Unicode
" သူဘယ်မှာလဲ "
" ပြန်မရောက်သေးဘူး အစ်ကိုလေး "
" ဘာ! နေ့ခင်းထဲက ထွက်သွားတာ ခုထိ ပြန်မလာသေးဘူးပေါ့ဟုတ်လား အမှန်ဆို မင်းလိုက်သွားရမှာနော် "
" နောက်မဖြစ်စေရပါဘူး အစ်ကိုလေး "
" သွားတော့ မမြင်ချင်ဘူး "
တ၀ီ၀ီ မြည်သံကြောင့် သူနိုးလာသည်။
မှောင်ရီပျိုးစ ပြုလာ၍ ခြင်တွေ ဝိုင်းလာပြီး
လက်ရှည်ဝတ်ထား၍ တော်ကာကျမည်ဟုပြောရမည်။
လက်ပတ်နာရီကို ကြည့်လိုက်တော့ ၅နာရီတောင် ခွဲနေပြီဖြစ်ပြီး မြေ့နင်းခ အတော်ကြာ အိပ်ပျော်သွားခြင်းဖြစ်လေသည်။ ထိုကဲ့သို့ အပြင်၌ အချိန်ကြာရှိနေခြင်းကို ရက်ခသာသိရင် မြေ့နင်းခဒုက္ခရောက်မည်မှာ အသေအချာပင်။
" ကိုခ "
လှည့်ကြည့်လိုက်တော့ ဒေါက်တာ နွေကူးရှိန်။
" ဪ ဒေါက်တာ "
" ကိုခ ဆေးရုံကို လာမယ့်လာတော့လည်း ကျွန်တော့်ဆီတောင် ဝင်မတွေ့ဘူး "
" အသိတစ်ယောက်ကို လူနာလာကြည့်ပေးတာလေ၊
အလုပ်ချိန်ဆိုတော့ အနှောင့်အယှက် မပေးချင်လို့
ကျွန်တော်လည်း လာမနှုတ်ဆက်တော့တာ "
" အာ... ဟုတ်ပါပြီ၊ ခုရော ပြန်တော့မှာမလား၊
ကျွန်တော် လိုက်ပို့ပေးမယ်လေ "
သူလည်း ကားမပါလာ၍ ငြင်းမနေတော့ပေ။
" ကောင်းပြီလေ ဒေါက်တာ၊
လိုက်ပို့ခိုင်းဖို့ အားမနာတော့ဘူးနော် "
အမှန်တော့ အိပ်ချင်နေသေး၍ဆို ပိုမှန်လိမ့်မည်။
" ဒေါက်တာ ကျွန်တော့်ကို လမ်းထိပ်မှာပဲ ချပေးခဲ့ပါ၊
အိမ်ရှေ့ထိလိုက်ပို့ရင် ကားလမ်းမပေါ် ရောက်ဖို့
အကြာကြီး ပြန်ပတ်ရလိမ့်မယ် "
"ရပါတယ် ကိုခကလည်း ပို့ချင်းပို့ ခရီးရောက်အောင်
ပို့ပေးရမှာပေါ့ဗျ "
" ဒါဆိုလည်း ဒေါက်တာ့သဘောပါ "
" ကိုခ ကျွန်တော့်ကို ဒေါက်တာလို့ မခေါ်ပါနဲ့ဆိုဗျာ၊
ခုက ဆေးရုံမှာလည်း မဟုတ်ဘူး၊
ပြီးတော့ ကိုခနဲ့ ကျွန်တော်က လူစိမ်းတွေမှ မဟုတ်ပဲ "
YOU ARE READING
UM (Completed)
RandomWarning ( Included abusive content!!!) Total Episodes-43 (Completed) Start date-Oct 6.2021 End date-Feb 21.2022 To finish this story , I spent 4 months , 2 weeks and 1 day. Unforgettable memories [မေ့ဖျောက်ချင်မိ] မိုးမိရက်ခ×မြေ့နင်းခ ( Married) လူန...
