_ ممكن أعرف لي رفضتيني !
بعتلها الرسالة دي و أنا بدمع و كنت اول مرة أعيط من بعد وفاة أمي بس هي لي رفضتني هي عارفة اني بحبها اوي !!
ردت بعدها بساعة
_ نصيب
_ انتي عارفه أني بحبك
_ الحب مش كافي أن العلاقة تكمل
_ امال اي الي كافي !
_ مش هعرف اشرحلك بس هفهمك ،، لو أنت واحد عارف ربنا و متقي الله فيا ف ده عندي أغلى و أعظم من حبك ليا و لو انت واحد حبك ليا عظيم و مش عارف ربنا عمرك ما هتتقي الله فيا ممكن تخون ممكن تمل الله اعلم بس ده لأن قلبك ملكك مش ملك ربنا
_ انا قلبي ملكك انتي
_ شكلك مفهمتش لما تفهم هوافق
بعتت الرسالة دي و عملت بلوك حاولت افسر كلامها يعني هي فعلا هتوافق لو فهمت ! بس افهم اي ما انا عارف ربنا اه مش مواظب ع الصلاة اوي بس عارف ربنا .
سمعت الفجر بيأذن كنت هنام و اصليه صبح أو يروح عليا كالعادة بس لقتني نويت اتوضى و كنت هصلي ف البيت زي أغلب الوقت بس لقتني نزلت الجامع الي انا مش بنزله إلا ف صلاة الجمعة فقط .
" قل إن الموت الذين تفرون منه فإنه ملاقيكم "
كانت أول آية بدأ بيها الإمام الصلاة دمعت في السجود و دعيت ربنا الهداية .
بعد الصلاة كان في درس ديني اترددت أحضره بس قولت مش هخسر حاجة قعدت و كان فيه بيتكلم عن أصحاب الشهوات.
الشهوة هي غريزة جنسية زُرِعَت داخل الإنسان لإعمار الكون يعني عشان التناسل .
هبتدي الشرح بضرب مثال صغير . لو مثلا أنت شاب في جامعة و شوفت بنت قدامك لبسها واصف و مغضتش بصرك عنها هتميل لشهوتك و لقيت مكان تقدر تجتمع بها فيه بس بشرط انك بعد ما ترضي شهوتك هتترمي في الأوضة الي مليانة نار دي لو انت بس بصيت للأوضة هتنقطع شهوتك .
خلاص خوفت مش عايزها فـ لو أنت كل ما تيجي تمارس شهوتك و أدركت عذابك و عقابك هتنقطع عنك الشهوة
و بعدين خد بالك معايا أن الموضوع كله ابتدأ بنظرة يعني انت لو غضيت بصرك مكنتش شهوتك اتحركت من أصله
طبعا رجالة كتير بتخون مراتتها و زوجات كتير تخون رجالها ده كله بسبب غريزة الشهوة.. طب لو انت قلبك قريب من ربنا هل الغريزة دي هتسيطر عليك طب أنت فكرت ف عذابك و أدركته مش شهوتك بردو هتنقطع!
و بصوا بقا أغلبية الخونة بيكون بسبب الإهمال سواء الزوجة أهملت رجلها فخانها ،، أو سواء الراجل اهملها فخانته .
و انا بتكلم عن الأغلبية مش الكل لأن في خاينين بتكون الخيانة دي چينات في دمهم .
عارفين انا كنت بصلي جماعة بأختي قبل كده سمعت صوت دعائها في السجود و هي بتقول
" اللهم ارزقني بـ رجل إذا جاءته إحداهن قال معاذا الله "
يعني أكتر حاجة المرأة بتتمناها هو الرجل الي قادر يسيطر على غريزته عشان ميخونش و لذلك تيجي تتقدم للواحدة تقولك بتصوم السنن ولا رمضان بس ! طب لي أول حاجة مسألتش عليها الصلاة و لي الصيام
قالك لأنه أكتر حاجة تساعد على التغلب ع اي معصية حتى غريزتك الجنسية . لذلك أكثروا من الصيام
طب بردو بيقولك أيام الصحابة و الرسول كان فيه رجل بيغير ع بناته جدا يخرج يقفل عليهم و مش بيخرجهم ولا بيفتح شبابيك بيتهم أو كده فلما جاله واحد بيطلب ايد بنته الراجل فرح جدا و ذهب للرسول و هو بيضحك و قاله فلان جه لبنتي قال له الرسول صلى الله عليه وسلم
" جدع الحلال أنف الغيرة " .
فضل الشيخ يتكلم و كان بيأكد في كلامه عن غض البصر كل
شوية يقول و إن الفتنة لتأتي بنظرة .
خلص كلامه و الدرس انتهى و نده عليا
_ نعم يا فضيلة الشيخ
_ اتمنى اشوفك في دروس الدينية كلها و الصلاة طبعا
_ أن شاء الله
_ اللهم الدوام لكَ
روحت البيت و فعلا بقيت انزل اصلي و احضر الدروس الدينية كلها فات سنة و ختمت القرآن و فات سنة و بقيت إمام الجامع .
قابلت واحد و انا رايح المسجد كان صحبي من زمان شافني و بصلي بإستغراب
_ حمزة ! انت لابس عباية بيضة و شكلك شيخ كده لي
_ انا رايح أقيم الصلاة
_ انت ! بتهزر بجد !!
_ لاء بجد
_ انت ازاي تنفع إمام
_ ربنا تاب عليا و ربنا يهدينا جميعا كمان و كمان
مشيت و أنا بكلم نفسي ربنا بيتوب و يغفر و يسامح و الناس حافظة غلطات بعض !
روحت البيت في اليوم ده و لقيت مسچ منها
" صوتك حلو اوي و أخيرًا فهمت "
لmayan
