شارع السلام

البارت 57

شارع السلام
للكاتبة: هناء الشمري
البارت: 57
-
-
-
-
أريد أن أنتزع نفسي إنتزاعًا، من هذا المكان، من تلك الحقيقة، أن أنتصب مثل سحابة وأنجرف مع التيار، لكنني هنا، لن تكون هناك حقيقة أخرى.
------------------------------------------------------------

مسائو يعسل شلونكم اخباركم
اعتذر ع التأخير البسيط
صوتوا وعلقوا +تابعوا الحساب
يله شدوا همتكم
مشاهدة ممتعة
------------------------------------------------------------

رزان
-------

حاطة الحبوب بأيدي وارجف جسمي كله يرجف ودموعي عشرة عشرة
:اسفة ياربي بس ما عندي غير حل
وشهكت شهكة حسيتها طلعت من كل گلبي

شلت ايدي وقربتها من حلكي واني مصممة ع قراري خلص انتحر واخلص
غمضت وبلعتهن
كعدت ع الجرباية والرجفة البأيدي ماسيطر عليها
فجأة صفنت
:اذا متت شراح استفاد كل الاذوني راح يعيشون عادي حالتي النفسية ودماري السببوا ينسي عادي زين اليحبوني شحيصير بيهم امان اميمة ليلينا شنو موقفهم
وكفت كدام المراية وحجيت برغم الدوخة الحاوطتني
لٱ رزان انتي مو بهالضعف واجهي انتي اقوى من هيج
التفتت للباب بس احس ع لحظة ينغمي عليه
سيطرت ع روحي بالف ياالله
وصلت لغرفة امان
وكعت بس سندت روحي على الباب
فتحتها من غير ما ادكها
جانت ظلمة الساعة ب2 بليل
ما حس ع فتحت الباب حجيت وصوتي يادوب ينسمع
:ا ا امااان
فز فتح الضوا باوعلي فاتح عيونه بصدمة وشعره منكوش جان بدون ملابس بس بالبجامة باوعلي بصدمة حجه
:رزاننن شبيج
نزلت دموعي
:ماريد اموت

كمز من مكانه بسرعة حظني وجان هالشي ٱڅڑ شي اشوفه ....

اميمة
--------
واكفين بالمستشفى وننتظر اي خبر منهم
اشهك والشهكة تطلع من كل گلبي حاظنتني غزل وتهديني بس احس روحي دتطلع ابد ماتوقعت رزان بهالضعف
كدامي ليلينا اتعس من حالتي حاظنها علي يهدي بيها
وامان كل شوية يرتفع ضغطه ويعيط بي ازاد

مرت دقايق بس بالنسبة النا عبالك سنوات
طلع الدكتور
ازاد:ها دكتور بشر
الدكتور: الْحٍمَدٍ للـّہ سوينالها غسيل معدة ومابيها شي انشالله شوية وتصحى والف سلامة
علي: الله يسلمك دكتور تسلم

راح الدكتور واني من الفرحة حظنت ليلينا وصرت ابجي بشهكة
امان كعد بالكاع بادت روحه

دخلنا بعد ماخلوها بغرفتها
فتح الباب امان ودخل وكلنا دخلنا وراه
فتحت عيونها باوعت ع امان
جان مكتف ايده ويباوعلها ببرود
باوعتله وبرطمت التفتتلي خزرتها
رزان: امان ..ونزلت دموعها
امان: هيج رزان صارت واني الجنت اكول اختي ماتحب اذيتي طلعتي حالج حالهن شفكرتي من هيج سويتييي هااا احجييي.؟؟

ازاد: امان صوتك انت بالمستشفى
سكت يهدئ روحه
التفت ورجع يحجي
:لخاطر الله شنو توقعتي من انتحرتي ها تدرين شصار بيه من شفتج شلون تغيب روحج هاا تعرفين شفكرت وشنو صار بيه
زين لنفترض انتحرتي من صدگ شنو تتوقعين يصير ضغط نفسي أمنت بالله بس تتوقعين شراح يصير مجرد راح تموتين شهر وتنسين منو اليتعذب غيرج هااا زين شلون گدرتي تفرطين بروحج بس اكلج شي انتي جبانة وغبية وحسافة بيج التعب