي بيربطني بيه و يطمني عليه دلوقتي اخبار الفانز ..

He's living life ... 

ربنا يسعده .. من نجاح ل نجاح .. بصليله و بدعيله يبقي كويس دايما .. في وسط دموعي و انا شايفاه بعيد عني ببتسم لانه مبتسم .. 

انتي كدابه . مبتسم !! اه مبتسم بس بـ هَـم : ) 

نفضت افكاري و نزلت للباكيارد استلقي علي الارض ابص لليل .. لملاك النجوم اللي رسمته في يوم من الايام 

و انا نايمه غمضت عيني ل ثواني و حدثتني نفسي بصوت عالي " ازاي بدأ كل ده ازاي ماحاولتيش تكلميه الموضوع خلص " 

خلص بس بقيت مشهوره ب فضيحه .. بعد تدخل بابا بس الموضوع خلص , السؤال هنا .. ازاي بدأ كل ده 

فتحت عيني و بصيت للسما و فكرت في اللي ممكن اقوله ل نفسي تبريرا للي حصل .. لـ أي حاجه تبرر الموقف المأساوي ده .. انا مش قادره افسر اي حاجه من اللي بتحصل .. في احساس جوه كده اني دايما بعيده عن كل حاجه .. مابقاش يهمني اللي هايحصل ولا ايه اللي جرا كل اللي شايفاه اللي حصل بيني و بينه .. الحب قاتل فعلا .. سم بطئ المفعول يا ينتهي ب إنتصارك و تغلبك عليه او انتشاره في جسمك و يموتك بالبطئ بالبعد ..