-احكيلي بقا عن مواصفات فتاة أحلامك! يعني بما أننا هنفضل محبوسين هنا حبة حلوين.
-أنتِ مجنونة! مش نشوف حل في الخروج من المكان دا
رديت عليه وأنا بقعد على الأرض او بالأصح أرضية الأسانسير اللي عطل بينا في الدور الخامس تقريبًا ما بين الخامس والسادس:
- لا مش مجنونة، أصل إما هنخرج من هنا وكل واحد يروح لحاله أوالاسانسير هيقع بينا وهنروح للي خلقنا فـ مش محتاجين نخنق نفسنا.
قعدت ساكتة شوية لما دور وشه وبعدين قولتله:
-كمان الصراحة أنا بخاف من الأماكن المغلقة كنت مستعجلة أطلع عشان مديري طلب ورق مهم وللأسف أتحبست هنا، يعني أكيد زمانه عرف إني هنا..
بصلى وقالي
-أنتِ عايزة تتكلمي تضيعي وقت عشان أنتِ خايفة صح؟!
هزيت راسي وعيني زاغت في كل مكان فلقيته أتكلم وقالي:
-معنديش مواصفات معينة بس مش مهم الشكل قد ما مهم تبقى جميلة من جوة، عارفة ربنا وقلبها صافي، تنكد اه لأن البنات نكد معروف.
رفعت حاجبي وأنا بضحك فكمل وقال:
-بس تكون فرفوشة، تحب الأغاني والكتب والأفلام والسهر والليل مش هجبرها تحب اللي أنا بحبه ولا تكره اللي بكرهه، إحنا هنبقي موجودين مع بعض عشان بنكمل بعض مش عشان نشبه بعض فهماني؟!
كنت ببصله بنظرة فخر كده، اللي هو ربنا يبارك للي رباك ابتسمتله وقولتله:
-جميل
-أي الجميل، شكلك من النوع اللي مش بيعرف يرد على الكلام صح!
هزيت راسي وضحكت وقولتله:
-الصراحة آه مش بعرف أرد خالص، أنا آه لساني طويل بس في المواقف دى ببان جعفر اه والله.
ضحك وقالي:
-طب وأنتِ!!
-قصدك مواصفات فتى أحلامي وكده؟
هز راسه فقولتله:
-خلطبيطة بالصلصة..
رفع حاجبه مستغرب فقولت:
-يعني ساعات أكون حابة اللي هكمل معاه حياتي يكون طيب وحنين وعارف ربنا، يساعدني إني أكون حاجة في المستقبل، بيسمع فيروز معايا بليل مع كوبايتين شاي بلبن أو قهوة.
يبقى تافه ويملالي حياتي ضحك ورومانسية، وساعات أكون عايزان باد بوي بس كويس االي هو يتعصب لما اعمل حاجه غلط أصل أنا دايمًا ببوظ الدنيا او بخربها بمعني اصح فاهمني؟
ضحكت بصوت عالي وقولتله:
-بس في نفس الوقت مش العصبية اللي تخوف لا، العصبيةاللي تتفهم دى اللي هي بحنية دى محدش بيفهمني اللي هو مهما شرحتلك مش هتفهم زي الباقي
ابتسملي وطلع علبة من الشنطة علبة شكولاته وقالي:
-خدى
مديت ايدي وخدت واحدة بعدين سألته:
-أنتَ عميل هنا؟!
-لا أنا لسة كنت جاي أقدم على شغل لنفس المدير اللي أنتَ تقريبًا كنتِ مستعجلة تطلعيله شكل القدر قال نريحكم من المدير شوية..
ضحكت ومديت ايدي وقولتله:
-أنا سديم ولو اتقبلت معانا أن شاء الله خرجنا من هنا أتمنى تكون سعيد معانا.
مد أيده وسلم عليا وقالي:
-زياد واستبشري بخير أن إحنا هنطلع من هنا
وبالفعل خلص جملته والاسانسير اتحرك ووقف بعدين فتح!!
كان المدير واقف مخضوض وبيقول:
-انتم كويسين؟!
ــــــــــــــــــــــــــــــــــــــــــــ
بعدين الشركة كلها عرفت عن حادثة حبسنا في الأسانسير..
منظرنا بيضحك عارفة وهو المدير داخل علينا واحنا مستربعين وقاعدين على الأرض.
لحد ما طلبني المدير بعد شوية
-أيوة يا فندم!
-بصي يا سديم زياد انهارده أول يوم ليه شغل معانا هنا عرفيه الأساسيات، وياريت تبقو كويسين معاه ماشي بلاش شغل العيال بتاعكم.
قولتله وانا بضحك ضحكه خبيثة
-أنتَ تعرف عننا كدة يا فندم؟!
-أعرف..، إلا أعرف يلا يا سديم شوفي شغلك
أخدته معايا للمكتب وعرفته زمايلنا وشاورتله على مكتبه وقولتله هجيب ورقة وقلم عشان أفهمه، وأول ما جه يقعد على الكرسي سمع صريخ وضحك من بتاع أفلام الرعب!!
هاها هاها كنا حاطين ليه لعبة بمسحل صوت على الكرسي بصلي بغضب بعدين ضحك..
عرفت أنه تافهه زينا.
زياد أتعلم الشغل بسرعة وأتأقلم علينا أكتربقينا متعودين دايمًا نشرب الشاي أو القهوة مع بعض.
أسلوبه بقا زي، زي فتى الأحلام تخيلو!!
وكان الكلام اللي حكيناه في الاسانسير ينطبق عليه هو بس.
بني آدم لطيف طيب وفرفوش وبيخوف لنا بيتعصب العصبية اللي بحنية دى؟
الاه الاه.
ــــــــــــــــــــــــــــــــــــــــــــ
راس السنه كان أحتفال لأفتتاح فرع جديد.
زياد طلبني أروح معاه الحفلة.
لما كلمته في التلفون قالي:
-ها جاهزة؟
-الازرق ولا الأسود!
-أنتِ لسة ملبستيش؟!!
-مش وقتك المهم الأزرق ولا الأسود؟!
-أسود على دماغك طبعا أزرق.
-تمام أنزل بالعربية ويلا
من عادتي أني سريعة في اللبس كنت مخلصة الميكب ومجهزة كل حاجه إلا الفستان هه..
لبست وظبطت نفسي ونزلت.
وبالفعل وصل أول ما نزلت صفر وبصوت عالي وقالي:
-الأزرق بردو جميل.
-احم شكرا
فتحلى الباب زي أي جنتل مان ودخلت العربية.
روحنا الحفلة وبعد سلامات وابتسامات ومجاملات وبلا بلا بلا
-تعبت تيجي نمشي
-ومالو يلا بينا
أخدني وروحنا طلعنا بالعربية على البحر، كان الجو ساقعه فهو جه يقلع الجاكت عشان يديهولي قولتله
-لا جو رومانسية وكده...
-بس يا هبلة خدي
وقفنا شوية والهوا كان جامد وطير شعري وفجأة مطر!!
فرحت وابتسامتي ظهرت وفضلت ألف تحت وفجأة لقيت زياد قدامي بيقولي:
-أنتِ جميلة قوي يا سديم، ونقية وأنا شكلي حبيتك
-أي بتقول اي؟
-بحبك
-تحت المطر وبتحبني لا كدة كوبايتين قهوة مع بابا وزغروته من ماما والدنيا هتحلو
ضحكت ورشيته بماية الشتا وقولتله:
-بحبك أنا كمان
My friend Rodina Mahmoud
