..
سبقت ألفريد و ناتالي لقبر ماما عشان اكلمها
من ساعه ما نزلنا من الطياره و انا قلبي مقبوض معرفش ليه .. لحد اما جينا هنا
ببص علي اللوح اللي علي كل قبر لحد اما لقيت اسم ماما
وقفت قدام القبر و حطيت ايدي عليه و عيطت ... حسيت فعلا ان في مسافه بيني و بينها , المسافه دي مش هي تحت الارض و انا فوقها , المسافه هي فوق و انا لسه بصارع تحت
دموعي بتنزل و انا بفتكر احلي ايامنا سوا
منغير ماعرف انا بقول ايه حركت شفايفي و قلتلها بصوت انا بس سمعاه
وحشتيني اوي يا ماما
وحشتيني زي ما بتوحشيني كل يوم .. سامحيني يا قلبي اني مقصره اوي معاكي و ماعدتش بشوفك و اتطمن عليكي زي زمان ..
انتي طبعا شيفاني و سمعاني و بتردي عليا .. بس انا مش سمعاكي
شفتي يا ماما الفستان بتاعك :'D حلو فيا صح .. هاه !
دموعي نزلت اكتر و انا قلبي بيدق بسرعه و نفسي بيتسارع
السنه دي مش جايه لوحدي زي كل سنه فاتت .. انا جايه و معايا الفريد .. بابايا الجديد :') انا عرفت كل حاجه خلاص , هو قالي علي كل حاجه .. قالي انك كنتي بتحبيه و انك ضحيتي عشاني .. عرفني الحقيقه اللي بابا او كريس كان مغطيها عني
أيمي كبرت خلاص .. السنه دي هابقي 18 سنه :'D انا سمعاكي بتقولي كبرتي و بقيتي حلوه
جبتلك ورد صح .. ايه رأيك
انا ابتديت اعيط اكتر و اكتر و الروئيه بقت شبه معدومه
عارفه يا ماما , انا حبيت .. امم حبيت خلاص .. عرفت يعني ايه حب و يعني ايه حد بيضحي عشاني و عشان انا افضل موجوده .. انا حبيت جاستن اوي يا ماما
بقولك عشان انا عمري ما خبيت حاجه عليكي انا فعلا بحبه , لما اعيش مع الفريد هاقوله اني بحبه لاني مش هابقي مكسوفه من نفسي اقوله انا بحبك ..
كنت اتمني تكوني معايا .. و تقابليه هاتحبيه اوي يا ماما ده .. ده اخدني يوم ما بابا ضربني و شالني و جابلي هدوم و دوا و نيمني جنبه .. حنيه الدنيا فيه يا ماما انتي مش متخيله
اينعم اه هما اسبوعين بس حبيته اوي
شفتي بقي كبرت ازاي :')
اول ما اعترفله او هو يعترفلي بحبه انا هاخده و اجيلك هنا عشان اعرفك عليه
- و ليه مش دلوقتي
صوت جه من ورايا , لفيت لقيته جاستن و ماسك ورد في ايده
انا بصيتله الدموع نزلت علي خدودي اكتر ...
فكره هو جه ازاي و وقف ورايا امتي ماكانتش في دماغي
بس أول ما شفته حضنته اوي اوي و قعدت اعيط تاني اكتر و بشده
أنت تقرأ
Saving Amy ( A Justin Bieber Love story بالعربي )
Fanfictionدي حكايتي .. بحكيها بعد ما حياتي اتغيرت تماما من جحيم لـ جنه ماكنتش احلم بيها مع اللي بحبو .. *خط طويل * Saving Amy
