كل يوم اسكربت جديد😻😻😻😻😻😻😻😻😻-أنتِ عارفه أنا بحبه قد أي متفكريش أبقا مهزقة واسامحه.
-أديكِ قولتي بتحبيه!!
-زياد دا أكتر حد بحبه في العالم زي ما هو أكتر حد بكرهه
خبطت على دماغها وقالتلي
-يا بنتي أنتِ عندك انفصام
-أصله جرحني، حاسة بوجع!
افهمها إزاي الإهتمام مبيطلبش والشوق بيزيد في بعده وروحي بتبقى وحيدة، وزياد قالي بالكلمة الواحدة:
-أنا مبحبكيش يا سديم، أنتِ مجرد زميلة مش أكتر.
هو معتبرني زميلة بالفعل أنا كنت مُعجبة بيه طول السنة ونص اللي قضتهم في الشغل، زياد كان في القسم اللي جنبي كنت بشوفه صدفة كان إنسان بلسم كده يتحط على الجرح يطيب.
شاب محترم وعلى خلق أي بنت تتمناه إلا أنا.
كنت غيره خالص، كنت البنت الكاجول الللي بتحب اللبس الكتير الفسح والخروجات، وكنت بكلم شباب كمان.
بس بكلمهم كـ صحاب وكده مش عادي صح!
دا اللي كنت فاكراه الأول قبل ما أشوف زياد وأهتم بيه، بدأت اقلده وأغير طريقة لبسي وطريقة كلامي.
عرفت إني غلط وكل اللي كنت بعمله غلط، غلطت في حق نفسي من اللي عملته.
بعدت عن كل الناس اللي طريقها مش حلو بقيت لوحدي آه بس حسيت براحة، لحد ما ربنا عوضني بـ مروة كانت ونعم الصديقة.
بتساعدني إني أمشي في طريق جميل
-بحبه يا مروة بس هو مش حاسس، أنا لما اعترفتله حرجني عارفه إني مش نوعه بس بحاول أكون كويسة عشان أستاهل حد زيه.
بطبطبة على كتفى قالتلي:
- وحياة عيونك لو ربنا مش مقدره ليكِ، هتلاقي الأحسن منه يا سُدم
- بت.. بت أنا بحبك.
- صاحبيييي
ـــــــــــــــــــــــــــــــــــــــ
قررت في يوم أعمل مفاجأة وألبس الحجاب!
يا ترى هبقى حلوة فيه؟
لبسته ولبست دريس وكنت باربي بس محجبة كل حاجه بامبي في بامبي والحياة بقا لونها بامبي ومستنياك يا أبو عيون عسلي تنور الكوشة جمبي.
- أي دا سديم!
-وه، بت دخلتي الإسلام إمتى
- يا قمر
كانت كلها مجاملات من صحابي في الشغل وعلى فرحة ولمعة عيوني دماغي حودت كدهون للواد التقيل اللي اسمه زياد دا..
الحقيير مبصليش! غض بصره ماشي هجيبه بردو.
قعدت على المكتب وأنا ببص حواليا لقيت قلم قومت وقبل ما أطلع من المكتب حدفته بيه هه
طبعًا ملاحظش خالص مالص أنه أنا اللي حدفته لدرجة أنه جه ورايا وقالي:
-استني
-ها؟
-قلمك دا!
-آه لقيته فين كنت بدور عليه
-في قفايا
بلعت ريقي وخدت القلم ضحكت وطلعت أجري، طبعًا مش متعودة ألبس فساتين عشان كده وقعت.
دموعي خانتني يمكن من الإحراج!
جه وحاول يساعدني زقيت أيده وقولتله:
-هو أنتَ مش بتحبني ليه؟
سكت ومتكلمش دموعي زادت أكتر
-أنا مش وحشه، كل الحكاية إني اتربيت في بيئة مختلفة موت أهلي ووحدتي خلوني ابقا كده، عارفه إني مش شبهك.
جميل من برا ومن جوا بس على الأقل بحاول..
- بس أنتِ جميلة
- لا مش جميلة أنا وحشه حتى شوف مش قابل تبص في وشي ورفضتني ثلاث مرات، مع أن معروف البنت هي الي بترفض الولد.
