_لو سمحتى ممكن تعدينى!؟🌓🧡 تم تعديل كاملة👇
=الشارع واسع ماتعدى
_ماقصدش انا عايزة حضرتك تعدينى للناحية التانية من الطريق
=وانتى نوغة يعنى ولا اية ماتعدى لوحدك
_وانا لو بعرف اعدى لوحدى هقولك لية جاتك نيلة
=بتقولى حاجة!
_بقول متشكرة لذوق حضرتك
_ممكن تعدينى من العربيات، واه انا مش نوغة ولا فى ناس على الناصية التانية معاهم سلاح وهنخطفك انا بس عايزة اعدى فاممكن تعدينى
قولتهم بسرعة ومرة وحدة كد قولتهم لشاب بعد ما كل البنات افتكرونى امنا الغولة وهخطفهم
-حيلك حيلك اية دة كلو ، عايزة تعدى الشارع تعالى اعديكى
_بجد هتعدينى...اقصد يعنى انى متأسفة جدا على الطريقة دى بس انا فعلا محتاجة اعدى
مشى جمبى وفى مسافة فى النص ، خليتة نحية العربيات علشان لو فى عربية تخبطة هو الاول نياهاهاها ماهو العمر مش بعزقة برضو ياجماعة
_شكرا جدا بجد
-على اية انا معملتش حاجة
مشى وانا طلعت العمارة
كان لازم يابنت الجبالى تنزلى وحدك وتفضحينى كد قدام الناس ، منى لام شرارة حقيقى مالة البنى ادم الانسان لو يقعد فى بيتة كد رايق ولا يقابل بشر ولا يعكنن مزاجة ولا حاجة، بس ازااااى لازم ننزل علشان نتعلم ونروح بلد غير بلدنا علشان الجامعة اااااه على اللى عملتة فى نفسى اااه ،كان فين مخى لما اخترت كل الرغبااات اسكندرية واعاند فى ماما انى كبرت وعادى لو اتغربت مش هيحصل حاجة ، واهو حصل حاجات مش حاجة منى لام شرارة حقيقى.
روحت الكلية وركبت من تحت البيت عادى وحضرت محضراتى وخرجت الاقى الليل ليل !
اية التهريج دة انا خارجة من الصبح ارجع بليل كد!
هو لازم اتعلم! يعنى لازم اروح الجامعة وكد!؟ مش لازم والله حتى الست ملهاش غير بيت جوزها ولا اية ياجماعة
نفس حوسة امبارح تانى ، مش عارفة اتنيل اعدى الشارع ، دمعت غصب عنى!
اتعصبت اكتر لان مش من عادتى انى ادمع قصاد حد اصلا مابالك فى الشارع بقا!
ببص حواليا مفيش اى حد بيعدى الشارع علشان امشى جمبة حتة!
قعدت على الرصيف مستنية اى حد يعدى واعدى معاها ، كنت بلعب بعصاية فى التراب واذا حد يقف قصادى
-محتاجة تعدى!
_اه ياريت...اقصد يعنى..
..حضرتك مين وازاى تقف معايا كد
-يبقى مش عايزة تعدى خلاص براحتك
_لا لالا مقصدش ، ممكن تعدينى
مشى قدامى ونفس اللى حصل امبارح حصل انهاردة بخلاف انى لما شكرتة قالى انة شغال فى الكافية اللى فى وش العمارة وياجماعة اية الكافية الجامد دة واية جمال الكافية دة وتشيرتات الكافية و عيون الكافية استغفرى ربك يافاطم غض البصر ياماما مأمورة بية انتى
بقيت كل يوم بروح الكافية اشرب ايس كوفى ولما اخلصة الاقية بيقولى محتاحة تعدى ، ويعدينى، مفيش بينا كلام ولا حاجة وانا بروح هناك علشان يعدينى الطريق وبس انا قولت اقولكو لاحسن مخكو يروح بعيد ولا حاجة
-ايس كوفى، برضو!
