بقولك ايه ما تيجي اعزمك على شاي بالنعناع والباقي من عمري؟
- أفندم!
بصي يا ليل انا يونس انتي اه متعرفنيش بس انا عارفك وعارف كُل شئ عنك
- ليل بأستهزاء.. هه جاسوس
طيب تعالى نقعد في كافيه أفهمك كُل حاجة
- هو اي حد يقولي يلا يبقى يلا؟ وبعدين انا اعرفك منين!
خلاص مالها الجنينة حلوة الجنينة..قعدت جنبها.. بصي بقى ياست ليل انا بقالي سنة واقع فى حُبك عملتي اللي محدش قدر يعمله معايا، أد ايه انتِ طفلة وريأكشناتك اللي بتخلي قلبي يدوب ولُطفك
- مش فاهمة حاجة !
بصي انا مش ساكن قريب منك لا انا بعيد، انا بجيلك سفر تلت ساعات جاي وتلاتة رايح ودا عشان اشوفك ساعة واحدة بس واللي غاوي بيجي لحبيبه من اخر الدنيا يا ليل
- كل دا عشاني؟
من ساعة ما عيني وقعت عليكي وهي مش شايفة غيرك يا ليلتي!
- ها كمل..
عارف كل تفصيلة عنك يا ليل، عارف بتكرهي ايه وبتحبي ايه ولما بتفرحي بتعملي ايه ولما تزعلي بتعملي ايه، عارف ادق تفصيلة، مثلا مشروبك المفضل شاي بنعناع، بتحبي الكرتون آه مانا واقع في غرام طفلة، بتحبي الروايات والكُتب وبمناسبة الكُتب انا جايبلك دلوقتي كتاب ايكادولي، لما بتتعصبي بتسمعي ميوزك لما بتفرحي بتحبي تعملي أي شئ عشان تخلي اللي حواليكي فرحانين زيك، وحاجات اكتر بكتير انا عارفها..
- طيب طالما بتحبني من سنة مجتش قولتلي ليه من سنة يا يونس!
عشان كُنت مستني ابقا قدها ومستني اكون نفسي وابقي مقتدر عشان اجي واخد معاد مع الحج وبقيت قدها ودلوقتي بقولك عايز اخد معاد من الحج عشان تبقي ادام الناس كلها ملكي يا ليل
- طب خد بالك الكاب اللي كُنت لابسه امبارح يلزمني!
نعم؟
- ايوا الكاب اللي كنت لابسه امبارح وانت واقف تحت بلكونتي !
يعني كنتِ واخدة بالك؟
- بقا طول السنة دي يا يونس كُنت بتجيلي كُل يوم من غير ما تمل! كُنت بشوفك وبطلع من البلكونة عشانك وأكيد انت صاحب رسايل الصراحة المجهولة، كل يوم يا يونس بتبعت، كانت اول رسالة جتلي منك كانت انا هاجي بس اصبري هاجي ومش هخليكي غير ليا وكتبت ف الاخر من مجهول ودايماً رسايلك كان بيكون اخرها من مجهول واخر رسالة اللي هي امبارح كانت انا خلاص نفذتلك كلامي وجايلك في أقرب ما يكون والمرة دي مش من مجهول من ي.س .
- إمل منك ازاي يا ليل وانتِ أستنيتي من غير ما تملي، يا اعظم اختياراتي!
- طب خد عندك بقا رقم الوالد يلا
- وهتبقي ملكي لأخر العمر! ♡
دا الغاوي يجي لحبيبه من اخر الدنيا ♥.
mayan
