شارع السلام

البارت 25

‏وكل الرفاق أحبّة، الا من شَهد انهيارك وراهن على نجاتك دائماً، هذا عزيز الروح .

💜
*****************************

ازاد
****

مرت الايام وبدينا نقدم ع الكليات امان قدم طب اسنان لان هوايته علي قدم ع العسكرية وراح دخل الاختبار وصارله يومين
وانا ماعرف افكر بالهندسة لو قانون وحاير
اخر شي اجه سلام زيارة يمنا وكعدت حجيت وياه وكالي انو شنو الترتاحله قدم عليه وبصراحه انا احب القانون حيل امان يكلي قدم هندسة يعني 95 وخبصه تالي قانون ويتعارك هو وسلام يكله لا تحجي ع القانون ههههه
اخير شي قررت اقدم ع القانون احسن وقدمنا ومرت الايام انقبلنا كلمن باليريده وهذا جان احسن شي صار بحياتنا
لؤي عزمنا نروح وياه هو واهله لاربيل وصدك رحنا احنه والبنات وهو واهله زوجته وخطيبة سلام والبنات صارن صديقات ورزان هم اجت ويانا صارت لمه تخبل بس ناقصها ريمتي

كاعدين دنشرب جاي ورا الغدا

بارق:يله علمود مانتاخر

امان:شنو رايحين لمكان

لؤي:اي تشترون ملابسكم للجامعه

ازاد:انا ما احتاج عندي

سلام:انجب عزيزي هاي هدية من عدنا لنجاحكم

علي:لا ياب شسالفه ماعدنا فلوس

لؤي:اقسم بالله مو عقول عدكم خذاءات

ازاد:عزيزي اسمها احذية مو حذاءات

بارق:ههههه هذا هو من زمان عنده عداوة ويه العربي

لؤي:يمعود هو هم مادة لخاطر النبي يعقوب تعال اقرا تعال اعرب تعال مسلت وفوكاها الادب جايبلي زمال جان يغني لحبيبته وتعال انت اقرا اناااا شعليهههههه

علي:هههههههه بهاي الشغله ماتنلام

بارق:هسة عوفكم ناخذكم انتو والبنات وتشترون

علي:احنه فهمناها هدية لنجاحنا وشكرا بس البنات شنو ترا انا رجال واكدر اصرف عليهن

ازاد:اباوع ع علي عصب ادري مالهم قصد هم بس هو يتحسس من هالموضوع وشكثر جان يتعارك قبل

سلام بهدوء:شوف حبيبي ترا انا حاسبكم ولدي وحق محمد فمادام انت ابني يعني اخواتك بناتي يعني لا تتحسس من هالموضوع ترا عادي اعتبرنا ازاد من تاخذ منه ايشي تحتاجه وماتخجل لو بس ازاد صديقك احنه كخه

علي:هههه لا شلون كلكم اخواني بس ..

بارق:حاول لتضل تبسبس خطيه اخواتك يجوز يحتاجن شي بس يستحن يكللك خليهن هن والبنات يتفاهمن مالك دخل ليش كاطع رزقهن

علي:خلص براحتكم

ضلينا نتشاقه ووراها طلعنا تسوكنا وانا لاول مرة ما اتحسس منهم احسهم صدك اخواني او ابوي ما اخجل منهم واصلا ماشتريت هواي بس قميص وبنطرون وحذاء والباقي انا اشتريته وهم تخبلوا شنو تشترون من فلوسكم طراطير احنه ههه