عدت الايام عاديه مافيهاش جديد و ناتالي كانت وعداني اننا هاننزل الداون تاون نتمشي
جه يوم الخميس و زي ما اتفقنا انا و ناتالي اننا هانتقابل بره البيت الساعه 5
لبست و سرحت شعري و نزلت من الاوضه , لقيت لوتشيا واقفالي
لوتشيا : لابسه رايحه فين
انا رديت بعصبيه خفيفه : انا مسأذنه بابا اني انزل و مالكيش الحق انك تسأليني انا رايحه فين كفايه ان بابا عارف
لوتشيا : بقي كده , طيب ماتتأخريش عشان ابوكي مايقلقش
انا رديت ببرود : ماتخافيش مش بيقلق عليا , باي
عديت من قدامها منتصره و خرجت من البيت و مشيت لبيت ناتالي
ناتالي لقيتها بتفتحلي بفستان قصير منفوش و اسود و هاي هييلز دهبي وااو لبس ماشفتهوش الا في المجلات
حسيت بحرج من القميص و السكيني جينز اللي لبساه
ناتالي : هو انتي هاتخرجي كده
انا : اه ..
ناتالي : لا انتي مش هاتمشي كده تعالي البسك فستان
ياخبر ابيض فستان !!!
ناتالي شدتني زي الحراميه و علي أوضتها اخدتني , وقفت قدام الدولاب تنقي و طلعتلي فستان قصير يمكن اقصر من فستانها و قالت ده مناسب
انا : ايه , ده قصير
ناتالي : و فيها ايه , هاتغيري ولا اقلعك بالعافيه
يانهار اسود فستان زي ده انا البسو , لا و قصير امشي برجلي عريانه كده
اخدت منها الفستان بتوتر , كان اسود خامته شبيهه بالساتان و منفوش و فيه ورد صغير ماليه وردي في ابيض
ناتالي خرجت من أوضتها عشان اغير لوحدي و غيرت اللي لبساه و لبست الفستان
ندهت ناتالي و اول مادخلت اندهشت
انا : ايه !
ناتالي : يخربيت جمال أمك ايه ده
انا : ايه مالو انا مكسوفه امشي كده اوك
ناتالي : انتب مش شايفه انتي حلوه ازاي OMG الفستان كأنه معمول عشانك
انا اتكسفت و احمريت من الخجل
ناتالي وقفتني قدام المرايا .. بصيت لنفسي بالفستان ده .. اول مره احس اني بنوته اوي كده
BUN ناتالي فتحت درج من التسريحه و طلعت علب و سرحتلي شعري عملتهولي
وردي نفس اللون اللي في الفستان lip stick و حطيتلي ماسكرا و شويه
بعدها طلعتلي هييلز اقدر امشي فيهم عشان انا مش متعوده علي الهاي هييلز
و مشينا من البيت و ناتالي خرجت مفاتيح العربيه بتاعتها و ركبنا سوا و مشينا
أنت تقرأ
Saving Amy ( A Justin Bieber Love story بالعربي )
Fanfictionدي حكايتي .. بحكيها بعد ما حياتي اتغيرت تماما من جحيم لـ جنه ماكنتش احلم بيها مع اللي بحبو .. *خط طويل * Saving Amy
