//UNICODE//
အခန်း 60 - ပွဲဦးထွက် အသွင်အပြင်
ရေကူးကန်နှင့် အားကစားစင်တာသည် တစ်ခုနှင့်တစ်ခု နီးကပ်နေသော်လည်း အဆောက်အဦးပုံစံမှာ လုံးဝကွဲပြားပေသည်။ အားကစားစင်တာ၏ပုံစံသည် စက်ဝိုင်းပုံသဏ္ဍာန် ဖြစ်သည်။ တံခါးဝရှိ စက်လုံးပုံက နှစ်ဖက်လုံးမှ ငေါထွက်နေသောကြောင့် စုလင်းနဲ့ လင်းမန်တို့သည် အလယ်ဗဟို ဝင်ပေါက်ကို လုံးဝ မမြင်ရနိုင်ပေ။ ကံကောင်းထောက်မစွာပင် သူတို့နေရာက သိပ်မဝေးလှချေ။ ထို့ကြောင့် သူတို့ ဘယ်ဘက်တောင်ပံအတိုင်း ပြေးသွားလိုက်ရာ ဝင်ပေါက်ကို တွေ့လိုက်ရသည်။ သိပ်မနီးမဝေးတွင် Alpha အုပ်စုတစ်စု ရန်ဖြစ်နေကြသည်။
စုလင်း မျက်မှောင်ကြုတ်လိုက်မိသလို လင်းမန်ရဲ့မျက်နှာကလည်း သူ့ထက် ပိုရုပ်ဆိုးနေခဲ့သည်။
"Alpha pheromoneတွေ!"
စုလင်း နားလည်ကြောင်း အမ်းဟုသာ ပြောလိုက်သည်။ ရောထွေးနေသော Alpha pheromones များမှတစ်ဆင့် မတူညီတဲ့ Alpha pheromone ၅မျိုးကို အလွယ်တကူ ခွဲခြားလိုက်နိုင်သလို ထိုအထဲတွင် သူ့နတ်ဘုရားရဲ့ ရနံ့မပါကြောင်းလည်း စုလင်း သိလိုက်သည်။ ရန်ဖြစ်နေကြသော လူအုပ်ကို အပြင်းအထန် စိုက်ကြည့်လိုက်တော့ ကုလီဟန်ကို တန်းတွေ့သည်။ ကုလီဟန်ရဲ့မျက်နှာပြင်က အေးစက်နေခဲ့ပြီး လျင်မြန်စွာပဲ ထိုးနှက်နေခဲ့သည်မှာ ဒဏ်ရာရထားဟန်လည်း မရှိချေ။
"အားရွိ!!"
ရှောင်းရွိကို တစ်ယောက်က လက်သီးနဲ့ထိုးလိုက်တာကိုတွေ့တော့ လင်းမန်က အော်သည်။
တစ်ချိန်တည်းမှာပင် စုလင်းသည် ပြင်းထန်စွာ ကွဲကြေ၊တိုက်မိသံနဲ့ ပွတ်တိုက်သံကို သူ့နောက်မှ ကြားလိုက်ရသည်။ စုလင်း ခေါင်းကို လှည့်ကြည့်လိုက်ရာ မြင်လိုက်ရသည့်မြင်ကွင်းကြောင့် မျက်စေ့သူငယ်အိမ်များ ပြူးကျယ်တုန်ရီသွားသည်။ ထရပ်ကားတစ်စီးက ထိန်းမရဖြစ်နေပုံရပြီး လမ်းဘေးရှိသစ်ပင်များကို အရှိန်ပြင်းပြင်းဖြင့် တိုက်မိကာ သူနှင့် လင်းမန်အနီးသို့ လျင်မြန်စွာ ရောက်ရှိလာခဲ့သည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...