شارع السلام

البارت 32

ياهلا وجثير الهلا
شلونكم شخباركم سولفولي سولفولي الطلاب شلونها دراستكم اخباركم اموركم
ها اني كلت ما انزل هسة بس شفتكم مكطعين روحكم ع الرواية سودة عليه لدرجة حتى المنصة محد يكلبها 😒💔
وهسة اخليكم ويه البارت لٱ تنسون التصويت ومن هسة غلسوا ع السحك
مبين من بدايتها السحك اريد اكتب غلسوا ع السحك اكتب غلسوا ع التصويت هههههههه
يله مشاهدة ممتعة
********************************

" خل تفض "
يالتلمّح تريد نگلك و ترفض
ما عايز مريض يسوي هيج وياي
" أنه من كاعي متمرض " .

**********************************

غزل
****

صدمة جنه كلنا تحت تأثير الصدمة شديحجي علي وواضح انو هو جدي اباوع ع غلا صافنة والدموع تلالي بعينها وتباوع ع علي وكانوا تتوسله "لٱ تجرحني بس انت بقيتلي"
وهو يردلها "خسرتيني!"

نزلت دموعي واني اسمعها تكله
غلا:هههههههههه يي عادي بقت عليك سويها واغدرني كلها غدرتني بالاول ماما من عافتني ام لبنيتين وانا كل عمري سنوات وانا طفلة اتعذب يوم ورا يوم لان ما امسح الطباخ انكتل وانجوي واتحمل بس كله لخاطر خواتي وجنت ما احجيلك اكول خطية يتعب لخاطرنا اتحمل اتحملي غلاااا هذاااا اخوججج متحملللل لخاطرج اسكتي لتحجين واشوفك شلون تهتملنا اموت قهر من اشوفك تتعب لخاطرنا ولما حبيت ازاد انااا ما اجرمتتت يعنني الواحدد يجرممم يحب لوو بسس الكمم الحبب حلالل هسة ازادد مو يحب الريمممم ومن تزوجت كلكم غلطتوا عليها ليش متطبقون نفسسس الشيي وتشوفونيي اني شلون احبه واريده وانتو تردون تزوجوني لغيره ليششش لانوووو انااا بنتتت عيب انتي بنية عيبب انتي صخيمةةة عيب عيب عيب عيب لتاكلين عيب لتضحكين عيب عيب عيببببب اللله ياخذكم

التفتت ع علي واشرت باصبعه بحركة تهديد
اسمع استاذ علي راح اوافق ع بارق بس قسمممم ياعلي باليوم الي اطلع بي منا بعد تنسى انو عندك اخت اسمها غلاا وخطيتي وخطية بارق بركبتك ليوم الدين وما اسامحك وعساها حركة كلبي بيك انت والريم بجاه كلمن عنده جاه

وعافتنا وفاتت واحنه تحت تاثير الصدمة اول مرة غلا هيج تحجي ع علي لانو هي اكثر بشر بالكون تحبه هو علي

اباوع ع علي واكف وشاخص عيونه والدمعة تلالي بعينه اميمه ستوها تريد تتقرب منه اشرلها بايده وعافنا وراح الغرفته

اميمه صارت تباوعلي بحيرة وانا ابادلها نفس النظرات رحت سويت عشا محد اكل محد اله نفس ياكل رحت بالحديقة وصفنت وين جنه ووين صرنا جنه شلون عايشين كلنا ايد بايد ستتنا حنه نعاني ونفرح ونحزن سوا بعمري ماحسيت اكو حاجز بينا جانوا اخوانه من صدك بس خربوها امان وغلا من تحولت مشاعرهم للحب

الحب حلو بس مو دائما اوقات يجي دوة للكلب مثل حب حسين الي ومرات يكون جرح مثل حب امان الي ومرات يكون جنون مثل حب غلا لامان ومرات يكون وجع ودمار مثل حب امان للريم