.
.
بيقولو ان الميت مش بيحس ب أي حاجه وهو ميت
بمعني ادق و هو جثه..
بيسمع بس اللى حواليه و ده اللي انا حساه دلوقتي
حاسه ب سقعه زي التلج
كأني في تلاجه .. سامعه أصوات حواليا و ناس بيشيلوني و يحطوني
حاسه اني عريانه.. جسمي كله عريان و فوقيا حاجه رقيقه مغطياني
معقوله انا ممكن اكون ميته..
لا انا ماكنتش عايزه كده.. مش عايزه اموت لا..
الموت ده حاجه كبيره اوي اوي مش سهله و مش صعبه
بس لما بنواجهها بنرجع في كلامنا بنتمسك اكتر بالحياه
انا كده
تمنيت الموت و اهو جالي في ايه بقي
تنميل شديد في اطراف جسمي و الدنيا سقعه هاموت و ادفي
اتحركت شويه ب راسي ف ادركت اني علي قيد الحياة و اني مامتش
تأوهت و اصدرت صوت عشان اعرف و اتأكد اني كده عايشه
لكن بسرعه لقيت اللي بيسند دماغي و بيغرس ابره في ايدي حسيت ب سائل درجه حرارته - 5 بيجري في دمي و تصاعد السائل لباقي أعضائي و بعدها ماحستش ب حاجه
..
الساعه 7:25 الصبح
قاعدين منتظرين يا خبر انها كويسه يا انها ماتت
انضم ل الفريد و جاستن و شانا ناتالي اللي بقت متبهدله
اثار الاكتئاب باينه علي عنيها و عضم صدرها..
قاعده ماسكه ايديها الاتنين بعنف و توتر و انفعال.. صاحبتها في العمليات ده اقل سبب كافي ل توترها..
شاشه وهميه مفتوحة قدام عينيها بتشوف فيها لحظات سعادتها مع أيمي
لما راحتلها المستشفى بعد ما اعتدو علي بيتها و كسروه
رفعت راسها عشان تطرد أفكارها اللي بدأت تنحرف انها تشوف نفسها و هي بتقول الخطاب الأخير علي قبرها ، معلنه ب صرخه من جواها بتقول كفايه كفايه..
كلهم تقريباً بينامو علي نفسهم من التعب
الفريد لسه دم ايمي علي تيشيرت-ه بعد ما اتغير لونه
جاستن مصفر و عنيه دخلت ل جوه من الدم اللي اتسحب منه حتي بعد ما الدكتور قدمله سكريات كفايه انها ترجعه لطبيعته الا انه رفض و قال مش عايز..
شانا اللي وضعها بقي صامت حالياً ماهي مالهاش الا انها تبقي مع جوزها و تسانده في حاجه زي دي
- انا عايز انام
قالها جاستن و هو مربع ايديه و مغمض و راسه في الارض
ايد شانا طبطبت علي ضهره
- قوم يا حبيبي روح البيت انت تعبان اوي
بصلها جاستن و قال - انا خايف تخرج و انا مش هنا
قاطعهم الفريد - ممكن ناخد اوضه هنا بدل قعدتنا دي
ف قام الفريد و قال - هاروح اجيب حاجتي من العربيه و انتو روحو احجزو أوضه
قام جاستن و هو بيبتلع ريقه
حس في اختلال و هو بيقوم ف ساعته شانا انه يقف
- لا لا انا كويس
- كويس ايه انت جسمك متلج تعالي نروح نشوف الدكتور
- لا انا كويس صدقيني..
بعدها جاستن و اتوجهه للاستعلامات اللي تعتبر بينهم و بينه خطوات بسيطه
وقف و حجز أوضه ليهم اللي ينام ينام و اللي يستني يستني احسن من قعدتهم دي
حجز و جه الفريد كمل باقي الإجراءات و دفع
جاستن شايف كل حاجه مشوشه ، دعك عينيه عشان يصحح رؤيته لاكن المحاوله فشلت
حاول يهز دماغه و هو ماشي راجع ليهم لكن توازنه خانه..
