#كحل_عرب
( الفوضى )((( بقلم زينب ماجد )))
الحلقة_72
(سر فاطمة )الگاع من يكبر گلبها يشب عشبها
وتوصل حچاياتها لتالي الجروف
لــِ عريان السيد خلف ||الاء : فزينا على صوت عمتي .. شلت راسي وهي تصيح : يا علين شوف دممممممه
باوعت دم حمزة راجع بالمغذي وهو نايم ، ناسية نسدة ونشيل المغذي من ايده ... سحبت الطفل شلته ونزلت من الجرباية وهو يكللها : صدك جذب يمه كلت الزرقاوي هجم ع البيت هو هيج
- عاين دمك كله نازل شني انت ما تحسين زلمة مريض تايم يمج ، غير اديرين بالج عليج موت الكرفج كون .
- واني شعليه بيه اعرف لمغذي اعرف اشيله ، يريد اهتمام ذيج بت اختج روحي صيحيها وخل تهتم بيه ، اني مالي علاقة بيه لو شما يصير
صاح هو : صمي حلكج لا اكوملج ومحمد ادفنج .
صاحت : يااااع خايبة انت يمتى تحترمين ما يلام من كسر ظهرج بضرة عبنج نكسة وباطلة زلمتج و تكولين عنه هجي ... تخدمينه و غصبا عنج و خدامه حدر رجليه .
- علويش ما تكوم تروح عد بت خالتك تكعد ، شعدك مكابلني
- من انامن ابيت الخلفوج عود طرديني بت ال****
درت وجهي منه ،طلعت عمتي اتصيح على فاطمة ، اني عفت الطفل بكاروكه وطلعت للحمام ، اسمعها تكول لبت اختها : كومي ولج لا تخلين هالنكسة ادير راسه صيري سباعية واكسبي رجلج كومي ولج
غسلت ورجعت للغرفة ، حجه : تعاي كوميني
- ما اكدر اشيلك
- جاي اكلج تعاااااي كوميني
- ترا ما صارلي ١٥ يوم على العملية ، اني الاحتاج مدارات مو اروح ادريك اكدر اشيلك اني غير اطك عمليتي
طبت مرته الثانية : ها حمزة
ظل خازرني : كتلج تعاي كوميني
انداريت عنه ومرته تتقربله احس نار تفور بجسمي ، وخر ايدها وكاللها : الا هي اريد اشوف شلون تيبس راسها وياي .
عافته وطلعت تقربتله مو من طيب هاطر واني امدله ايدي، كضها ولواها : تتكوين جيف رجلي مكسرة ولج .
- اييييدي عوفها
دفعني : دعيديها والقرأن الا اندمج .
مد ايدي و انتجى عليه ووكف اخذ عكازة بيد وحدة وكام يتجى ويمشي ، وصلته للحمام وصحت على احمد ، اجاله يركض .
بقى بغرفتي .. ومكابلني رغم ما اني اعاملنه بجفا ..
ما عدت احبه واهتمله مثل قبل من يحاجيني بكلمتين ارضى ويطيب خاطري ... كلبي برد منه .كمت احس روحي شي حبه وراد ياخذه ومن خذاه برد شغفه وحبه و صار يدور شرع ورضى امه ، بس لو صدك يدور رضى امه من البداية ما يرضى يزعلها وياخذ بنت اختها مو من خذاني تذكر يرضي امه !