Saving Amy ( A Justin Bieber Love story بالعربي )

Chapter 35

-
-
عدي 3 ايام و انا في المستشفي معاه .. مش عايزه اقول انهم ايام حلوه نظرا للمكان اللي احنا فيه " المستشفي " لاكن فعلا كانو حلوين
اتعرفت علي اهله كلهم مامته و جده و جدته باباه و عمه و اخواته , عيله جميله بجد كفايه بس انه هو منها .. مجرد بس ان جاستن سامحلي اقعد معاهم مخليني حاسه انهم عيلتي و انهم مني ..
شفت الفانز بتوعه قد ايه بيحبوه و فضلو مستنين بره المستشفي كل يوم ل بليل مستنينه يخرج , و قابلتهم و كلمتهم .. ماكنتش افتكر انهم بيحبوني
قعدو يحكولي هو عمل ايه ساعه ما ضعت و ماكنش بيرضي يتصور معاهم
قعدو يوصوني عليه .. بجد حسيت اني اختهم الكبيره او الصغيره .. معرفش بس حسيت فعلا اني منهم و ان معايا أمانه بيوصيني عليها ناس كتير جدا
كل يوم بنقعد في نفس السرير ناخد المحاليل و كل ما ابص علي عروق دراعي احس اني بقيت حته منه
انا مدينه ليه ب حياتي
اللي انقذ حياتي ..
انهارده اخر يوم لينا هنا هانخرج عشان نعيش حياتنا بقي و ننسي اي حاجه حصلت
بدايه التغيير من انهارده
و اللي رسمته في خيالي لازم هاحققه
انا ماشيه في الطرئه بتاعت أوضه جاستن , الحارس واقف بره ابتسملي و فتحلي الباب , دخلتله لقيته قاعد ماسك الموبايل و بيكتب لحد تقريبا , لاحظ اني دخلت ف تغيرت ملامحه من الجاده للمبتسمه السعيده .. جاستن اتغير 180 درجه عن يوم ما شفته هنا صحته رجعتله تاني و بدأ يبقي كويس
قعدت جنبه و سندت دراعي علي كتفه - بتعمل ايه
- Nothing .. just texting scooter , بص ل دراعي الشمال و قالي , انتي غيرتي عليها
- مش انا دي الممرضه , بتكلم سكوتر ليه !!
بصلي و ركز في عنيا .. بعشق النظره دي
عض علي شفايفه و عينه بتتراوح بين عيني و شفايفي
i know you want it justin همست بيني و بينه بصوت واطي اوي
- i .. i just want to be in your arms .. sleep next to you .. take the same breath that you take .. عايزك تبقي معايا
- و انا مش هارفض ..
- ألفريد ...
قاطعته و قلتله - هايوافق جاستن .. هايوفق الفريد بيحبني و هايوافق
- مش بس عايزك تبقي في بيتي .. تبقي معايا بره نخرج قصاد الكاميرات .. عايز اكسر كل الاشاعات بيكي انتي .
ابتسمت أوي مش عارفه اقوله ايه .. بس قربت منه و بوسته :$ دي طريقتي في الاجابه
انهيت المحادثه اللي بالهمس دي ب بوستي ليه . عايزه اطمنه
انا جوايا حزن مدفون في صندوق صغير في قلبي الحزن ده مش هايروح الا لما ابتدي حياتي الجديده .. عايزه امسك ايده دلوقتي و نجري بره المستشفي ... نجري بره لوحدنا منغير ما حد يشوفنا ولا يسمع عنا نبقي لوحدنا .. الوحده حلوه معاه ')
قاطع لحظتنا الهاديه صوت خطوات , اتخضينا و بعدنا عن بعض بسرعه
- لا انا جيت في وقت غلط ..
