- وقام ايه بقاا ..
= وقام ايه بقا ي آنسة رفيف
- وقام بابا واقف كدا وقايلي رفيف هتوافقي علي العريس دا يعني هتوافقي عليه ، سواء بمزاجك او غصب عنك ، انتِ مبقتيش صغيرة ، اظن كفاية اوي لحد هنا ، انتِ كبرتي والمفروض تعقلي وتنسي الدلع اللي كنتِ عايشة فيه دا
= طيب سؤال بس
- اتفضل
= انتِ ازاي بتحبيني وابوكي جابرك تتجوزي شخص غيري وبتحكي من غير ولا دمعة ، لا وكمان مش متاثرة ..!
- اصل هو يعني ، انا يعني ، هطفش العريس ف مطمنة وكدا
= يعني مش عشان دي لعبة بتلعبيها عليا عشان تجري رجلي واجي اخطبك ف اسرع وقت ..؟
- توء توء ، عشان هطفشه
= عمتاا يبنت الناس اللي هيفكر يدخل بيتكوا انا هكسر رجله
- واللي هيبصلي بعين ..؟
= هعمي عنيه الاتنين
- كدا حبيبي
= بحبك
- انا اكتر ي نور عيني
= يديمك ليا ي حبيبة عمري
- ينفع كفاية رومانسية ي عم الرومانسي ولا مينفعش ..؟
= ينفع ي ست الكل ي نكدية
- اطلبلي كريب
= كريب بس ..؟
- وبيتزا
= وبيتزا بس ..؟
- وشوارما
= وشوارما بس ..؟
- وكنتاكي
= وكنتاكي بس ..؟
- لا كدا كفاية اوي ، بعدين انا مش هقدر اكل دا كله اصلا ، بعدين انا كدا هتخن ..!
= انتِ قمر ف كل حالاتك ، تخينة ، رفيعة ، طويلة ، قصيرة ، بتضحكي ، مكشرة ، اياً كان ، انتِ حلوة دايما ، بعدين انا لما حبيتك حبيت قلبك مش شكلك ، حبيتك من جوا مش من برا ، انا لما حبيت قلبك حبيتك كلك علي بعضك ولما حبيتك من جوا حبيتك من برا ، الشكل مش دايم ي رفيف بس الحب هو اللي بيدوم رغم المشاكل والعك اللي بيحصل ف علاقات الحب
- علاقة مُعقدة اوي ، بس معلش تعالا علي نفسك واتفضل ناكل عشان الاكل بقاله 3 دقايق ع الترابيزة وهيبرد ، وانا مبعرفش اكل اكل بارد
= رفيف ..!
- ي نعم ي عم سليم
= الكلام الحلو اللي طالع من القلب ، ولا الاكل ..؟
- الاكل ي سليم
= كنت متوقع ، ما انتِ غدارة وتقوليها
- غدارة بس بحبك