_اية.. اه اه ايس كوفى
مكنتش مركزة ، ماما توها مبلغانى ان فى عريس ولازم اقعد معاه وأنها مش هتعشلى العمر كلة وكل الكلام دة وبما انى ابنة بارة فاوفقت بس انا متوترة سيكا لا سيكا اية انا متوترة جااامد
-هتوافقى!؟
_مش عارف
-مش عارفة اية
_مش عارفاه هو دماغة اية بيفكر ازى بيشتغل اية فى اسألة كتيرة اوى لما اقعد معاه هلاقى إجابة
-اسألة زى اى مثلا !
_مثلا وردة اية فى اليوم ؟ بيصلى فى المسجد ولا البيت؟ حافظ القرآن؟ حافظ كام حديث؟ وبار ب....... انت مين أصلا واية اللى قعدك معايا هااااار اسوح
قمت جريت من المكان كلة ومش عارفة هعدى ازااااى بس الحمدلله فى عيلة لطيفة كد بتعدى عديت معاهم من غير مايخدو بالهم
تانى يوم اخدت شنطة فيها كام غيار ليا وروحت على محطة القطر علشان اروح عند اهلى
وصلت بيتنا ومصدعتهمش خالص ياجماعة ولا فضلت احكى عن كل تفصيلة حصلت ليا فى اسكندرية ولا اكلت الاكل كلة ولا فضلت اغنى فى كل مكان ولا غلست عليهم خااالص
+نمتى يابنتى
_تعالى ياماما صاحية
+جاى بكرة
_طيب ياماما
_ماما ممكن تنامى معايا وتحضنينيى، وحشنى حضنك ياست الكل
فعلا عملت كد وقد اية اطمنت فى حضنها
+قوووومى كل دة نوووم
_اية حصل اية
+محصلش حاجة ياختى خاالص
_طيب
ونمت تانى
+قومى ياخرة صبببرى قومى اناس جاية بعد ساعة وانتى نايمة
اية يعنى مايجو وانا هفرشلهم الارض ورد
+قومى البسى يلاااااا
_البس قبل مايجو بساااعة لييية هلبس مليون قطعة
+ربنا يصبرنى والله البنات مش بيكفيهم ساعة وانتى شايفاها كتير، ربنا يعوض عليا يارب
_هيعوض عليكى ان شاء الله متخافيش
كوباية نسكافية اروق بيها على دماغى واحاول اقنعها باللى بيحصل وان المفروض هقابل شخص معرفوش بعد كام دقيقة وهقعد معاه لوحدنا وان المفروض برضو ماتوترش علشان مافقدتش السيطرة على نفسى واعمل حاجات اندم عليها
لبست ادناءه بينك وطلعت لما سمعت بابا بينادى عليا ، قامو كلهم وبابا كمان قام بس كان شايفنا بس مش سامعنا
مرفعتش راسى من الأرض
-عديتى الطريق ازاى
_طريق اية
-من البيت للمحطة
_ركبت عربية ومنزلتش منها لحد ماوصلتنى المحطة وبعدها جيت هنا برضو بعربية مخصو.... اية دة انت اية اللى جابك هنا
-علشان اجاوب على اسألتك
_اسالة اية
-اللى هتسأليها للعريس
_ايوة وانت هتجاوب لية يعنى
- لا بقولك اية ركزى معايا كد
_اه اه مركزة
-مركزة اية بس ياشيخة انا العريس
_عريس اية
-!!!!؟
_لالا بجد بتهزززر
-هعتبر انك سألتينى وهجاوب على اسألتك
-انا ياستى بصلى فى الجامع وليا ورد فى اليوم للاحاديث والقرآن، والحمدلله خاتم المصحف ، موافقة!؟
_على اية...اوافق على اية؟
-تتحوزينى ، موافقة تتحوزينى
_هتحفظنى قرأن ونقرا الورد سوا وتسبح على ايدى كل يوم؟
-ياحج المأذون ياحج
"احتلالك اللطيف لكيانى..... يدغدغ قلبي
