شارع السلام

البارت 46

شارع السلام
للكاتبة: هناء الشمري
البارت: 46
-
-
-
-
- أنه أذكر مره گتلي
الليل وي غيرك ذنب
ومره گتلي الليل وحشة
بعين كل واحد مُحب
ومره گتلي ومره گتلي
هواي گتلي وطلع
كُل حچيك چذب .
-------------------------------------------------------------

ازاد
****

:شباب خ نرجع ترا ماكو فائدة من وجودنا هنا
حجيت واني صافن ع علي وامان الي دخلوا بمنطقة الها بداية مالها نهاية والمشكلة چولة (مكان فارغ للي ما فهمها يعني) شلون يجن هنا

حجه علي وهو مو گادر يتحكم باعصابه
:ازاد..ازاد.. شلون شلون فهمني ولك اختي وقطعة من روحي مالاكيهن شتريدني اسوي راخ اتخبل ومحمد

عفت حجيه وصفنت ع اختي و"قطعة من روحي"
يعني يعتبر ليلينا قطعه من روحه جنت شاك بالسالفه وهسة قطعت الشك باليقين ماحجيت بس طمنته انو نروح هسة وباجر نرجع لان حانت الدنيا مغربية

امان ايد گلآمَيےّ انجبر علي يرجع ويانا

وصلنا للفندق لكيناهم واصلين طبعا هم راحوا بجهة واحن بجهة حجيت
:بشروا؟
رد بارق
:والله يالحبيب مالهن اثر
علي دنگ راسه بيأس طبطبت ع كتفه
ازاد: لٱ تخاف علاوي صدگ وثق يرجعن وهن سالمات غانمات وبالاخص اميمة ثاق بيها تكدر تحميهن وتحمي نفسها من اكبر واحد تراهن لبؤات وعيب تخاف ع لبوة

تنهد علي وسكت راح كل واحد لغرفته بقيت وصفنت فعلا جانت بكلبي خوفة عليهن مو هين تنخطف وبالاخص هن بنات فكرت لْـۆ صار نفس الشي العسل يمكن اهد العراق وما ارتاح اله ارجعها مجرد فكرة خلتني افور الله يعين كلبهم

ما اجاني نوم ضليت عايش ويه الماضي ورجع بيه لهذاك الًيَوُمًِ المشؤوم

فلاش باك
*******
(كايز قبل لٱ نبدي ادري بيكم ضجتوا كل شوية فلاش باك بس لآزٍمٍ يتوضح الماضي حتى ينفهم الحاظر وضحناه من يم الريم بس ما وضحناه من يم ازاد)

مَآعِرَفتّ شلون تجرأت وهيج سويت هاي بنتي فعلا جنت احسها بنتي صح فترة علاقتنا مو طويلة لَـگِنْ احس اني ربيتها اغلب تفاصيل حياتها اكتسبتها مني جانت علاقتنا جدا شريفة ابد ما طخيت ايدها بيوم جنت رايدها بالحلال وما ردت حرام والله
خليتها تتحجب بس بقناعتها ماكلتلها بطريقة مباشرة تعاي تحجبي لٱ جنت كل يوم احجيلها قصة ومن خلالها رسالة وهي بحكم ذكائها توصلها الرسالة جانت بنتي قبل لٱ تكون حبيبتي اقوى شي سويته اكللها احبج

وشلون لعب براسي الشيطان وهيج سويت ما اعرف انتهيت واني افكر ابد ماتوقعت نفسي بيوم اخطئ هيج خطأ

كاعد كدام الشط وعيني عليه من بين صفنتي
مادري شلون عشت كل هالايام احس صارت نغزات بكلبي رجعت للبيت واني اجر ذيال الخيبة وراي كاره نفسي لدرجة فكرت بالانتحار وجنت ع وشك تنفيذه لَـگِنْ بالنهاية صحيت ع نفسي اصحح الخطا بخطا ثاني وين العقل بالموضوع وعدت نفسي ارجعها وارجعلها ازاد ابوها وهي بنيتي نـًسّْيـت كل الي سوته وغدرها الي كل الجان ببالي اصحح خطأي اني ما افرق عنها شي هم نفس الخطأ قررت احجي وياها وننسه كلشي لان شكد ماغلطت غلطي بسبب غلطها ثنينه مذنبين وثنينه جنه ضحية هالقدر ه̷̷َـَْـُذآ