"الصداقة هي النصف الثاني للإنسان،وفي زحمة العالم لا نستطيع العَيش إلاّ مع صَديق مُخلص 🧸♥️".
اباوع ع الساعة صارت بـ1 كمت غيرت ملابسي وطلعت دكيت الباب ع بيت علي ماكو ازك وماكو ضل بالي عليهم دكيت الباب بقوة طلعتلي اميمه وجها احمر وعيونها مبين باجية
ازاد:شبيج اميمه شكو شبي وجهج علي وين
اميمه ببكاء:ازادد علي تعارك ويه فاطمه وصارت مشڱلھِ وطردته من البيت ومندري وين راح
ازاد:شنووو ،،لٱ يالله ادري بعلي مخبل وعقله مو براسه اهدي اميمه هسه اروح ادور عليه ټمـٱمـ لتخافون
عفتها وكلعت يالكعبه ه̷̷َـَْـُذآ وين راح طلعت رحت ع بيت امان دكيت الباب شوية وطلعت اخته عمرها 8 سنوات
:هَــْـِْـْْـِلاّ حبيبتي بس صيحيلي امان
:ټمـٱمـ
عافتني وراحت تصيحه شوية وطلع امان
امان:حظن ازاد هَــْـِْـْْـِلاّ ابو الزود شنو معقوله اشتاقيتلي بهالسرعه
ازاد:امان انجب مو وكتك هسه
امان بقلق: شبيك ازاد شصاير
ازاد: ولك علي متعارك ويه مرة ابو وطالع ومايعرفون وين راح
امان:هاي شنو اصبر خ ابدل ملابسي واجيك علمود ندور عليه
ازاد:انتضرك بس استعجل
راح امان خمس دقايق وطلع
:يله امشي
طلعنا رحنا لمكان الشغل ماكو للمطعم ماكو رحنا للشط كلنا يجوز موجود ماكو فرينا المنطقه كلها وماكو صارت الدنيا مغرب رحنا لغير مناطق وماكو
امان:ولك ازاد رجليه صارن خيوط كافي لخاطر الله مابيه بعد والله وكعد بالكاع
ازاد:يي والله حته اني تعبت وين راح يعني فرينا المناطق كلها وين ممكن يكون
امان:بالكبور التلف فاطمة وسهام انشالله
ازاد:هههه الله يطيح حظك
امان:والله
صفنت شوية
:لكيتهاا
امان:وسم جفلتني شبيك شلكيت
جريت ايده كوم كوم بعدين نحجي كوم اخذته ورحنا للمقبره
امان بخوف: انجب ازاد بس لٱ تريد تدور علي بهذا المكان شبيك مو تدري بيه اخاف وفوكاها صارت الدنيا ليل
ازاد:انجب لعد تريد نعوف علي وحيده
طبعا اني توقعت يجي هنا لان ابو وامه هنا مدفونين
مشيت وجريت امان وياي طبعا الساعه تقريبا ب7:30 اكثر هيج شي المهم مشينا اني وامان وجانت المقبره فارغه مابيها احد طبعا وين اكو مخبل يدخللها بليل المهم مشينا جان نسمع اكو حركه ورانا
امان بخوف:ااا ززز اا دد تسسـ مممعع
ازاد يتصنع القوة: شبيك امان من الخوف كمت تسمع بخشمك ماكو شي
طبعا اني سمعت بس ماريد اخوفه المهم نلكه علي ونطلع مشينا ندور بالمقبرة وجان نسمع واحد يصيح (شدتسون هنا) بصوت عالي
امان: ازززززاددددد اركض
وشلناها بركضه واني اعيط وامان يعيط
امان:الله لٱ يوفقك علي ابن الكلب مالكيت غير المقبرة ابن الزمال
طبعا يركض ويحجي هنا اني مدري اخاف من الموقف مدري اضحك ع امان الي صار اصفر من الخوف مدري اروح ادور ع علي بس صدك الله لٱ يوفقك يعلي احس كلياتي وكفن من الركض مدري من الخوف هههههههه
كعدنا
امان:بعد مابيه اركض والله تعبت
ازاد وهو يلهث: ولا اني وكعدنا وطلعت بطل مي من الجنطه جنت لابسها وانطيت لامان لان خطيه يمكن سكره صار 1000 هههههههه
المهم كعدنا جان نشوف شخص ضخم يمشي ع كيف وميبين منه شي لان الضوه بظهرة بلعت ريكي لٱ هايهيه رحنا بيها
امان يطك سن بسن
امان: ووو للـ كك ااا ززز ااد. ههـ ذذاا منو
ازاد: يمكن ملك الموت مدري جني شمدريني (هههههه. خبلته)
امان: وااا للله ع ع عمو مو احنه والله اجينا ندور ع صديقنا واحد كلب ابن كلب جعلك ياعلي بنار جهنم راح نروح من وراكككك
الرجال الضخم: ههههههههههههههه يابويه بعد ماتحمل وكع بالكاع من الضحك شويه وطلعوا ثنين زلم ويا وهم ميتين ضحك اني وامان واحد يباوع ع الثاني
أنت تقرأ
شارع السلام
Mistério / Suspense"باللهجة العراقية" ثلاث اصدقاء ثلاث قصص يواجهون معا متاعب الحياة يعيشون حياتهم ببساطتها فماذا سيحدث عندما يدخل الحب لحياتهم قصه كوميديه رومانسيه دراما فيها المظلوم والظالم بها الصديق والعدو فكيف سيجازيهم القدر !" تابعوا معي قصتي الاولى *القصة واقعية...