ابتسم وعينه في الأرض وقالي:
-مش ببص في وشك لأنه حرام، رفضتك دى بقا مش وقته هتفهمي بعدين
- بقولك ايه مش بتقول أنه حرام أبعد كده، وأقطع علاقتك بيا!!
لحظه أصلا مفيش علاقة أبعد بقا يا بتاع أنتَ
سيبته ومشيت وأنا وشي قلب ألوان، غمازاته حلوة بشكل
أنا واحدة غبية مركزة في الغمازات ليييه
ـــــــــــــــــــــــــــــــــــــــ
- سديم بقولك أي
- نعم يا رورو
- في مبادرة حلوة وموثوقة لتعليم القرآن تيجي نشترك.
رديت وأنا فرحانه
-طبعًا يلا هتبقى حاجه قمر
كل دا كان في الشغل بعد آخر موقف تجاهلته ومبقتش ببص في وشه، مكرهتوش بس حسيت بوجع هنا، أيوة في الصندوق الصغير دا.
- أي رأيك؟
-قمر الخمار هياكل منك حتة، بت سيبك من زياد وتعالي اتجوزيني أنا هعملك قرنبيط من اللي بتحبيه
- يععع بقا اسيب أبو غمازات القمر واجيلك، بعدين أنتِ كده كده هتعمليلي القرنبيط هه
- الصحاب في إجازة غوري قال غمازات قال
مش عارفه من غيرها حياتي كانت هتمشي إزاي؟!
روحت الشغل بالخمار ولقيت الكل اتصدم وهو ضحك سمعت ضحكه جامدة منه!!
هل هو بيستهزأ بيا مثلًا، فضلت كاتمه في نفسي لأني عرفت واتاكدت أنه بيضحك عليا.
وأنا مروحة لقيت مروة واقفة بتكلمه؟!
بعد ما خلصت الهانم والأستاذ كلام:
- بتتكلمو في أي؟
- ملكيش دعوة
-بت انطقى
- تؤ تؤ يلا ورانا مشوار
خدتني من ايدي وروحنا جبنا دريس جديد لا وخمار كمان شوف بقا!!
- مش هتحرك من هنا غير لما تفهميني
- قدامي وأنتِ ساكتة يلا.
هتقولولي عايشة لوحدي هقول لأ مرات عمي عايشة معايا بعد ما عمي هو كمان اتكل على الله، مش عارفه منحوسة قوي كده عشان كل اللي اعرفهم وأحبهم يختفوا؟!
الحقيرة زقتني وخلتني ألبس وكلمت عمتي، وفجأة اول ما خلصت لف الخمار الجرس رن!!
طلعت وأنا حاطة الدبوس وبظبط فيه وبصرخ
- مروة يا حقيرررة مش تفهم...، احيي أنتَ بتعمل أي في بيتنا؟!
- في حد يستقبل ضيف كده يا سديم
- عمتو سيبيني في حالي، هو أصلا بيكرهني جاي ليه؟
نطق وش القمر دا وقال
- معلش سبوني معاها سوية
- لا متسبونيش
وبالفعل سمعوا الكلام وسابونيييي اعاا خايف
- آسف
- على إيه!
-من طريقتي فهمتي إني بكرهك بس أنا عمري ما كرهتك مستحيل أكرهك أنا حبيتك، فاكره أول مرة اعترفتي فيها بحبك كنت فرحان مبسوط شعور غريب احتلني فجأة.
لكن لا مش هي دي الإنسانة اللي هكمل معاها حياتي، أنا كنت متأكد إنك زي ما جميلة من برا جميلة من جوة عشان كده رفضت، كنت عارف أن ربنا هيخليكي من نصيبي وبالحلال كمان، رفضت وأنا كلي ثقة إنك هتتغيري للأحسن.
ضحك وغمازاته بانت وهو بيتكلم وقالي:
-لما جيتي انهارده بالخمار متعرفيش قد أي فرحت وضحكت لان اتأكدت أنه ربنا حققلي حلمى وأمنيتي بيكِ عشان كده مستنتش لحظه وطلبت من مروة تساعدني.
قلبي كان طاير من الفرحه وأنا بقوله:
-تساعدك في أي
- إنك تبقي ليا، موافقة تكملي مشوار حياتك معايا بدون ندم وبدون رجوع.
- موافقة
إختلاف البدايات وتشابه النهايات هي اللي بتحلى طعم حياتنا ") 🤎🤍
mayan yahya
