Unicode
" ဒီနေ့ အလုပ်မသွားနဲ့တော့၊ သမီးငယ်ကို အပြင် လိုက်ပို့ပေးလိုက် "
" ကျွန်တော်က ဘာကိစ္စနဲ့ လိုက်ပို့ပေးရမှာလဲ၊
သူသွားချင်တဲ့နေရာ သူ့ဘာသာသွားပါစေပေါ့ "
မနက်စောစောစီးစီး သူတစ်ပါးအိမ်ကို ရောက်နေသည်တဲ့။
ဘယ်လို မိန်းကလေးမျိုးလဲ။
" ဟဲ့ သမီးငယ်ရှိတာကို ဘယ်လိုတွေ ပြောနေတာလဲ "
" မာမီကရော ဘယ်လိုတွေ ပြောနေတာလဲ၊
ကျွန်တော့်ဘေးမှာ ခတစ်ယောက်လုံးရှိနေတာကို "
မျက်နှာပြောင်တိုက်ချက်ကတော့ ဩချလောက်ရပေသည်။
" မာမီတောင်းပန်ပါတယ် သမီးရယ်၊ သားက အဲ့လိုပဲ...၊
ဘုကန့်လန့်ရယ် "
" ရပါတယ် အန်တီ၊ လူငယ်ပဲ "
မိခင်ဖြစ်သူကသာ သူမကိုယ်သူမ မာမီဟု သုံးနှုန်းနေတာ ဟိုတစ်ယောက်ကတော့ အန်တီတဲ့။
" မောင် သွားလိုက်လေ "
ထိုချိန် ဆေးဆိုးပန်းရိုက်မျက်နှာနှင့် မိန်းကလေး၏အကြည့်သည် သူတို့ဆီ ရောက်လာ၏။ ဒါကို သတိထားမိသည့် ဒေါ်ခက်ခက်နွယ်သည် ချက်ချင်းပင် အာရုံပြောင်းပစ်လေသည်။
" သားခကတောင် ပြောနေပြီပဲ၊ သွားလိုက်လေ သားရဲ့ "
ခကို ကြည့်တော့ 'သွား ငါဘာမှမဖြစ်ဘူး' ဆိုသည့် အပြုံးလေးဖြင့် တုံ့ပြန်သည်။ အမှန်ဆို ဒီနေ့ ခကို ကုမ္ပဏီသို့ ခေါ်သွားမှာ ဖြစ်သည်။
မွ
" ဒါဆို မောင် သွားပြီနော်၊ စောစော ပြန်လာခဲ့မယ်၊
အပေါ်တက်တော့ "
သူနမ်းလိုက်တော့ မာမီက မျက်နှာကြီး ချက်ချင်းဆိုသလို ပျက်ကျသွားသည်။ ဟိုတစ်ယောက်ကို ကြည့်တော့လည်း တစ်ခုခုကို နားလည်သွားဟန်ဖြင့် မာမီ့ကို ကြည့်နေသည်။
ထို့နောက် သူဧည့်ခန်းထဲကနေ ထွက်လာလိုက်တော့
နောက်က လိုက်ပါလာသူက ထိုမိန်းကလေး။
YOU ARE READING
UM (Completed)
RandomWarning ( Included abusive content!!!) Total Episodes-43 (Completed) Start date-Oct 6.2021 End date-Feb 21.2022 To finish this story , I spent 4 months , 2 weeks and 1 day. Unforgettable memories [မေ့ဖျောက်ချင်မိ] မိုးမိရက်ခ×မြေ့နင်းခ ( Married) လူန...
