شـارع السلام
للكاتـبة: هناء الشمري
البارت : 67
-
-
-
-
تعذبني
وأغنيلك
ويجي غيرك يدللني
وأرد أردود أصليلك
يعايفني
بخور بگبر مو گبري
غريبة ولاية الموتى
وهناك اليسليني
قهر روحي
ويخنگني
ضحك ليلك.
------------------------------------------------------------
الريم
--------
سديته منها وكمت راسي طايش رحت للحمام اهووو جايتني الشهرية من جد مو وكتها غسلت وجهي
رحت سويت قهوة حتى اصحصح شوي وكعدت اتصفح وصلني مسج منها
غزل
"البسي احلى فستان عندج "
اسم الله الرحمن شبيها هاي شكو لابسه فستان
رديت عليها
"ليش اسم الله خاف ناوية تتزوجين "
شوية وطلعلي يكتب...
" نصيحة وراح تتندمين اذا ما مشيتي بيها. والنبي"
جاوبتي
"خايبة دطيري نصيحتج خليها بجيبج "
سديت الفون والله هاي بطرانة بيه حيل ابدل
باوعت ع جهرتي بالمراية بس تجيني راسا يصير وجهي اصفر ههف
كمت رتبت البيت شوية وكعد ماجد هو بالعادة احنا مانكعد للظهر
ماجد:صباح الخير
الريم: ظهر الخير گلب گلبي ياصباح الخير الساعة بال1
ماجد: اهو حجت الغثة
عيبت عليه ضحك وراح يغسل
كعدت اگلت ببيجات الانستا ادور فساتين بس اكلب بدون ما اشتري ههههه
ماجد: اكلج جوعان
الريم: اي والله حتى اني
باوعلي صفح
ماجد: لعد ليش ممسوية زقوم نريد ناكل
رفعت ايدي بوجها
الريم:اخاف اظافيري يتكسرن
ماجد: هاج هاج زيج يلوك لهلوجه
فحطت ضحك وهو عصبي
وصى ع صاج وبيتزا وهل سوالف
كعدت اصبغ اظافيري وهو يراسل مدري منو شوية وحجه
ماجد: اكلج شنو هالتبهذل كومي بدلي ورتبي روحج
كلبت عيوني بملل
الريم:يسالفة التبديل شلون وياكم كل شوي ناط واحد يكلي كومي بدلي ادريي شعندي عرسس
ماجد:اووي لج دادة كومي اهتمي بنفسج شوي شنو هاي
الريم:دادةة بالاحدد عنديي امتحانن يلوگ لهالحلگ
ماجد:ههه انزول عليج
حجه بجدية
لٱ صدك يولي كومي بدلي والبسي ارقى لبس عندج
گلبت عيوني
:لويش؟!
ضل صافن وشوية وحجه
ماجد:عرس صديقي ايي عرس صديقي واريد اخذج وياي
الريم:هااا وعرس صديقك بالوحدة الظهر موهمد سلوات
يباوعلي واباوعله اني ادري بي جذاب وهو يدري انو اني ادري بي جذاب
ماجد: بال3 ونص اريدج جاهزة خوششش
الريم:وهرش خوش شسوي امري لله بس والنبي اذا شي تافه احركك انت وذيج العگرگة
ماجد:خخخخخ يله دادة جاو
الريم:انزولل جنك بنية
شمر باكيت الجكاير عليه ههههه
وصل الاكل كعدنا اكلنا
خلصت ورحت للغرفة
اوووف والنبي مابيه انوب تعاي البسي ههف
رحت فتحت الكنتور وصافنة عليه باثناء صفنتي دگ الجرس
مديت راسي لكيتها مريم
باوعتلها باستغراب
:الًيَوُمًِ شنو شو كلكم غريبين اطوار هذول يردوني ابدل وانتي جايتني والدنيا برا جهنم وبئس المصير
مريم:اهوو خايبة شبيج اكو وحدة هيج تستقبل خطارها
كلبت عيوني
:انجبي وتعالي ادخلي شكو صانة بالباب
مريم:تف ع شاربج يالوسخة
أنت تقرأ
شارع السلام
Mystery / Thriller"باللهجة العراقية" ثلاث اصدقاء ثلاث قصص يواجهون معا متاعب الحياة يعيشون حياتهم ببساطتها فماذا سيحدث عندما يدخل الحب لحياتهم قصه كوميديه رومانسيه دراما فيها المظلوم والظالم بها الصديق والعدو فكيف سيجازيهم القدر !" تابعوا معي قصتي الاولى *القصة واقعية...
