- تعرف ان بيجى علينا وقت وبنجيب اخرنا!.
- انا عملت حاجه؟
- لا دا مجرد كلام جيه فى بالى وقولته.
- بس انتى مبتقوليش حاجه غير لما يكون فيه وراها سبب، ف قوليلى انا عملت ايه؟
- انت شايف انك عملت حاجه؟
- انا بسألك ياحنان.
- تعرف يعنى ايه حد يأذيك وتعيط بسببه ويجى يسالك بكل برود انت بتعيط ليه؟
- انتى عيطتى بسببى!
- انت ليه واخد كل حاجه على نفسك!
- عشان عارف انى دايما بزعلك.
- تعرف ان الانسان لما يعرف ان فيه تصرفات بتزعل حد منه وبرضو يعملها بيحسس الشخص التانى ان ملوش اى اهميه عنده!.
- والله ما بيكون قصدى ازعلك.
- تعرف ان نفس المبرر دايما بيخلى اللى قدامك ميصدقهوش!
- بس دا اللى بيحصل انا مبكذبش.
- مقولتش انى أقصدك علفكره.
- بس حاسس انه انا، مفيش حد بيزعلك غيرى.
- تعرف ان أصعب شعور ان الانسان اللى المفروض يبقى ملجأك وأمانك يبقى هو سبب زعلك وكسره قلبك.
- حقك عليا، قوليلى انا عملت ايه طيب.
- تعرف انى تعبت!.
- انا أسف، والله أسف.
- والله تعبت اوى ومبقتش قادره حتى اخطى خطوه.
- قرب منى وحاوطنى بإيده.. تعرفى انك الحاجه الحلوه الوحيده اللى فى حياتى ، عارف انك اتحملتى معايا كتير بس انا أسف والله غصب عنى، انا مقدر كل اللى عملتيه معايا، أنا غبى عشان زعلتك حقك عليا والله مليش غيرك.
- بصيتله لقيت عيونه بتلمع بدمعه بتحاول تخرج ومش عارفه ملامحه ارتخت وبقت تشبه ملامح الاطفال.
- حط ايده التانيه ع خدى ، تعرفى ان الدنيا بتبتسم لما انتى تبتسمى وغمازاتك تبان وعيونك تلمع ، الحياه بترجع تانى والله.
- اتنهدت.. تعرف ان الانسان مهزء اوى عشان بيتصالح بسرعه!
- تعرفى انى مليش غيرك؟
- تعرف انى مش هبتسم مهما حاولت!
- ضحك.. طيب والله وحشتينى.
- قلبى دق وعيونى لمعت تلقائى ، فلقيتنى ببتسم دون اى اراده منى.
- غمازاتك منوره علفكره.
- انا مصالحكتش علفكره، اوعى تفكر انى صالحتك لتكون مفكر انى صالحتك عشان إبتسمت.
- لا انا مفركتش انك صالحتينى عشان ابتسمتى خالص.
- ايوه انا لسه زعلانه.
- أصالحك ازاى بقى؟
- يعنى انت زعلتنى وكمان عايزنى اقولك تصالحنى ازاى!.
- بص فى عنيا وبدأ يتكلم ، حنان انتى الشخص الوحيد اللى بحاول معاه وبيفرق معايا زعله تعرفى ليه؟
عشان انا مليش غيرك لما بقول الكلمه دى فعلا بكون قاصدها انا مليش غيرك فعلا ف مينفعش يكون مليش غيرك وازعلك ، عشان كدا حقك عليا، متزعليش منى، دا انا مليش غيرك.
- متكلمنيش كدا والله هضعف واضيع كل الكلام العميق اللى قولته من شويه.
- تعرفى انى بحبك؟
- تعرف انى سامحتك!.
😍😍😍😍
