توجع روحتك مني
مثل جرة المحبس بيد محتركة...
***********************
غزل
****
غزل:نعم قبلت وانت وكيلي
كلتها واحس گلبي نار اسمع صوت هلاهل امه وصل السابع جار
سئله الشيخ وجاوبه وجان فرحان نبرة صوته بيها فرح
كومني ورجعت ع الكوشة وهن ضلن يركصن
لشوية وكالوا تغطن راح يدخل العريس يمه احس كلبي راح يطلع من صدري دمعتي بالكوه كاتمتها
دخل حسين وجانت اكو ابتسامة ع وجهه طبعا حسين كولش حلو اسمراني وطوله مو طويل مثل امان وازاد وعلي بس طوله حلو متناسق ويه طولي وعنده لحيه ثخينه وعاقد حواجبه ع طول واحلا شي غمازاته كلش حلوات
اجه يمي لزم ايدي وباس راسي
حسين :الف مبروك بنيتي
غزل بارتباك: الله يبارك بيك
كعدنا وشوية ركصن وكالله لبسها الذهب اخذ الحلقه لبسني وانا لبسته لبسني الكلاده ووصل للتراجي
حسين:اكللجن لو جايباتلي قنبله افصخها ولا هذن مايصيرن
ههه يحجيها بطريقه تموت ضحك ضحكنا كلنا اخذتهن غلا لبستنياهن
كعدنا شوية وجان يكومن يصيحن
(بوسها ...بوسها....بوسها)
وانا اخزر بيهن وهن ولا يمهن وهو يشوفني اخزر بيهن وميت ضحك اخر شي جر راسي وباسني بخدي وطلع
احس صخنت اقسم بالله عبالك مو بوسه
خلصت الحفله وتقريبا الكل راح بدلت فستاني طبعا ما كلتلكم الفستان جان اوف وايت مو كلش قصير للركبة تقريبا ردن كاملة كولش حلو ونازك
دخل علي ماعرف وين جان حظني
علي وهو مدمع:بنيتي صارت عروس وراح تتزوج ولجن شبسرعه كبرتن احسج بعدج الطفله ام ال7 سنوات التخاف تنام بالغرفه وحدها تجي تنام بحظيني ونزلت دمعته وكبل مسحها
حظنته وصرت ابجي ابجي من كل كلبي كلمات علي هيجت جروحي
:ماعوفككك والله والله هسة الغي كلشي بس لاتزعل
:ههههه يمه فدوة لبنيتي
غلا:ولج فضحتينا بعدج ستوج انخطبتي تردين تفركشينها
غزل:اي اهم شي علاوي
احنه نحجي وعلي ميت ضحك اخر شي جرني لحظنه ضلينا كاعدين فترة وبعدين كل واحد راح لغرفته
ازاد
***
رجعت للبيت لكيت الباب مفتوح استغربت منو جوه
دخلت جوا
امان: شلونك ابو الزود
التفتت لكيته توه طالع من الحمام
:امان حظنته
:لك كوا.. هاي شوكت جيت
:يعني الواحد يستقبولنه بهلا حبيبي كلبي عمري مو كواااا..
:ههههه اي شسوي ذنيج احسهن مال تافهين،شلونك شعجب رجعت
:شلوني ابيض ع احمر خخخخ
:لا مو احمر حماار
:ههه شكرا
:انجب جاوب
:يمعود باجر النتائج واجيت حتى نستلمها سوا
:اها اي خوش سويت
:اي اكلك
:ها
: جوعان جوعه بحيث هسة عندي استعداد اكلك
:ههههه الله يطيح حظك
:والله شبيك لعبت نفسي من اكل المطاعم شحلاها الطمامة وبيض يمممم
:ادلل بس خ اغير ملابسي واسويلك
جان مبتسم اختفت ابتسامته وصار وجهه بارد عبالك جان ناسي الدور اليمثله وهسة تذكر
:انخطبت مو
:لا اجو ركصوا وراحوا سؤالك تافه
:لا مو جان عبالي تلغيها هه حجاها بسخريه
:ليش تبطل يعني مافهمت
:يمعود خ يولون روح بدل ترا جوعان
:رايحح رايحح شكد تلح ادري مخلفك وناسيك
:ههه اي ابتليت بيه بعد
:واحلا بلوة
أنت تقرأ
شارع السلام
Mystery / Thriller"باللهجة العراقية" ثلاث اصدقاء ثلاث قصص يواجهون معا متاعب الحياة يعيشون حياتهم ببساطتها فماذا سيحدث عندما يدخل الحب لحياتهم قصه كوميديه رومانسيه دراما فيها المظلوم والظالم بها الصديق والعدو فكيف سيجازيهم القدر !" تابعوا معي قصتي الاولى *القصة واقعية...