بصيت بسرع علي الباب لقيتها ناتالي , رجعت بصيت ل جاستن لقيته بيجز علي سنانه و بيضحك قمت ضاحكه انا كمان
- في ايه , قلتلها و انا فطسانه ضحك علي خضتنا
ابتسمت و قالتلي - الفريد مستنيكو تحت عشان نمشي , ولا تحبو تكملو اللي بتعملوه
جاستن رد عليها - خلاص احنا جايين حاضر
التفتت ناتالي للباب و رجعت تاني - انتو لسه قاعدين !!
- ناتالي اتلمي و اخرجي
لفت تاني للباب رحت انا ملتفته ل جاستن و كنت لسه هاكلمه لقيتها بتتكلم تاني - و بعدين كفايه بوس انتو مروحين اساسا
لقيت جاستن قام من علي الكنبه و معاه مخده و بيجري ناحيتها و هي جريت فتحت الباب و خرجت
انا ضحكت اكتر علي توم و جيري اللي انا مصحباهم دول , فضلت اضحك اضحك علي شكلهم اللي يفطس ضحك
- انتي بتضحكي يلا قومي
قمت وا نا لسه بضحك و بكح من كتر الضحك و جاستن اخد شنطته و نزلنا تحت
لقيت الفريد و معاه شانا لابسين شبه بعض و واقفين معاهم حاجتي اللي اشتروهالي مؤخرا عشان المستشفي
جريت ل شانا احضنها و سلمت عليها
- خلاص هانروح
رديت علي الفريد و قلتله - yayayyaa
ضحك بعدها سلم علي جاستن
بصيتلهم و هما اطول مني كده *-* حبيبي و بابايا بيسلمو علي بعض . انا مش عايزه اكتر من كده والله :')
- ألفريد انا كنت عايز منك حاجه
جاستن قالها ل الفريد خلاني انا انتبه
- في حاجه ولا ايه !!
- لالا عادي بس .... هي أيمي هاتروح معاك ولا معايا
- معايا
تدخلت بسرعه و قلت - انا عايزه اروح مع جـ..
قاطعني الفريد و قال - هاتيجي معايا انهارده و بكره اوديكي تقضي معاه اليوم , اه و بالمناسبه كمان انت هاتيجي معانا البيت في موصوع لازم نتكلم فيه
يووه مواضيع ايه تاني بقي
- انا معنديش مشكله , خلاص يا ايمي
بصيت ل جاستن و انا مكشره و عامله نفسي يعني زعلانه , راح ب صوابعه عدلي حواجي و قرص خدي عشان اضحك ف ضحكت و نعم علي شعري .
اتحركنا كلنا باب المستشفي الرئيسي
انا شايفه من ورا الازاز مصورين
بصيت ل جاستن و هو مش واخد باله لقيته اتضايق من شكلهم و هما مستنينه بره , رحت بسرعه ماسكه في أيده ف بصلي و الباب اتفتح
* Click *
* Click *
* Click *
* Click *
صوت و ضوء الفلاش اللي ورا بعض ورا بعض ماعرفتش الا اني اغمض عيني و الحرس وصلونا للعربيه و معانا الفريد
صوت الفانز بيصرخو و بينادو عليه خلاني اشد علي ايده اكتر لحد اما ركبنا العربيه
بصراحه عندهم حق
انا ماشيه مع واحد من أكبر رجال الاعمال في LA و اكبر بوب ستار في العالم ازاي مايبقاش في بابراتزي و ناس بتندهلهم
العربيه اتحركت
..
ساعه بظبط و وصلنا ل بيت الفريد
قلبي بيرقص من الفرحه هاعيش بقي مع الفريد و جاستن و اخرج مع ناتالي و تبقي حياتي مستقره .. اخيرا
نزلنا كلنا و دخلنا البيت , حاسه انه بيتي عادي دخلت و انا ببص حواليا لقيت أيد شانا علي كتفي - نورتي البيت تاني يا أيمي
بصيتلها لملامحها الصغيره و قلتلها - Thank you shana
مشيت جنبي للـ ليفينج رووم و قعدنا , و قالتلي - لسه مكانك زي ما هو فوق و ظبطلك دولابك علي ذوقي
- مش عارفه اقلك ايه شانا بجد Thank you
- you're welcome amy انا مستعده تعيشي معانا هنا ب فارغ الصبر
- انا مش هاتحرك من هنا خلاص بقي .. استقرار
- و أمان كمان .
