شارع السلام

البارت 59

شارع السلام
للكاتبة: هناء الشمري
البارت:59
-
-
-
-
-
-
على يا ذمّة توصيني ؟
وحياتي انت ونبض يسري بشراييني
ويظل اسمك علامة يوسّم سنيني ،
ولوَنك مو دمع ما شالتك عيني ..
ويلوموني واحسّك تكبر بروحي ويلوموني
وانا بلا شوفتك شينفعن عيوني ؟
يشوكي ، ورجوتي ، ودنياتي ولوني ،
وعذابي ولهفتي وشكواي وضنوني .
يخيّ عونك عليّه وبيك خيّ عوني
يواهس تضحك الدنيا على شفافك .
يبو الليل الحلو اليلعب على چتافك ....
أحس روحي تآمن بيك وتخافك
واحسّك ..
مدري شنهو انت وشنو اوصافك ،
ولا غيرك نبع بالشوك يرويني
وتوصيني ...
------------------------------------------------------------

-
شلونكم كليبات
لٱ تنسون التصويت والتعليق +متابعة الحساب
مشاهدة ممتعة..!
.
.
------------------------------------------------------------

غزل
-------
من بعد ما شكتلي ليلينا من تعامل علي وياها وطلباته الغريبة
حجيت وياه وحاولت افتهم من عنده شنو السبب
واكتشفت من خلال جوابه انو هو خايف تهرب منه فجان يحاول يسوي اي شي حتى متتركه

فهمته انو بهالاسلوب تبقى وياك بالعكس هيج راح تخوفها وبالعامة الانسان يهرب من الشي اليخوفه

والحمدلله سمع من عندي وحسن معاملته الها وبطل يطلب منها حسب ماهي كالت

مرت الايام والاشهر
ومر ع خطوبة علي وليلي 4 اشهر
صار 4 اشهر ماشايفه حسين حتى ع ابنه ما اجه شافه
وهذا الي اريده اريد اربي ابني وحدي واعلمه المبادئ وانو المرة التحبك حافظ عليها مو تروح تخون بحجه الشرع

كارهة الزلم بصورة عامة وماداتقبل اي احد وداشوفهم كلهم يخونون

خلصنا امتحانات الفاينل بس النتائج بعدها ماطالعه بس المهم خلصنا من الدوام والخبصة

الريم بهالفترة تواصلنا بشكل يومي اني وياها ومريم
الريم حجتلي ع مشاعر ماجد ابن عمتها لمريم
وحاجيناها ورفضت رفض قاطع

شنو السبب وليش ماعرف بس تكول ماريد ارتبط الا اخلص دراسة

وحسب كلام الريم تكول من عرف ماجد كال براحتها بس جان ضايج

استمرت حياتنا ازاد جان دائما يمر هو وامان
والي ضوجني نظرات امان نفس الحب الي قبل لٱ اتزوج نفسه بعد زواجي ..!
معقولة بعد كل الي صار نفس مشاعرة
تزوجت وحبيت ونمت بحظن غيره وخلفت من غيره
ولسه يحبني عجيب..!

وبمرة شافتني اميمة حايرة وجنت افكر بمشاعر امان
بوكتها سألتني وجنت بحاجة افضفض لاحد
حجيتلها الي افكر بيه
وجان جوابها
اميمة: وانتي منو كالج امان بطل يفكر بيج حتى وانتي متزوجة جنت اشوف اللهفة الي بعيونه من يسمع بطاريج

سكتت ماجاوبتها بوقتها
وفعلا اكتشفت انو هو مانساني ولا لحظة

بالنسبة لرزان انحلت السالفه من بعد ما حاولت تنتحر نهوا السالفه ماعدكم بنية يمنا