Saving Amy ( A Justin Bieber Love story بالعربي )

Chapter 20

في نص الليل صحيت قلقانه

معرفش عايزه اكلمه أعرف هو عامل ايه .. بس مش هايعرف لانه في الطياره دلوقتي أكيد

ف مسكت الموبايل و نمت تاني

..

المنبه .. المنبه .. المنبه

سحبت ايدي من تحت الغطا و انا مغمضه عيني بدور علي الوت البارد اللي مصحيني

لقيته و قفلته

المنبه بيصحيني 7 عشان ابتدي اليوم اللي خطتله تخطيط تكتيكي و هو أني أنزل اشتري لبس و و ادفع فاتوره الموبايل

صمت رهيب فيه صدي صوت المنبه كأني لسه سامعاه بيرن اتقلبت الناحيه التانيه من السرير عشان الاقي خيوط رفيعه من نور بسيط متسلله من ورا ستاره الشباك

نفس داخل و خارج و خلاص ..

و أخيرا قررت اشيل دماغي من علي المخده و أقوم , اقوم عشان افتح باب عالمي الصغير

بحركه لا أراديه كأني انسان ألي اخدتني رجلي الي التواليت

***

خرجت فايقه بعد ما دخلت التواليت و غسلت وشي و أسناني اللي تعتبر واجباتي اليوميه كل يوم الصبح

همست " فين السجاير " " آه في الدولاب " فـ رحت للدولاب و جبت العلبه

شِت قربت تخلص فاضل 3 فيها

بقيت أتلذذ شربها أوي خاصه في الدرا منغير ما حد يعرف , مش ضعف مني ولا كسوف من اني اشربها بره بس ساعات الواحد يحب يعمل الحاجه اللي تريحه و ترضيه مش مهم الناس , يعني ناتالي مثلا ممكن تكون بتتلذذ بأنها بتشرب كحوليات .. مع انها خطر و دمها هايتلوث

anyway ..

شديت الستاره و دخل نور الشمس بتصريح دخول مني .. و دخان السيجاره حواليا بهويه ب أيدي عشان أعرف ابص و افتح الشباك و فتحته .. حاولت أرفع عيني عشان ابص للشمس فغمضت عشان مقدرتش ابصلها

الهوا واقف بس نقي و ريحته حلوه

مع أني بكره لحظات الصبح الاولي و ساعات بخاف منها عشان معرفش اليوم اللي طلع ده مخبيلي ايه .. عشان كده أول ما بتيجي الساعه 5 بحس ان اليوم بدأ و تبدأ الحياه في الضلمه و الدرا

بتابع اللي ماشيين و اللي رايحين شغلهم

لوتشيا هانم خارجه

بصيت كويس عليها . اه صح ده قالي انهم رايحين يتسوقو

خفيت السيجاره من أيدي بعد ما شفت أدم بيبصلي و بيشاور ( باي باي ) ليا فـ ابتسمتله و شاورتلو انا كمان

لابسه و متشيكه حاسه انها الوحيده اللي مختلفه عنهم .. بتضحي ب مظهر ولادها عشان مظهرها هي , ايوه دي أم مهمله انا لما أبقي ام مش هاعمل كده كلو يهون عشان أولادي و بالأخص لو كانو زي أدم و بيا , جورج شبها حتي تنح زيها بس برده ده طفل يعني ..