Unicode
" သမီးရှင်ဖြစ်တဲ့ ငါ့ဘက်ကဘဲ ဒီကိစ္စကို ဖျက်သိမ်းပါရစေ ခက်ခက်"
ဒီနေ့ ကိစ္စတစ်ခု ဖြစ်ပျက်သွားသည်။
စေ့စပ်ကြောင်းလမ်းထားမှုအား ဖျက်သိမ်းခြင်း။
သားဖြစ်သူက သူမကို လက်တစ်လုံးခြားလုပ်သွားခြင်း။
သူငယ်ချင်းဖြစ်သူ၏ သမီးနှင့် စေ့စပ်ပေးထားပါသည်။
ဒါကို သိလျက်နှင့် အိမ်ထောင်ပြုပစ်သည်။
သူမ ဘာတွေများ မှားလို့လဲ။
သားဖြစ်သူကို လက်တွဲဖော်ကောင်းတစ်ယောက်နဲ့ သာယာတဲ့ မိသားစုဘဝလေး ရစေချင်ရုံပါ။
ခင်ပွန်းဖြစ်သူသည်လည်း သူမစကားနားမထောင်၍ အသက်ဆုံးရှုံးခဲ့ရသည်။ သင်္ဘောသားမလုပ်ပါနှင့်တော့ဟု အကြိမ်ကြိမ်တောင်းဆိုခဲ့သည့်ကြားက လုပ်တော့ ပင်လယ်ပြင်မှာ မုန်တိုင်းထိပြီး သေသည်လေ။ ခုသားကျတော့လည်း သူမ စကား မအောင်။
အိမ်ပေါ်သို့ ယောက်ျားသားတစ်ယောက်အား ခေါ်တင်ထားသည်။
ထိုသည်မှာလည်း အိမ်သူသက်ထား အရိုက်အရာ နေရာတွင်။
သူမ ဘာလုပ်သင့်လဲ။
အပြင်တွင် ကားသံကြားသည်။
သားဖြစ်သူ အလုပ်မှပြန်လာပြီ။
ကားသံကြားလျှင်ကြားချင်းပဲ တစ်နေကုန် အခန်းအောင်း၊ အပေါ်မှ အောက်သို့ မဆင်းသည့် တစ်ယောက်က မဆိုင်းမတွ ဆင်းချလာပါသည်။
" ပြန်လာပြီလား "
သူမ မေးသည်ကို ဂရုမစိုက်ပါ။
" မောင် အန်တီမေးနေတယ်လေ "
" ပြန်လာပြီ "
ယောက်ျားဖြစ်သူစကားကိုတော့ အသက်ရှိပါသည်။
" ပြောစရာရှိလို့လား "
ရှိသည်။ သို့သော်...။
" မရှိရင် တက်ပြီ "
စေ့စပ်ကြောင်းလမ်းထားသည့်ကိစ္စ မရှိတော့ပြီဖြစ်ကြောင်းကို သူမ ပြောသင့်မပြောသင့် စဉ်းစားနေသည်။
YOU ARE READING
UM (Completed)
RandomWarning ( Included abusive content!!!) Total Episodes-43 (Completed) Start date-Oct 6.2021 End date-Feb 21.2022 To finish this story , I spent 4 months , 2 weeks and 1 day. Unforgettable memories [မေ့ဖျောက်ချင်မိ] မိုးမိရက်ခ×မြေ့နင်းခ ( Married) လူန...
