Apple of my Eye

Apple of my Eye(Alternative universe of Ennead)Chapter-7

" သင်ခန်းစာတွေအကုန်ပြီးပါပြီ "

Isis ၏‌စကားကိုThothမကြားပဲ ပြူတင်းပေါက်အပြင်သို့ငေးကာ တွေတွေကြီးထိုင်နေမိသည်

" ဆရာ? သင်ခန်းစာတွေအကုန်လုပ်ပြီးသွားပြီလို့!”

" အော်?...အင်း ဒါဆိုနားလို့ရပြီ...မကြာခင်ခမည်းတော်က တာဝန်တွေခွဲပေးပြီး လက်တွေ့အုပ်ချုပ်ရေးလုပ်ရတော့မှာ သိတယ်မဟုတ်လား?"

" ဆရာ့ပုံစံက အဲဒါကိုမပျော်မရွှင်ဖြစ်နေသလိုပဲ..."

" ဟင်?မဟုတ်တာ...အာရုံစိုက်ရမယ့်ကိစ္စတစ်ခုရှိနေလို့ပါ သွားနားတော့လေ "

Isis ထွက်သွားပြီးအတန်ကြာသည်အထိ သူ ခေါက်တုံ့ခေါက်ပြန် အခန်းထဲလျှောက်ရင်း စဉ်းစားနေမိသည်
နောက်ဆုံး သူ ဆုံးဖြတ်ချက်ချပြီး နေနတ်ဘုရားနန်းဆောင်ဆီသို့ထွက်လာခဲ့တော့သည်...

" Thoth?ဒီအချိန်ကြီးဘာကိစ္စနဲ့..."
နန်းဆောင်ရှေ့တွက်ထိုင်နေသောRaကသူ့ကိုလှမ်းမေးသည်

" ခမည်းတော်..."

သူ Raကိုဂါရဝပြုပြီး စကားအစပျိုးဖို့တုံ့ဆိုင်းနေမိသည်

" ဘာလို့ကျောက်ရုပ်လိုရပ်နေရတာလဲ...လာ ဒီမှာထိုင်..."

"...ကျွန်တော်-"
" ဧကန္တ ဟောကိန်းအကြောင်းထပ်ပြောဖို့လာခဲ့တာလား?"

သူ လက်သီးဆုပ်ပြီး အံကိုတင်းတင်းကြိတ်လိုက်သည်

" ခမည်းတော်...အခုလည်းနောက်မကျသေးပါဘူး...ကလေးတွေထဲကတစ်ယောက်ကို အိမ်ရှေ့စံ‌ရာထူးပေးဖို့လုပ်ထားတယ်‌ဆိုရင် အဲဒါကိုရုပ်သိမ်းလိုက်တာကမှန်ပါလိမ့်မယ်...မဟုတ်ရင် ခမည်းတော် -အင့်!"

Raက သူ့ပါးစပ်ကိုလက်ဖြင့်ပိတ်လိုက်သည်

" မင်းကိုဟောကိန်းဆက်မထုတ်ရဘူး ဟောကိန်းတွေအကြောင်းလည်းမပြောရဘူးလို့အမိန့်ပေးထားတယ်လေ...အရင်တစ်ခေါက်တုန်းက မင်းသေတော့မလိုဖြစ်သွားတာတောင်အမှတ်မရှိဘူးလား?!"

Thothက သူ့လက်ကို‌ဆွဲဖယ်ဖို့လုပ်တော့ လက်နှစ်ဖက်ကိုပါဖမ်းဆွဲထားလိုက်ရသည်

" အင့်-အင်း!!!”

Thothက သူ့လက်ထဲတွင်အတင်းရုန်းကန်နေသည်