مسكه الفريد لما لقاه اتطوح كده و علي وشك انه يقع ، سأله جاستن انت كويس .. لكن حصل اللي مش متوقع جاستن وقع من ايده في سرعه و قوه
JUSTIN
صوتين صرخو في نفس اللحظه و اتوجهو ناحيته ممرضه و ممرض و الفريد ماسكه و شانا و ناتالي
بسرعه الممرض صرخ في حد من الطوارئ يجي ينقله..
وسط خوف الفريد و صريخ ناتالي و دموع شانا تيجي ممرضه من وراهم
- حد منكم من اهل أيمي جوهانسون.
التفتلها الكل...
- ايوه انا ابوها
-ايمي هاتتنقل اوضتها دلوقتي ياريت حد يجي معايا
و كأن الخبر جه في وقته..
جاستن وقع و ايمي فاقت..
الفريد بص ل جاستن اللي بينقلوه علي النقال و الممرضه
هايروح مع مين
- روح معاها و انا هافضل معاه..
قالتها شانا عشان تنقذه من الضياع
جري الفريد و الممرضه علي الاسانسير بسرعه و شانا مع جاستن للطوارئ
ناتالي بتحاول تلحق الفريد و بالفعل لحقته
صوت الاسانسير يرن علي الدور الرابع..
طلع الفريد و هو بيتلفت يمين و شمال
لقي مجموعه من الممرضين ماشيين و جارين سرير
صرخ بعلو صوته "أيمي"
ف التفت الممرضين ليه ، اتأكد انها هي ايمي اللي معاهم
.. جرى و هو بيعيط انه مش مصدق انها عايشه..
مسك السرير معاهم هو و ناتالي اللي صوت عياطها يتغلبه و هي بتردد " ايمي ، ايمي"
دخلو الغرفه و بعد مساعده الفريد و مجموعه الممرضين انهم ينقلوها علي السرير ، مشي الممرضين و بقي الدكتور
- حمدالله علي سلامتها
- هي كويسه دلوقتي
- تمام انا عملت كل اللازم هي هاتفوق كمان ساعه او اكتر لانها خت مخدر قوي ، تصور فاقت في نص العمليه واضح ان البنج ما قصرش فيها
ضحك الفريد في وسط دموعه و شكر الدكتور جدا
- ماتشكرنيش .. اشكرها هي بنتك قويه اوي انها تتحمل كل ده لسه عايشه
هز الفريد دماغه و هو بيبصلها و بيضحك
- يعني.. يعني هي كده خلاص كويسه
- مش خلاص اوي ، في ادويه و حقن هاتستمر عليها هي لحد اما تخف خالص ، غير كمان انا عايزكو تعرضوها علي دكتور نفسي
استغرب الفريد من كلامه - نفسي.. ليه أيمي طول عمرها صريحه و مش بتخبي حاجه عني او عن..
- فاهم فاهم ، بس بيني و بينك اللي حصلها ده لايمكن يرجعها انسانه طبيعية زي الاول خاصه انها بنت و ده اتاخد منها بالقوه ، غير قوه الاعتداء غير موقفها ممكن ده يوصلها ل اكتئاب حاد و ده هايضعفها اكتر .. عشان كده لما تيجو اكتبلكو علي خروج هاقلك علي دكتوره زميله ليا كويسه جدا في الامراض النفسية..
ابتسمله الفريد و شكره مره تانيه و خرج الدكتور
أنت تقرأ
Saving Amy ( A Justin Bieber Love story بالعربي )
Fanfictionدي حكايتي .. بحكيها بعد ما حياتي اتغيرت تماما من جحيم لـ جنه ماكنتش احلم بيها مع اللي بحبو .. *خط طويل * Saving Amy
