.
.
.
يوم طويل قضيته مع ناتالي و اصحابها في البيت هنا و اختارنا لبس للحفله و رتبنا مين اللي جايين و مين لا لقيت نفسي في الاوضه لوحدي الساعه قربت علي 3 مش عارفه انام .. بفكر في لقائي مع فيكتور .
اصابتني موافقه بحالتين متناقضتين يعني ..حاسه انا سعيده اني هاكلمه و هامحي اثره ب أيدي و هاحاوره بالمنطق علي قد ما اقدر . واديني اهو حسيت بوخز في راسي لاني افتكرته . مسكت شعري و كورته كحكه لفوق .. حسيت ب طوله انه كان مش نعمه بل نقمه لما لفه علي ايديه .. بصماته لسه علي خصلات شعري .. افتكرت كل اللحظات اللي بتصيبني ب حاله نفسيه و لكني حاولت اتجاهلها بس برده برغم كل ده انا متشوقه اشوفه و هو ندمان و مقهور
الوقت بيعدي بطئ حتي انا غفيت منغير وعي جنب اللابتوب و حلمت ب كابوس
حلمت بـ ماما
كان واقف بيدخن سيجاره بعدها رماها و دهسها ب جزمته , كان بيبصلي و بيبتسم بمكر .. بعدين شاور لـ ماما ف جاتله من العدم .. بصلها و بص للسلسله اللي لبساها .. اللي هي حاليا بتاعتي .. بصتلها هي ب الم و ندم و رمتها علي الارض و بصلي هو بصه اخيره و اخد ايدها و سحبها بعيد كنت في الحلم ببصلهم منغير ما اتحرك في صمت و منغير احساس .. بصتلهم منغير ما اشوف نفسي و منغير ما ماما تودعني
فتحت عيني في ظلام مخدتي .. فكرت في الحلم ..سحبت ايدي ب صعوبه و حسست علي السلسله افتكرت رغبتي الملحه اللي احتلتني امبارح ..
انا ممكن اقدر انزع الالم اللي مرافقني دايما و ابدا . شلت المخده من حضني و قمت ادور عليه في الادراج . دورت في كل حته في الاوضه
ممكن سكينه حاميه توفي بالغرض ؟ لالالا بلاش جنان بقي
وقفت في نص الاوضه .. انا عايزاه دلوقتي حالاً
و انا واقفه بصيت ل باب الحمام ف دخلت يمكن الاقيه جوه
فتحت الباب براحه و كأن ممكن حد يصحي من صوت الباب ضغطت علي مفتاح النور ف نور كل الدنيا الضلمه اللي كنت فيها
وقفت قدام ادراج الحمام فتحت أول درج ف لقيته .. ابتسمت أوي .. ابتسامه انجاز .. ابتسامه نصر , طلعته و وقفت في منتصف المرايه
شايفه وشي .. بحاول استوعب اللي انا هاعمله دلوقتي .. بصيت للمقص قبل ما ابدأ . و رجعت تاني ابص علي نفسي في المرايه و انا ببتسم و كأني هازيح عني عبئ دام كتير اوي .. وقعت عيني علي الماسه السلسله ف غابت ابتسامتي .. دخلت صوابعي في فتحتين المقص عشان احكم مسكته ..
عدت ثواني ..
و توغل المقص ب عشوائيه في شعري منغير رحمه ..
كانت الخصلات بتقع حوليا .. حاسه بتقلها و هي بتقع علي الارض و علي باقي جسمي ..
كل ما بتقع خصله منه بحس ان ألمي بيخف
أنت تقرأ
Saving Amy ( A Justin Bieber Love story بالعربي )
Fanfictionدي حكايتي .. بحكيها بعد ما حياتي اتغيرت تماما من جحيم لـ جنه ماكنتش احلم بيها مع اللي بحبو .. *خط طويل * Saving Amy
