شارع السلام

البارت 37

مساؤو يحلوين شلونكم اخباركم
واخيرا خلصنا امتحانات وارتاحينه😷
وادري بيكم مشتاقين للرواية وانا بعد مشتاقتلكم
اريد البارت تفجرونه تعليقات وتصويتات يله نبدي
*********************************

شارع السلام
للكاتبة:هناء الشمري
البارت:37
.
.
.
.
"وفجأة ترى أنّك بالفعل إستهلكت نفسك كُلياً، تكلمت كثيراً، شرحت أكثر، بررت بما يكفي.. ثم تأتي عليك لحظة وترى أن طاقتك قد نفذت، فَتتوقف عن الكلام وتبتعد عن الناس، وتذهب لأقرب ملاذ لك وتجلس مُكتفياً بنفسك."
********************************

الريم
*****
صحيت ع دگة الباب التفتت اباوع ع الساعة بال5 الفجر حيللل كل هالفترة واني افكر رجع اندك مرة ثانية
كمت بتملل فتحته شفت نسرين واكفة بملابس النوم وحجت بمياعه
:وخري شوية حبيبي سلومي دزني اجيب ملابسه
باوعتلها ببرود وحجيت
:يريد هو يجي ياخذ
وعفتها وسديت الباب بوجهها

اني نفسي ما طايقتها انوب يردوني اطيق هالمخلوقة هاي
شوية وانفتح الباب دخل سلام باوعلي ببرود والتفت اخذ ملابسه دخل للحمام سبح وبدل وطلع وكف مشط شعره وحط عطر
صفنت عليه شنو البي مو حلو حته انا هيج رافضته جماله وحده كافي رجال بمعنى الكلمة حنانه حنان الام ع طفلها ذكي وعقلاني ومو متهور عصبيته يكتمها خاطر ما يأذي المقابيله
ليش انا رافضته ولو هو مو صوجي صوج گلبي الي مو ناوي يكره ولا ناوي ينسه

سلام:ريمم صار سَـآعــهْْ احجي وياج شبيج جنج صنم
باوعتله وحجيت
:ليش انت هيج
عقد حواجبه وحجه
:شلون يعني هيج
صفنت بعيونه وكأنوا الحجي الماكدر احجي عيونه دتحجي هو باوعلي بنظرة اني مثلج هم تايه وماداعرف اصرف نزلت عيني منه وحجيت
:تريد اسويلك ريوك
سلام:نسرين سوت مايحتاج
هزيت راسي ماحجيت شي
هو خلص وطلع رجعت راسي ع المخدة وغمضت عيوني حاولت انام ماكدر ادري شنو هالچلب الليل كله منايمة وهسة مديحجيني نوم نهدت واني اسمع صوت عمتي وهي تصيح
:ايييي المسعدةة نايمةةة للظهاري مدكوميننن تشوفيننن شغلججج
تنهدت واني اباوع ع الساعة بال6:30 يا ظهر ه̷̷َـَْـُذآ مادري بس الظاهر الظهر بتوقيتها
كمت بدلت ملابسي بدون خلگ اصلا واني كل شوية تمر عليه صورة مرتضى وهو غارگ بدمه وارجع اقنع نفسي يستاهل الي صارله كل الصارلي بسببه

نزلت جوه تلاكيت اني وخولة
خولة:هلا بالحب شلونج
الريم:بخير الْحٍمَدٍ للـّہ وانتي
:ټمـٱمـ ټمـٱمـ شنو الًيَوُمًِ ماعندج كلية
تنهدت: ماروح مالي خلگ

سكتت ماحجت شي نزلنا سوة
وبدينا نشتغل شوية ونزلت مريم تصيح
:يعرباننن امريكااااا جوعانةةة اريددد ريوكككك وعلييي المايسويلييي ريوكك ابتلي بعشيرته
عاطت بيها عمتي
:ووجع بطنج شبيج جنج زمال كاعد من الصبح وبعدين اليريد ريوك هو يسوي لنفسه
مريم:اي انتي تروحين وترجعين عليه عبالك مو بنتج بنت رجلج وعلي
اجاها النعال من حيث لٱ تعلم ههههه
اجت يمنه وحجت
:اكلج ريمة انتي مربوطة وياي اني اغيب انتي تغيبين انوب حته غزيلة غايبة خايبين منو يجيبلنا المحاظرات
خولة:الريم تعبانة وغزل حامل وحقها انتي شبيج جنج حصان تطربكين ما رحتي
:انتي اصبريلي اذا ما احجي لجعيفر اخلي يصلخج