شارع السلام

البارت 27

عَريان يكَول :

- ومِن وِصلنه البابهم كَالو شجابك ؟
لا تِجينه

فَـ  يرد كاظم إسماعيل :

- تالي طِبگوا بابهم وبِـ نار فَشلتنه نچِوينه

*****************************

ازاد
****

:غلاااااا
كلنا التفتنا واشوف غلا واكعة بالكاع علي طفر عليها شالها وامان راح جاب سيارة ابوه وطلعوا للمستشفى انا بقيت يم البنات مو مال اعوفهن

طلعت برا ادخن صارت الدنيا المغرب وهم ماكو قلقت عليهم
اميمه:عادي اكعد يمك
فززني صوت اميمه التفتت عليها وجهها احمر وعيونها مدمعه مديتلها ايدي وجريتها كعدتها بصفي حطت راسها ع رجلي وضليت امسح ع شعرها
ساكتة وسكوتها غريب

ازاد:باباتي
:هممم
:شبيج يبعد ابوج
نزلت دمعتها ع رجلي
:علي راح يزوجها غصب مو
سكتت لان ماعرف شجاوبها وانا ماعرف علي بشنو ديفكر
كومتها ومسحت دموعها
:شوفي باباتي اولا مالج دخل بهالموضوع عوفيها ع الله زائد ماعرف علي بشنو يفكر
دنكت راسها وفركت اديها بتوتر
:ازاد تزوجها
رفعت راسها طكيتها بخزرة
ازاد:شنو هالحجي
اميمه ببكاء: ازاد والنبي اسفة بس ماعرف شسوي ماريدها تتزوج بارق لان اعرفها رعنة وعقلها مو براسها وراح تعذبه واحتمال 90% تتطلك من عنده وساعتها ترجعلنا مطلقة وانت تعرف مجتمعنا الفاشل شلون نظرته للمطلقه انا ماريدها تتعذب وحطيت ايدها ع وجهها وصارت تبجي

مصدرم من كلامها وتفكيرها يعني طفله كل عمرها 14 سنة وتفكر بهالعقلانية وذيج الرعنة افكارها مال جهال بصراحة خلتني اقلق انو فعلا ممكن هي تتطلك والكل يدري بافكارها هاي اذا تزوجت اذا ما انتحرت قبلها يعني الكل متفاجئ من غلا الي هي طول عمرها رزنه بحيث علي يكول احسها اخوي مو اختي ع كثر عقلانيتها بس شنو الصار وليش هيج صار ماداعرف معقولة الحب هيج يسوي!
يي يسوي ليش لٱ اني ماشايفها غير كم مرة وحته بالمركة صرت اشوفها شحال هي وانا مكابلها وكاعد بس حتلو ه̷̷َـَْـُذآ الشي يقلل تربيتها مثلا يوووو ازاد شبيك كافي

صحيت من تفكيري اباوع اميمه صافنة بوجهي
:ها يابه شمالج ع كولت حجيه عفه
اميمه وهي مستغربة:بيك شي ازاد وحطت ايدها ع كصتي لٱ ممصخن لعد شبيك
دفعت ايدها
:شبيج ولج
:تدري بروحك شجنت تسوي وكامت تعقج بوجهها وتاشر بايدها واخر شي ضربت راسها
:خاب شمالج تخبلتي
:ههههه لٱ والنبي انت هيج جنت تسوي
:يي يي انجبي كافي كومي ادعبلي جيبيلي جاي
:يي انتو ماعدكم غير اميمه جيبي جاي وودي جاي استغفر الله ياربي
ابتسمت وانا اتذكر غيرة الريم من اميمه هههه خبلةةةةة

عاطت اميمه من جوا:انتتتت مخبلللل
ها الظاهر حجيتها بصوت عالي ههههه

لل7 بليل اجو غلا مشكليلها مغذي اخذتها غزل واميمه وعلي وامان دخلوا للاستقبال
عبرت من يمي وصارت عيني بعينها وجن عيونها تكلي ليش هيج سويت خرابي بسببك ماسامحك او بمعنى ثاني كون توكع بمثلك
رديتلها نظرة وهي واكع واكع لتخافين
ابتسمت بقهر ودنكت ومشت
صراحة انقهرت عليها بس ڱڵـه من ايدها هي الخربت نفسها