//UNICODE//
အခန်း ၁၃ - ဆေးရုံသို့သွားခြင်း
စုလင်း တအံ့တသြနဲ့ မျက်ခုံးလေးကိုပင့်လိုက်မိပြီး ကုလီဟန်နဲ့ မျက်နှာချင်းမှာ ဝင်ထိုင်လိုက်သည်။ သူ ပါးဖောင်းဖောင်းလေး လက်ညိုးလေးနဲ့အသာကုတ်လိုက်ရင်း ခေါင်းလေးစောင်းပြီးမေးလိုက်သည်။
"ကျွန်တော့်ကို ကြည့်ရတာ အဆင်မပြေတဲ့ပုံ ပေါက်နေတာလား?"
စုလင်းက အတော်လေးချောတာကြောင့် သူလုပ်နေပုံလေးက အရမ်းချစ်စရာကောင်းသွားသည်။ ကုလီဟန် ခဏလောက် ရပ်တန့်သွားရပြီး မျက်လုံးများကိုလွှဲလိုက်ရရင်း
"ကျောင်းချင်က ကိုယ့်ကို ဆက်သွယ်လာတယ်။ သူ့ညီက မင်းကို ထပ်ဒုက္ခပေးမိတယ်တဲ့။ အဲ့ဒါကြောင့် ကိုယ့်ကို ဒုက္ခများစေမိတဲ့အတွက် တောင်းပန်ပါတယ်တဲ့"
စုလင်းမျက်တောင်လေး ပုတ်ခတ်ပုတ်ခတ်နှင့် မေးလာသည်။
"သူက ခင်ဗျားကို ဘာလို့တောင်းပန်ရတာလဲ?"
သူနဲ့ကုလီဟန်ရဲ့ဆက်ဆံရေးကို အထင်လွှဲသွားတာ ဖြစ်နိုင်တဲ့ ကျောင်းချင်ရဲ့သဘောထားကို တွေးလိုက်မိပြီး စုလင်း နှုတ်ခမ်းထောင့်စွန်းလေးများ ကော့တက်သွားရသည်။
ကုလီဟန်ကတော့ ကျောင်းချင် ဘယ်လိုတွေးနေလဲဆိုတာကို မသိခဲ့သည့်အပြင် အကျိုးသင့်အကြောင်းသင့်တောင် ပြောပြလာသည်။
"ကိုယ်က မင်းကိုထပ် အနှောက်အယှက်မပေးဖို့ သူ့ကို ပြောခဲ့တယ်လေ။ ဒီတခါက သူ့အမှားမဟုတ်ရင်တောင် သူနဲ့ အများကြီးဆိုင်တယ်လေ"
ပြီးတော့ ကုလီဟန် စုလင်းကို ကြည့်လာပြီး
"တကယ်တမ်း ဘာတွေဖြစ်ခဲ့တာလဲ?"
စုလင်း သူ့အနားတစ်ဝိုက် ပြသာနာတွေနဲ့ချည်း ပြည့်နေတယ်လို့ ကုလီဟန်ကို မထင်စေချင်တာကြောင့် ဖြစ်ပျက်ခဲ့သမျှကို အကြမ်းဖျင်း ပြောပြလိုက်သည်။ စုလင်း ရယ်ရယ်မောမောနဲ့ စကားတစ်ခွန်းနဲ့ အဆုံးသတ်လိုက်သည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
