هلو حبايبي جدا اعتذر عن التأخير الصار بس صدقا وقت ماعندي وبالگوة دالحك ع دروسي فاتمنى متضوجون مني ☹️💔
وهسة خليكم ويه البارت وشوية طولته لعيونكم كتعويض عن التاخيراحبكم
متابعه ممتعه
***********
.
.
.
.
.
.
.
.
.
.
"في نهاية ڪل علاقة، لا يوجد طرف منتصر وآخر خاسر، ڪلا الطرفين خاسر، لڪن هناك فرق بين من خسر وقته ومن خسر قلبه،،♥️*********************
علي
****واكف انتضر السيارة توكف علمود ارجع واحس انحمست حمس لان الدنيا ظهرية
سمعت صوت بجي
التفتت ادور منا منا اعوذ بالله شني هاي يمكن تخبلت من الحرارة ههههههرجعت شوية ووكفت جوا شجرة وطلعت موبايلي اتصل ع غزل لان غلا سحبت التلفون منها بعد كسرتها الي وبصراحه ماجنت اريد ارجع بس بعد لآزٍمٍ احط النقط ع الحروف ومهما تسوي مستحيل اجبرها ع شخص هي ماتريده
سمعت صوت بجي اقوى من ذاك التفتت جان لغاد شوية عني حاوية مال زبالة رحت عليها لان مستحيل اتخيل
وصلت وافتريت وراها وجان اشوف بنية ملابسها قديمة والواضح انو هي متسولة بس مبين عليها صغيرة كعدت يمها
رفعت راسها وكمزت وحطت ايديها ع وجهها وصارت تحجي بخوف
:عفيةةة لٱ تضربنييي والله مامسويه شي
عقدت حاجبي
:شبيج بابا منو الضاربج وليش اضربج بس جاي اشوف شبيج وليش كاعدة هنا بهالظهرية وليش دتبجين
باوعت بوجهي وهسة يله شفت وجهها بنية بملامح عادية بس المميزها النمش البوجهها ومبين عليها طفله يعني اكثررر شي يطلع عمرها 13
انقهرت عليها وماعرف ليش للحظه تهيألي اميمه بمكانها احس اختنكت صدري ضاقباوعتلها صافنة عليه ووجهها مليان دموع
خزرتها
:شبيج صافنه بوجهي
دنكت راسها وصارت تفرك باديها
:استغفرررر الله مسحت وجهي
مديتلها ايدي ماقبلت رديت مرة ثانية مديتها كمشت ايدي بس هي ما متطمنه وواضح عليها
مشيتها وكعدتها بالمكان الجنت كاعد بي وطلعت من جنطتي بطل مي غسلت وجهها وشربت شويةبرطمت شفايفها
:عموو
ابتسمت شكلها يضحك ههه
:ها يابه
:عفيه اني كولش جوعاناا
:يخسى الجوع كومي وياي
كومتها ورحت ع مطعم طبعا انا نادرا ما اكل بمطعم ما احبه بس علمودها نزلتلها كباب ومقبلات وببسي وهي جن ماشايف وشاف صارت تاكل بشراهة وانا اباوعلها وابتسم رفعت عيونها
:شبيك عمو ليش ما تاكل والله الاكل طيب
:ههه ادري بي طيب انتي اكلي اني مو جوعان
اخذت جاي وشربت وهي تاكل
خلصت وفركت بطنها مثل توم وجيري من يشبعون ويمسحون بطنهم ههههههه متت ضحك ع حركتها
:ها يبعد عمج شبعتي
فتحت عيونها وهزت راسها
:الف عافيه الف عافيه
كمت اخذتها للحمامات وضليت واكف برا وهي غسلت وطلعت
ضلينا كاعدين بالمطعم وكلت اوصلها لاهلها وارجع وبصراحه قلقت لان دادك عليهم ومحد ديجاوب
أنت تقرأ
شارع السلام
Misterio / Suspenso"باللهجة العراقية" ثلاث اصدقاء ثلاث قصص يواجهون معا متاعب الحياة يعيشون حياتهم ببساطتها فماذا سيحدث عندما يدخل الحب لحياتهم قصه كوميديه رومانسيه دراما فيها المظلوم والظالم بها الصديق والعدو فكيف سيجازيهم القدر !" تابعوا معي قصتي الاولى *القصة واقعية...