- طبعا
جاستن و الفريد داخلين علينا , التفتلهم و انا ببتسم ف لقيت الفريد قربلي و باسني من دماغي , مافيش اب كده في الدنيا غيره :$ ابتسمت و انا مكسوفه و قالي Welcome Home
ضحكتله و هو مشي قعد جنب شانا و انا جاستن قعد جنبي تقريبا مافيش مسافه بيني و بيني تذكر
بصلي و رفع حواجبه و هو مبسوط ف ضحكت , مش قادره ابص مباشره في عينيه احساس غريب لو بصيت في عينيه دايركت كده
- Welcome back amy
قالها بصوت واطي ف رديت عليه ب نفس طبقه صوته - قولي welcome home لما اجيلك البيت ;)
- مش بعيد , هو بكره بس
اتكلم الفريد قاطعنا و قال - انا مش مصدق انك رجعتي تاني حقيقي مش مصدق و متوتر مش عارف احنا هانعمل ايه الفتره اللي جايه و ايه اللي هايحصل
جاستن رد عليه - و هو في حاجه ممكن تحصل مش خلاص كده
الفريد ماردش و اخد القهوه اللي الشغاله اديتهاله و شرب منها ف كررت انا بصوت خفيف و متوتر - هو في حاجه ممكن تحصلي تاني
بصلي الفريد و هو مرتبك شويه و قال
- الدكتور قبل ما اعمل تشيك اوت طلبني في مكتبه يكلمني ..
- قال ايه .
- غير الادويه اللي هاتخديها و العلاج اللي هاتنتظمي عليه عشان الجروح و كده .. قالي انك لازم تروحي ل دكتور .. نفسي
انا ذهلت - نفسي !! دكتور نفسي ليه ..
بصلي مباشره و قالي - أيمي ماتنكريش ان ده أثر علي نفسيتك .. أتر علي نفسيتك أكتر من جسمك انا خايف ... خايف من اني مره اصحي الاقيكي مش موجوده تاني .. انا مش عارف مش عارف , انا عارف .. عارف يعني ايه حد يتعدي علي واحده عارف ده تأثيره أيه مش عايزك في يوم تكتأبي و تبقي حبسيه افكارك تعيشي تعيسه بسبب حادث زي ده .. ان كل ما هاتشوفي ايدك هاتفتكري اليوم ده حتي لو مع مين , مش عارف اوافق ولا ارفض ولا اعمل ايه
ألفريد لمس الصندوق اللي كنت دفناه في قلبي و تقريبا حرك جوايا مشاعري ناحيه اللي حصل ...
كلامه صح ..
كل ما هاشوف اللي في ايدي هافتكر اني كنت فين و أيه اللي حصلي ..
- أنا عايزه اعيش كويسه ..
قلتها و انا مش مدركه و ببص في الارض
جاستن رد علي الفريد - بلاش دكتور , انا موجود .. انا مش هاسيبها مش هاتوصل ل درجه انها تكتأب
الفريد رد عليه - بس انت مش هاتقري افكارها .. هاتيجي لحظه و ده هايرجع تاني
جاستن - بدكتور او منغيره هي هاتفكر هي بني أدمه و ده هايحصل طبيعي مش شايف ليه لزمه دكتور نفسي هي مش ضحيه هي وسطينا دلوقتي و ده يكفي احنا كنا بنتمني نسمع خبر عنها بس و اهي اديها جت و كويسه .. أو مش كويسه أوي بس خليها خطوه أولي ترجع تعيش حياتها الطبيعيه
رفعت راسي و قلتلهم - و انتو فكركو انا هاعيش طبيعيه .. انا برده خايفه خايفه من أني ابقي لوحدي ... اقلكو و ماتضحكوش عليا .. انا خايفه من الضلمه بقيت بخاف ... مش عايزه دكتور بس عايزه انسي اللي حصل .. و ده مستحيل ..... انا اللي كنت في الموقف مش انتو ..
