.
.
واقفه قدام الأوضه اللي فيها جاستن
ببص عليه من ورا الأزاز
ليه .. ليه كل حاجه بنحبها بتضيع مننا , ليه انا واقفه و مش قادره ادخله .. شكله مخليني منهاره بهدوء متوتره بس ببرود و بعيط و انا ساكته .. يعني بعد ما انقذتني هاتضيع انت ... لا .. ارجوك لا
ليه بس أمه اللي تقدر تدخله و انا لا ..
ببص عليه و بتأمل فيه و هو نايم بعيد عني .. ببص علي جسمه الشبه عريان متغطي ب اغطيه المستشفي الكريهه
ببص علي جهاز رسم القلب اللي مش بيتغير عن 93 .. علي الدم اللي متعلقله زيي ...
لا مش زيي .. اللي بيجري في عروقي دلوقتي دمه .. اما اللي متعلقله دلوقتي دم حد تاني .. دم متبرع قرر انه يضحي ب جزء من دمه للمرضي
بصيت علي الكرسي النقال اللي انا قاعده عليه و العمود الطويل اللي طالع من جنبه متعلق فيه دم و محلول تاني حسيت بالندم ندم اني وصلت ل كده و وصلته ل كده
لو اقدر ارجعله دمه ده تاني و ماعيش هاعمل كده .. بس هو اللي اختار اني اعيش و ان هو اللي يكمل تعب و عناء ...
عايزه انقذه حتي ب بصتي ليه .. اه زي الأفلام احط ايدي علي أيده كده و ابوسها بس ب مشاعري مش لمجرد اني عايزه اعمل كده .. مش ممكن لو عرف اني عايشه هو كمان يعيش
باتي قاعده جنبه و بتنعم علي شعره .. مسكينه أبنها بردو تعبان .. بس بردو هو حبيبي من حقي ادخله
ملعونه المستشفي الغبيه و قوانينها الغبيه اللي تخلي العنايه المركزه للأقراب بس ..
تاني يوم ليا في المستشفي دي و عايزه اخرج منها بقي عايزه اروح البيت ..
بيت ! بيت مين .. اه اه الفريد صح
افكاري فجأه انحرفت ل بابا , اقصد كريس يعني و لوتشيا ياتري هما هايتسجنو فعلا .. بس ده جزائهم هما اللي عملو فيا كده هما اللي وصلوني ل ده و انحرفت فجأه ل فيكتور .. جسمي كله اتعرش بقوه . رعشه رعشه تشبه الشلل ايدي مش قادره اتحكم فيها و دماغي فجأه كأنها اتكهربت انا من امبارح و انا عايزه اشم .. لالالالا انا هاستحمل اشم ايه ايه التخلف ده .. بس بس انا عايزه اهدي حتي لو اخد مهدئ بسيط ينيمني وماحسش ب الصداع ده و خايفه اقول للدكتور
بسرعه مسكت عجلات الكرسي عشان احركه و امشي بسرعه لقيت ناتالي بتناديلي بصوت عالي
أنت تقرأ
Saving Amy ( A Justin Bieber Love story بالعربي )
Fanfictionدي حكايتي .. بحكيها بعد ما حياتي اتغيرت تماما من جحيم لـ جنه ماكنتش احلم بيها مع اللي بحبو .. *خط طويل * Saving Amy
