نمت ماحستش بنفسي , نمت و انا بسمع اغاني ..
صحيت لوحدي , فتحت عيني براحه و علي صداااع هايموتني , اكيد أثر اللي شربتو امبارح
اتعدلت علي السرير و شلت ال أير فونز من ودني و قمت غيرت هدومي اللي من امبارح لبساها دي و لبست بيجامه عاديه
و انا برجع الهدوم الدولاب بصيت علي سلسله ماما الالماظ , و جت فكره محل الورد تاني في دماغي ..
لا لا يا أيمي استحاله دي سلسله ماما اخر حاجه فضلالي , بس انا عايزه اتخلي عن بابا و مراتو بقي .. لو بعتها .. لا لالا مش هافرط فيها
قفلت الدولاب عشان مافكرش و نزلت تحت , من حسن حظي او لسوءه لقيت بابا لسه قاعد بيفطر , انا صاحيه بدري علي غير العاده
نزلت قلتلو صباح الخير رد عليا صباح النور و قعدنا نفطر انا و هو بس
انا ابتديت اتكلم : بابا امال فين لوتشيا
بابا بصلي بطرف عينو و قالي : راحت تتسوق , انتي كنتي فين امبارح
اوبااا انا اتقفشت : انا كنت مع ناتالي زي ما قلتلك
بابا : و أتأخرتي ليه
انا : عادي يا بابا قعدنا مع بعض و اتعشينا و كده
بابا : اتبسطي !! بابا قالها و هو مبتسم و بصلي و هو بيضحك
انا ضحكت و قلتلو اه : كاليفورنيا حلوه اوي يا بابا
بابا : باين عليكي الانبساط , جبتي منين الا أي بود ده
احيه احيه انا نسيت انو ف أيدي , حطيتو علي السفره و قلتلو : ناتالي ادتهولي بس هارجعو تاني مش ليا علي طول يعني
بابا ماردش و كمل أكل و انا كمان كنت باكل , قعدت أبص علي التيليفزيون و الاخبار في وسط الاخبار جابو جاستن و هو بيتصور عند الفندق اللي كنا فيه , كنت لسه هانط و اقول انا شفتو امبارح بس عملت كنترول لحسن بابا يعرف اني كنت في مكان زي ده
و هل هو هايرتبط قريب او لا قالو من ضمن الاخبار انو شافوه مع بنت في بار و انو كان Having fun with her
يانهار اسود , قلبي حاسه انو هايطلع بره صدري و باخد نفسي بسرعه و بعض ضوافري لحسن يطلعو صوره ليا ابقي اتفضحت رسمي
بابا خضني و هو بيقول : اهو العالم دي منتهي التفاهه ايه يعني واحد شافوه بيسكر ولا بيتنيل مع واحده زيو , هايفضلو تافهين كده
انا مادتهوش اي ريأكشن و فضلت بتابع الخبر و متنحه
أيمي , أنتي يا بنتي
انا انتبهت : ايوه يا بابا
- في ايه !! شايفك منتبه اوي
- هاه انا بترفج عادي بس سرحت
أنت تقرأ
Saving Amy ( A Justin Bieber Love story بالعربي )
Fiksi Penggemarدي حكايتي .. بحكيها بعد ما حياتي اتغيرت تماما من جحيم لـ جنه ماكنتش احلم بيها مع اللي بحبو .. *خط طويل * Saving Amy