جاستن لف و مسك أيدي و قال - أيمي احنا مش هانسيبك .. انا بعتذرلك انتي لوحدك بالاخص ان ده حصل .. اثر علينا كلنا مش انتي لوحدك .. احنا بنحبك .. و انا بحبك مش هانسيبك تبقي لوحدك ..
انا دمعت .. فضلو لحظات ساكتين و انا لسه بدمع
قال الفريد - بلاش دكتور
جاستن - ايوه فعلا بلاش .. مش انتي هاتحكيلي لو حصل حاجه
هزيت راسي ( اه )
و كمل - حتي لو خفتي مني او ترددتي انتي عندك احسن أب في الدنيا هاتقوليله علي أي حاجه .. عندك صاحبتك , عندك كلنا .. وعد يا ايمي
- Okay justin ..
قلتها و انا بمسح دموعي
انا فعلا خفت .. كنت نسيت بس خفت
أيه ده أيه ده ... انا هاضعف ولا ايه
لا انا اقسمت اني هاتغير .. من انهارده خطتي هاتمشي زي ما أنا عايزه بظبط
الفريد قال مقاطعا افكاري - يبقي بلاش دكتور و وعد يا أيمي تمام
- Okay
- تمام كده , في حاجه تانيه بقي , دلوقتي الشرطه ماعرفتش تجيب فيكتور ولا الناس اللي شغاله معاه ف هاياخدو وقت , في الوقت ده انتي لازم تروحي تقولي اللي حصلك للشرطه منغير كسوف ولا خوف ده لو عايزه تاخدي حقك و انا اللي هاخده كمان , و كريس و لوتشيا عايزين شهادتك بحضورك أول جلسات المحكمه عشان علي أساسه هايتحكم عليهم
انا قلت بسرعه - هما اتحولو خلاص
- و انتي ايه اللي قالقك . اه اتحولو و بعد بكره شهادتك في المحكمه علي اول قضيه أدوكي ل حد منغير أرادتك و هما مالهمش سلطه عليكي
- انا مش قلقانه بس مش عايزه اتمرمط و اتبهدل
- مافيهاش بهدله خالص انتي هاتبقي معززه مكرمه قاعده جنبي و جنبيكي المحامي القاضي هايطلب شهادتك و بس خلاص ماتخافيش
جاستن شد علي ايدي اكتر و همسلي - ماتخافيش ..
- بعد كده بقي هايبقي باقي القضايا و فيكتور هانلاقيه قريب بس كده
جاستن - مافيش حاجه تاني
- لا مافيش كده خلاص
جاستن بصلي و قال - انا هامشي
قلتله - ليه خليك معايا شويه
- عندي حاجه مهمه هاعملها و بكره هاقابلك
الفريد - بكره اول ما تصحي هاخليها تيجيلك بالسواق
- أوك
قام جاستن و انا قمت وراه عشان أفتحله الباب يمشي
اتعودت عليه اصحي و انام و انا عارفه انه جنبي بيني و بينه دور واحد .. دلوقتي اهو ماشي
وصلنا للباب و قالي - بكره
- بكره ;)
- هاستناكي
هزيت راسي و انا مبتسماله
قرب مني و باس راسي - love you
- love you more ^^
قالي Bye و مشي
مشي و سايب ابتسامتي مغطيه وشي
" ماتخافيش "
" وعد يا أيمي "
" انا موجود بلاش دكتور "
" احنا بنحبك و انا بحبك مش هانسيبك تبقي لوحدك"
كلمات قالها صدي صوتها بسمعه في دماغي ..
اخدت نفسي و قفلت الباب بعد ما شفته ركب العربيه
* موسيقي حماسيه *
" يلا بقي نبتدي من جديد "
.
.

الشابتر مش فيه حاجه هو مجرد تكمله للي بعد كده
بتأخر غصب عني والله هانزل شابتر كمان قريب خلال ايام