Saving Amy ( A Justin Bieber Love story بالعربي )

Chapter 40

.

.

و تعدي الايام , عدت عليا لحظات زي اللي مابعرفش احرك شفافي ب كلام اصلا ... 

و لحظات تانيه سعيده لدرجه ماتتوصفش زي خروجاتي مع ناتالي و ريحه سجايرها و الفاظها اللي بتخليني اضحك ب هستيريا 

و لحظات مع جاستن مش بتخلي من الابتسامه الهاديه و الدلع , الحنيه , احساس الامومه المبكره اللي بيجيلي و انا معاه , لحظات ما احس انه بابا و هو بيحط أيده علي أيدي و انا بسوق عشان اتعدل و مانتخبطش 

و حاجات كتير , بتنقل من عالم ل عالم ب إرادتي و موافقتي 

كل يوم بصحي و انام لا إراديا 

بيقولو الوقت الحلو بيعدي بسرعه .. لا الوقت اللي ماتحسش انه وقت ده بيعدي اسرع 

فقدت الاحساس بالايام و الوقت و التواريخ .. 

دي زي لعنه او تعويذه بتصيبنا عشان نبقي عالقين بروحنا في فتره في الحياه مالهاش اسم , اللي هي حاله انا مبسوط ب أكتئاب , زعلان و بزقطط من الفرحه .. فجوه زمنيه بين الحاضر اللي قدام عينينا و اللي جوانا اللي بيحكمنا ..

كل يوم قعده علي الاب توب , سوشيال ميديا , معرفه ناس جديده , اتفرج علي فري ستايلينج باليه , ناس بتتعلم السواقه , بيانو ..

خروجي كل يوم من باب البيت و ركوبي العربيه اللي بقيت حذره و انا بركب و بسوق في الشوارع البسيطه اللي بعرف امشي فيها , ابتسم في وشوش الناس اللي بحبها و اغضب و ادايق بسهوله 

اشغل التيليفزيون

 , اضحك بصوت عالي مع ناتالي و صحابها

 , اقفل التيليفزيون 

اشغل اغاني , 

ارقص و انا جوايا مليون احساس و افكار , 

اتصور ليه ... 

و حاجات كتييره بيتكرر مشاهدها دلوقتي قدام عيني و انا واقفه ورا ستاره أوضتي ببص علي منظر البحر من عندي و الشجر .. بفكر في الحاله اللي انا مش عارفه اسمها دلوقتي , ازاي بقيت احساس بيتحرك كده .. حتي انا دلوقتي ببتسم منغير سبب و أيدي بتلعب في خصلات شعري مرورا ب رقبتي 

اترعشت لما لمحت قدام عيني اقتراب سيجاره ل فمي .. انا ولعتها امتي .. و ازاي سمحت ليها انها بتشر كل سمومها في جسمي .. و كأن شخص تاني او ايد تالته هي اللي مسكاها و بتقربها مني 

و كأني فقدت حواسي الخمسه في لحظات و انا بتابع مشاهدتي للبحر , صوت عديد من الاغاني ل كيتي بيري بيتكرر ورايا ب عشوائيه

الشباك كان موارب ففتحته عشان اقدر اشوف اكتر و سندت جسمي و انا مربعه أيدي علي طرفه و انا بحاول اتمتع بكل لحظه و كل نفس باخده دلوقتي