شارع السلام

البارت 43

شارع السلام
للكاتبة: هناء الشمري
البارت:43
-
-
-
- شايف من تمشي عدل
وتعثرك الايام..!
شكو مخربط يصير براسك معدل..!
••••••••••••••••••••••••••••••••••••••••••••

اميمة
°°°°°°

اركض بكل سرعتي واني كامشة ايد ليلينا الي تعبت وما عادت تكدر تتنفس ركضنا ركضنا الا ان دخلنا ببستان جان كلش جبير وبي هواي اشجار ونخل والكاع الجوة حشيش فهذا الشي الي ساعدنا نختبئ

رزان: اميمة بعد مابيه اركض احس كلياتي وكفن ومحمد
حجيت واني الهث
:امشن بس شوية نكعد بمكان محد يشوفنا لان اكيد هسة حسوا ع غيابنا

ليلينا: اميمة برايك الشي العملنا صح؟

صفنت بوجهها واني افكر صح تصرفي من شردت من يمهم لْـۆ هالشي راح يزيد الطين بله حاولت ما ابينلهم خوفي
رديت: اي طبعا صح شتردينه نبقى هناك حتى نعرض حياة علي للخطر لْـۆ اموت ما اسويها

سكتت ليلينا ماحجت بس بينت ع ملامحها الخوف والمشكلة صرت اخاف من احساس ليلينا لان دائما بمحله وياخوفي يلكونه ساعتها نوكع بيها ويوكلونه وحل

صرت ادخل بين الاشجار الا ان وصلت يم مكان مال سعف مكسر وصاير تل عالي مكان اقل ما يقال عنه مبعثر وهذا الشي من حسن حظنا كتلهن اوكفن باوعلي باستغراب

رحت عليه سويت مكان بحيث نكدر ندخل داخل السعف كتلهن ادخلن

رزان: من كل عقلج اميمة شوفي المكان يخنك
رديت بعصبية
:رزاننن مو جنجج هواييي تعلقين اكعدي واسكتي واذا ماتردين ضلي واكفة يجون ياخذوج طبج مرض

رزان:اووي شبيج عصبية
ليلينا:لانج تافهه وعيارتج مو وكتها
ردت بشهكة
:عزا العزاج ليلي اني عيارة
:اي عجل جدي
:الله ياخذج وياخذ جدج وياج
:اخذه من زمان هههه

اميمة:واكفة واباوع ع تفاهتهن عطت بيهنن
:قسمممم بذات الله اذا اسمع صوت وحدة بيجن اعوفج وارجع وحققق الحققققق

سكتن ماحجن جبرتهن يدخلن واني هم دخلت حاولت اغطي المكان قدر المستطاع صح ضيق ويخنك بس ما باليد حيله شنسوي جانت الدنيا مغرب صرنا وحدة فوك وحدة وكل وحدة صافنة بمكان تذكرت شلون طلعنا مناك جان الخوف مسيطر علينا بميث انزل الدرج رجليه وحدة اطخ بوحدة بس حاولت اصمد واكون قوية لخاطرهن لان فاهيات ومابيهن حظ

قررنا نهرب بعد ما سمعنا

قبل يومين
********

:منو اخوها
صفنوا عليه وكأنو تذكروا انو هالحجي كدامنا ماحجوا شي سدوا الباب وراحوا

ليلينا:اني اعرف
التفتت عليها وحجيت
:شنوو!
ليلينا: من اخذني ارميا وياه اجه ه̷̷َـَْـُذآ الشخص واخذني كنت امشي وياه وقالي هذي غرفه ارميا قبل لٱ ادخل سمعت حديثهم سوا
لجين:ارميااا شدتحجييي من كللل عقلككك لااا اكلككك مووو صوجككك انييي الييي اجيتت وطلبت منن واحددد مثلكك
ارميا:ليش ما تخرسين
لجين:انجبب حقيرررر هسةةة صارللي الاخ الطيب الودود
ارميا:لجيننننننن اخرسييي اسمعيني انتي ليش ماتفهمين انتي تريدين الانتقام لاخوكِ والي قتل اخوكِ هو علي وكان سبب قتل اخوكِ هو امان وبمساعدة مرتضى وجماعتو انتي قدرتي تخطفيهن وطلبتي مني اخبيهن وبالصدفة لقيت اختي معهن شنو تردين اعملللل
لجين:انت مو جنت تكرهها شصار هسة
ارميا: ولا زلت اكرهها بس بالوقت نفسه ما اسمح لاحد يأذيها اوكييييي
لجين:محد يمنعني عن غايتي اوكيييي